Marke 14:62 - Dɔnɔn kə̂ Siki: Tar kə̂ aw arə təbbə

⁶² Jeju ilɛ̂ tə̂ nan: «Ye njaann, m-to Ngonnɛ̂. Â kooje Ngonn lə dəw kə̂ isi dɔ ji-kɔl Lubba tə̂ kə̂ Nje-singa-mɔngu. Nâ kin darâ mə mum tə̂ ta ddee.»

Maketuru le Lubba ke tar kabba

⁶² Jeju ilae te na: « Yee njann, m-to Ngonne. A kooje Ngonn le dew ke isi dɔ ji-kɔl Lubba te. Na kin darâ me mum te ta ddee.»

Marke 14:62 ပူးပေါင်းရင်းမြစ်များ

Matiye 24:30

Yeenn ngaâ nɛ̂n kə̂ a tɔju karə dəwje gərəje nɛ̂n təl lə Ngonn lə dəw a kubba mə dara tə̂. Dəwje tɔyn kə̂ duninya tə̂ a nɔnje. Dâ kooje Ngonn lə dəw kə̂ a ddee mə mum tə̂ kə singa-mɔngu nya ddəm kə piti nya ddəm.

Matiye 26:64

Jeju ilɛ̂ tə̂ nan: «Əi njaa ə-pa mban. A m-pa marəse, bbasinɛn nəənn njaa â kooje Ngonn lə dəw kə̂ isi dɔ ji-kɔl Lubba tə̂ kə̂ nje-singa-mɔngu. A kooeje kar tə̂ kə̂ nâ kin darâ ta ddee mə mum tə̂ tɔ.»

Matiye 27:11

Daw kə Jeju nɔn ngonn mbay Pilatə tə̂. Ngonn mbay le duje nan: «Ə-to tɔkə mbay lə Jiipije wa?» Jeju ilɛ̂ tə̂ nan: «Əi njaa ə-pa mban.»

Marke 13:26

Yeenn ngaâ â kooje Ngonn lə dəw a ddee mə mum tə̂ kə singa-mɔngu laa tɔyn ddəm kə piti ddəm.

Marke 15:2

Pilatə duju Jeju nan: «Ə-to mbay lə Jiipije wa?» Jeju le ilɛ̂ tə̂ nan: «Əi njaa ə-pa mban.»

Marke 16:19

Go tar tə̂ kə̂ Əbbə-dəwje Jeju pa arəde tokə baann a, Lubba unnɛ̂ aw saa darâ ngaâ nisi dɔ ji-kɔlɛ̂ tə̂.

Luku 22:69

A kunn-kute bbasinɛn, Ngonn lə dəw a kisi dɔ ji-kɔl Lubba tə̂ kə̂ to nje-singa-mɔngu.»

Luku 23:3

Pilatə duju tar Jeju nan: «Ə-to tɔkə mbay lə Jiipije wa?» Jeju ilɛ̂ tə̂ nan: «Əi njaa ə-pa.»

Ebərəje 1:3

Ddəw tə̂ lə Ngonn le â dəwje ooje piti lə Lubba kə̂ aw ndoko ngaâ n̂-to tokə Lubba njaa. Tar laa kə̂ ee kə singa nya aw dda arə nɛ̂nje tɔyn naynje kə lo-tode. N̂-toko majang lə dəwje ngaâ goe tə̂ a, naw nisi darâ dɔ ji-kɔl Lubba tə̂ kə̂ to nje-singa-mɔngu.

Ebərəje 12:2

Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.

Ebərəje 8:1

Tar kə̂ ngəng uta kəseje kə̂ ja ta pa â nəənn: Tɔkə nje-polo Lubba ləje to darâ. Nisi dɔ ji-kɔl ngende-mbay tə̂ lə Lubba kə̂ to nje-singa-mɔngu kə̂ uta tɔyn.

Ebərəje 8:10

Əman Əbbə-dəwje m-təl pa nan: Dɔnɔn kə̂ mâ kɔsu kə ngann Ijarayɛlje go ndɔje tə̂ənn â nəənn: Mâ karə nduje ləm to kəjə tə̂ ləde, mâ kuja nduje le tokə makəturu dɔ bbəngərəde tə̂, mâ to Lubba ləde ngaâ dâ toje to dəwje ləm.

2 Piyɛr 1:16

Kar tə̂ kə̂ n-tɔjuse tar ddee kə̂ Əbbəjeje Jeju-Kristə a ddee kə singa-mɔngu le, jar dɔ tarje tə̂ kə̂ kura kura kə̂ dəwje əjəje kə dɔde baa bba n-tɔju nɛ̂n se ang. Joo tɔkə-mbangə laa kə kəmje njaa.

Apokalisi 1:7

Ooje, naw ddee mə mum tə̂! Dəwje tɔyn a kooeje. Njê kə̂ ɔsɛ̂je kə ninga njaa kara a kooeje tɔ. Gəl-dəwje tɔyn a nɔnje mbɛɛ̂. A to tokə baann njaa! Amɛnn.

Apokalisi 20:11

Goe tə̂ a, moo tɔkə ngende-mbay kə̂ nda kə dəw kə̂ isi dɔɛ tə̂. Nangə kə dara ɔtuje aynje nɔɛ̂n tə̂ kə ddang arə dəw təl oode ang ngaa.