Marke 16:14 - Dɔnɔn kə̂ Siki: Tar kə̂ aw arə təbbə

¹⁴ Dɔbɔnyɛ̂ a, n̂-tɔju rɔɛ̂ narə njê-njaje goe tə̂ kə̂ dɔku gire kâra, kə̂ aw usaje nɛ̂n ngaâ n̂-kɔl kə de mba mə-kunn ləde kə̂ goto ddəm mba mə-kətərə ləde ddəm mba n̂-ndikije tə̂ kə dəwje kə̂ ooeje go ndol tə̂ kə̂ n̂-ndol le ang.

Maketuru le Lubba ke tar kabba

¹⁴ Dɔbɔyne a, n̂-tɔju rɔe nare nje-njaje goe te ke dɔku gire kara, ke aw usaje ne, ngaa n̂-kɔl ke de wɔju dɔ mede ke dunn dare Lubba ang ddem, wɔju dɔ me-ketere lede ddem. Mba, n̂-ndikije go tar te le dewje ke ooeje goe te ke nin ne horo dewje te ke oy le ang.

Marke 16:14 ပူးပေါင်းရင်းမြစ်များ

Matiye 11:20

Yeenn ngaâ Jeju unn kutu kɔl nya kə dəwje kə̂ n̂-dda nɛ̂n-mɔrije bbeê ləde nya uta kəseje tɔyn, mba n̂-mbətəje ta turu məde.

Matiye 17:20

Jeju pa arəde nan: «Mba mə-kunn ləse tɛn baa. Tɔkɔrɔ m-pa marəse, bbo mə-kunn ləse tɛn baa tokə lə kandə-ko kə̂ ria nan mutardə bba ə-paje arəje ddingiri nəənn ə-paje nan: ‹Ə-ngəsə nəənn aw to yoonn› a, nâ ngəsə. Marə nɛ̂n kâra kə̂ a nyase goto. [

Matiye 28:17

Dooeje a, dɔsuje məkəjə-gɔlde nangə̂. A marɛ̂je aw maynje tar bbay.

Marke 7:18

Nilade tə̂ nan: «Sese kara ə-gərəje nɛ̂n ang tɔ wa? Marə nɛ̂n kə̂ a kin ddaka kandə mə dəw tə̂ kə̂ a kasə dda karə dəw ddee to nɛ̂n-yərəw goto le, ə-gərəje ang wa?

Luku 24:11

A dooje tar lə dɛnɛ̂nje le to tar mbə ngaâ n̂-ndikije tə̂ ang.

Luku 24:25

Jeju pa arəde: «See njê-dɔ-gotoje! Tarje tɔyn kə̂ njê-kilaje mbər tar lə Lubba paje arəse le, ə-ndikije tə̂ kə de kə ngɔru ang mba ddi wa?

Tar kə̂ Maji kə̂ Jan dda makəturu tə̂ 20:25

Kəsə njê-njaje go Jeju tə̂ le paje arə Toma le nan: «Joo Əbbə-dəwje.» A nilade tə̂ nan: «Bbo moo turu pɔndeje kə̂ mə jia tə̂ ang, bbo mɔru turu pɔndeje le kə jim ang ngaâ mula jim do tə̂ kə̂ karɛ̂ tə̂ le ang a, mâ koo nɛ̂n məm tə̂ ang.»

Tar kə̂ Maji kə̂ Jan dda makəturu tə̂ 20:26

Ndɔ siri goe tə̂ a, njê-njaje go Jeju tə̂ mbɔnje naan mə kəy tə̂, a Toma ee horode tə̂. Dutuje ta-kəy dɔde tə̂ kə kele. A Jeju tee ar horode tə̂ ngaâ pa nan: «Mə-wul-lɔm ee kə se.»

Tar kə̂ Maji kə̂ Jan dda makəturu tə̂ 20:27

Ngaâ, n̂-pa narə Toma nan: «Ula ngaw jii kə nəənn, aa jimje nəənn oo, ta ula jii karəm tə̂ le. Ə-mayn tar ang ngaa, koo njaa oo məi tə̂.»

Tar kə̂ Maji kə̂ Jan dda makəturu tə̂ 21:1

Goe tə̂ a, Jeju təl tɔju rɔɛ̂ arə njê-njaje goe tə̂ kar ba-katə tə̂ kə̂ Tiberiyadə. Ddəw kə̂ n̂-tɔju nɛ̂n rɔɛ̂ tokə be:

Tar kə̂ Maji kə̂ Jan dda makəturu tə̂ 21:14

Yeenn to gɔl mota laa ngaa kə̂ Jeju tɔju rɔɛ̂ arə njê-njaje goe tə̂, go ndol tə̂ kə̂ noy a, n̂-ndol le.

Kulaje 1:3

Go yo tə̂ laa a, n̂-tɔju rɔɛ̂ narəde ngaâ n̂-dda nɛ̂nje dang dang ta tɔjude to nisi kəm baa. N̂-dda tokə baann ndɔ dɔsɔ ngaâ n̂-pa tar dɔ kɔn-mbay tə̂ lə Lubba narəde.

1 Kɔrɛntinyɛje 15:5

N̂-tee ninga Piyɛr, goe tə̂ a, ninga njê-njaje goe tə̂ kə̂ dɔku gire joo le.

Apokalisi 3:19

Dəwje tɔyn kə̂ m-ndikide, maw təl kə de ddəw tə̂ kə̂ maji ddəm maw tundade ddəm. Yeenn bba, maji karə ə-dda kula le kə mə-kâra ta ə-turu məi.