Marke 14:49 - Dɔnɔn kə̂ Siki: Tar kə̂ aw arə təbbə

⁴⁹ Kə ndɔ tɔyn mee horose tə̂ kəy-polo Lubba tə̂ maw tɔju nɛ̂n, a uwamje ang. A nɛ̂n nəənn to mba karə tar kə̂ Makəturu lə Lubba pa ddee to tar kə̂ tɔkɔrɔ.»

Maketuru le Lubba ke tar kabba

⁴⁹ Ke ndɔje tɔyn mee ke se key-polo-Lubba te maw m-tɔju ne a uwamje ang. A ne neenn to mba kare tar ke Maketuru le Lubba pa ddee to tar ke tɔkɔrɔ.»

Marke 14:49 ပူးပေါင်းရင်းမြစ်များ

Matiye 1:22

Nɛ̂njeenn tɔyn teeje mba karə tar kə̂ Əbbə-dəwje unda ta nje-kila mbər tar tə̂ laa arə pa ddee to tar kə̂ tɔkɔrɔ. Tar le nan:

Matiye 26:54

A bbo m-dda tokə baann a, tarje kə̂ Makəturu lə Lubba pa le a ddeeje to nɛ̂n kə̂ tɔkɔrɔ tokə baânn wa? Makəturu le pa nan, maji karə nɛ̂ɛnn le to tokə baann.»

Matiye 26:55

Goe tə̂ a, Jeju pa arə dəwje kə̂ banya le nan: «Ə-ddeeje kə tɔkə kiyaje kə kakəje bba ta kuwam nɛ̂n tokə nɛ̂n kə̂ m-to dəw kə̂ maji ang wa? Kə ndɔ tɔyn, maw misi kəy-polo Lubba tə̂ maw tɔju nɛ̂n, a uwamje ang.

Matiye 26:56

A nɛ̂njeenn tɔyn toje bba karə tar kə̂ njê-kilaje mbər tar lə Lubba paje Makəturu tə̂ le ddeeje to nɛ̂n kə̂ tɔkɔrɔ.» Yeenn ngaâ njê-njaje go Jeju tə̂ le tɔyn njaa aynje inyɛ̂je.

Marke 10:1

Goe tə̂ a, Jeju ɔtu lo tə̂ənn aw nangə tə̂ kə̂ Jude, tura Jurdɛn tə̂. A dəwje kə̂ banya təl mbɔnje naan rɔɛ̂ tə̂ bbay, arə naw tɔjude nɛ̂n tokə naw dda kə ndɔ tɔyn.

Marke 11:27

Jeju kə njê-njaje goe tə̂ n̂-təlje Jerujalɛm bbay. Kar tə̂ kə̂ Jeju aw nja mə kəy-polo Lubba tə̂ a, mbayje lə njê-poloje Lubba kə njê-gərəje-Ndu kə tɔkəje lə Jiipije n̂-ddeeje rɔɛ̂ tə̂.

Marke 12:35

Jeju aw tɔju nɛ̂n mə kəy-polo Lubba tə̂ lə Jiipije a, duju tar nan: «Njê-gərəje-Ndu a kasəje ta pa nan Kristə le to ngonn lə Dabbiti tokə baânn wa?

Marke 14:48

Jeju pa arəde nan: «Ə-ddeeje kə tɔkə kiyaje kə kakəje bba ta kuwam nɛ̂n tokə nɛ̂n kə̂ m-to dəw kə̂ maji ang wa?

Marke 14:50

Yeenn ngaâ njê-njaje goe tə̂ tuseje inyɛ̂je a, aynje.

Luku 19:47

Naw tɔju nɛ̂n kə ndɔ tɔyn mə kəy-polo Lubba tə̂ le. Mbayje lə njê-poloje Lubba kə njê-gərəje-Ndu kə tɔkə dəwje aw sangəje ddəw ta tɔlɛ̂.

Luku 22:37

Mba m-pa marəse: Maji karə tar nɛ̂nje kə̂ n̂-pa dɔm tə̂ mə Makəturu tə̂ lə Lubba nəənn ingam njaa. Tar le nan: ‹Dəwje ooeje to marə dəw kə̂ maji ang.› Tar kə̂ dɔm tə̂ nəənn le ddee ngɔsi ta kɔsu kɔnyɛ̂ baann tɔkɔrɔ ngaa.»

Tar kə̂ Maji kə̂ Jan dda makəturu tə̂ 10:23

Jeju aw nja lo tə̂ kə̂ daw bbar nan: «baranda lə Salomɔn» mə kəy-polo Lubba tə̂.

Tar kə̂ Maji kə̂ Jan dda makəturu tə̂ 18:20

Jeju ilɛ̂ tə̂ nan: «M-pa tar kə ddaka marə dəwje kə̂ duninya tə̂ tɔyn. M-tɔju nɛ̂n kə ndɔ tɔyn mə kəy mbɔn-naanje tə̂ kə mə kəy-polo Lubba tə̂ kə̂ Jiipije tɔyn aw mbɔnje naan tə̂. M-pa marə tar lo-kiyɛ̂ tə̂ ang.

Tar kə̂ Maji kə̂ Jan dda makəturu tə̂ 7:37

Ddutu ndɔ kusu tə̂ kə̂ to ndɔ kə̂ ngəng nya njaa, Jeju ar taar ngaâ pa nan: «Bbo kunda ɔn marə dəw a, maji karə n̂-ddee rɔm tə̂, nay maann.

Tar kə̂ Maji kə̂ Jan dda makəturu tə̂ 8:12

Jeju təl pa tar arə dəwje kə̂ banya le bbay nan: «Əman â m-to lo-karɛ kə̂ dɔ nangə tə̂. Dəw kə̂ unn gom a, a nja lo ndul tə̂ ang. Nâ kinga lo-karɛ kə̂ aw arə təbbə.»

Tar kə̂ Maji kə̂ Jan dda makəturu tə̂ 8:2

Lo-karɛ̂ kə əsindɔɔ a, n̂-təl naw kəy-polo Lubba tə̂ ngaâ dəwje tɔyn awje rɔɛ̂ tə̂. Nisi nangə̂ ngaâ nunn kutu tɔjude nɛ̂n.