Marke 16:15 - Dɔnɔn kə̂ Siki: Tar kə̂ aw arə təbbə

¹⁵ N̂-pa narəde nan: «Awje dɔ nangə tə̂ tɔyn, ilaje mbər Tar kə̂ Maji le arəje dəwje tɔyn.

Maketuru le Lubba ke tar kabba

¹⁵ Ngaa n̂-pa narede na: « Awje dɔ nange te tɔyn ta ilaje mber Tar ke maji le areje dewje tɔyn.

Marke 16:15 ပူးပေါင်းရင်းမြစ်များ

Matiye 28:19

Yeenn a, awje rɔ gəl-dəwje tə̂ tɔyn kə̂ dɔ nangə tə̂. Ə-ddajede to njê-njaje gom tə̂ ta ə-ddajede batɛm kə ri Bɔ, ri Ngonn kə ri Ndil-mə-nda.

Marke 13:10

Mba maji karə dila mbər Tar kə̂ Maji darə dəwje tɔyn kete bba.

Tar kə̂ Maji kə̂ Jan dda makəturu tə̂ 15:16

Əman â m-mbərəse bbo sese â ə-mbərəmje ang ngaâ mulase karə awje, ta andəje kandə. Ngaâ karə kandə ləse le nayn kə ləw. Baann bba nɛ̂n tɔyn kə̂ ə-dujuje Bɔ kə rim a, nâ karəse.

Tar kə̂ Maji kə̂ Jan dda makəturu tə̂ 20:21

Jeju təl pa arəde bbay nan: «Mə-wul-lɔm ee kə se. Ddəw kâra baa tokə Bɔy ulam le, əman kara mulase tɔ.»

Kulaje 1:2

ndərəng ndɔ tə̂ kə̂ Lubba unnɛ̂ təl saa darâ. Kete bba karə Lubba təl saa darâ le, nunn ndu ddəw tə̂ lə Ndil-mə-nda narə njê-kaw-kulaje kə̂ n̂-mbərəde.

Kulaje 1:8

A, â kingaje singa-mɔngu ddəw tə̂ lə Ndil-mə-nda kə̂ a ddee dɔse tə̂. Ngaâ â təlje to njê-tar-najije ləm mə bbe tə̂ kə̂ Jerujalɛm, dɔ nangə Jude tə̂ tɔyn, dɔ nangə Samari tə̂, ndərəng kɔyn nangə tə̂ tɔyn.»

Rɔmɛnje 10:18

Yeenn a, m-duju ta koo: Jiipije le ooje tar kə̂ dila mbəre le ang wa? Dooje tar le njaa. Makəturu lə Lubba pa nan: «Dəwje ooje ndu njê-kilaje mbər le dɔ nangə tə̂ tɔyn, dəwje kə̂ eeje kɔyn nangə tə̂ kara ooje tar le tɔ.»

Rɔmɛnje 16:26

Nɛ̂n kə̂ to lo-kiyɛ̂ tə̂ le bbasinɛn tee lo-karɛ tə̂ ddəw makəturuje tə̂ lə njê-kilaje mbər tar lə Lubba. Lubba kə̂ nje-kisi kə ndɔ kə ndɔ unn ndu tokə baann karə gəl-dəwje tɔyn ooje məde tə̂ saa ngaâ ooje tɛɛ̂.

Epɛjinyɛje 2:17

Kristə ddee ta kila mbər Tar kə̂ Maji kə̂ ɔju dɔ kisi kə mə-wul-lɔm karəse, sese kə̂ eeje ddəw əw kə Lubba ddəm karə dəwje kə̂ eeje saa ngɔsi ddəm.

Kolosinyɛje 1:23

A maji karə ə-naynje ddəw mə-kunn tə̂ le ta arje dɔɛ tə̂ arə ngəng tokə kəy kə̂ gɔlɛ̂ uwa nangə kə majɛ̂. Nɛ̂n kə̂ Tar kə̂ Maji dda arə aw undaje məse dɔɛ tə̂ le, inyaje ddəwe ang. Tar kə̂ Maji le dila mbəre darə dəwje tɔyn kə̂ dɔ nangə tə̂. Ngaâ əman Pɔl, m-ddee to nje-kula Tar kə̂ Maji le.

Kolosinyɛje 1:6

Tar kə̂ Maji nəənn le aw andə kandə aw nɛ̂n kə kete kete dɔ nangə tə̂ tɔyn. Kar kə̂ Tar le tee bbeê ləse le to tokə baann tɔ, unn kute ndɔ tə̂ kə̂ ooje nɛ̂n tar mə-maji kə̂ tɔkɔrɔ kə̂ Lubba dda kə se le.

1 Jan 4:14

Jooe kə kəmje ngaâ n-pa tar-naji laa jarə dəwje nan Lubba kə̂ Bɔ ula Ngonnɛ̂ to Nje-kaji-dəwje kə̂ duninya tə̂.

Apokalisi 14:6

Goe ta a, moo marə anjə dang aw ila mə dara tə̂ taar nu. Tar kə̂ Maji kə̂ to kə ndɔ kə ndɔ to ta karə n̂-pa narə dəwje kə̂ dɔ nangə tə̂: Dəwje kə̂ gəlde dang dang tɔyn, dəwje kə̂ gəl-kujude dang dang, dəwje kə̂ ndɔn-tarje ləde dang dang kə dəwje kə̂ bbeje tə̂ dang dang tɔyn.