Marke 14:11 - Dɔnɔn kə̂ Siki: Tar kə̂ aw arə təbbə

¹¹ Dooje tar laa le a, rɔde nəəlde nya ngaâ dunnje ndude ta karɛ̂ narɛ. Yeenn ngaâ Judas unn kutu sangə ddəw kə̂ maji kə̂ nan kila nɛ̂n Jeju jide tə̂.

Maketuru le Lubba ke tar kabba

¹¹ Dooje tar laa le a rɔde neelde nya, ngaa dunnje ndude ta kare nare. Yeenn ngaa Judase unn kutu sange ddew ke maji ke na kila ne Jeju jide te.

Marke 14:11 ပူးပေါင်းရင်းမြစ်များ

Matiye 26:14

Goe tə̂ a, marə nje-nja go Jeju tə̂ horo marɛ̂je tə̂ kə̂ dɔku gire joo kə̂ ria nan Judas Iskariyotə aw inga mbayje lə njê-poloje Lubba

Matiye 26:15

ngaâ pa arəde nan: «Bbo mila Jeju jise tə̂ a, ddi bba â karəmje wa?» Tɔkə njê-poloje Lubba arɛ̂je kandə narɛ dɔmota.

Marke 14:10

Judas Iskariyotə kə̂ to marə nje-nja go Jeju tə̂ horo marɛ̂je tə̂ kə̂ dɔku gire joo aw rɔ mbayje lə njê-poloje Lubba tə̂ ta kila Jeju jide tə̂.

Marke 14:12

Dɔngɔr ndɔ kusu mapa kə̂ n̂-dda kə wum ang kə̂ to ndɔ kə̂ daw tɔl nɛ̂n ngann batəje mba dda nɛ̂n muru Pakə a, njê-njaje go Jeju tə̂ dujeje nan: «Lo kə̂ dda bba ə-ndiki karə jaw dda muru Pakə kə tə̂ jari wa?»

Luku 22:3

Yeenn ngaâ Satan andə mə Judas tə̂ kə̂ daw bbarɛ̂ nan Iskariyotə. Nee horo njê-kaw-kulaje tə̂ lə Jeju kə̂ dɔku gire joo le.

1 Timɔte 6:10

Mba, bbo narɛ â to ngira nɛ̂nje kə̂ maji ang tɔyn. Marə dəwje kə̂ isije kə bbo narɛ inyaje mə-kunn ləde ddəw əw. Yeenn bba dede njaa n̂-darje dɔde nɛ̂n kəm-to-ndooje tə̂ dang dang.

Judə 1:11

Nɛ̂n-wungu a ddee dɔde tə̂, mba n̂-ddaje nɛ̂n tokə lə Kayn. Dərəje ngəm tokə lə Balaam mba kinga nɛ̂n narɛ, n̂-ddaje dɔ-ngəng tokə lə Kore.