Marke 12:36 - Dɔnɔn kə̂ Siki: Tar kə̂ aw arə təbbə

³⁶ Dabbiti njaa kara, kar tə̂ kə̂ Ndil-mə-nda dduse, pa nan: ‹Əbbə-dəwje Lubba pa arə Əbbəmje nan: Ə-ddee isi dɔ ji-kɔləm tə̂ ndərəng ta mungu njê-baanje ləi kɔ gɔli tə̂.›

Maketuru le Lubba ke tar kabba

³⁶ Dabbiti njaa kara, toke Ndil-me-nda ddusu mee a, pa na: Ebbe-dewje Lubba pa are Ebbemje na: ‹E-ddee isi dɔ ji-kɔlum te, ndereng ta mungu nje-baanji lei kɔy gɔli te bba.›

Marke 12:36 ပူးပေါင်းရင်းမြစ်များ

Matiye 5:35

Undaje yo kə ri nangə ang tɔ, mba nangə to lo kungu gɔlɛ̂. Undaje yo kə ri Jerujalɛm ang, mba Jerujalɛm to bbe lə tɔkə mbay.

Kulaje 1:16

«Ngakɔnʼmje, tar kə̂ Ndil-mə-nda unda ta Dabbiti tə̂ arə pa makəturu tə̂ lə Lubba le ddee to tar kə̂ tɔkɔrɔ ngaa. Tar le nan Judas a təl to nje-kunn nɔn dəwje kə̂ uwaje Jeju.

Kulaje 28:25

Horode tə̂ tar ləde aw naan tə̂ ang ngaâ kar tə̂ kə̂ dâ ta kɔtuje a, Pɔl pa tar kâra nan: «Tar kə̂ Ndil-mə-nda unda ta Ejayi tə̂ kə̂ to nje-kila mbər tar lə Lubba arə pa arə kajejedede le to tar kə̂ tɔkɔrɔ. Ndil-mə-nda pa nan:

1 Kɔrɛntinyɛje 15:25

Mba maji karə nɔn bbe ndərəng ndɔ kə̂ bɔɛ̂je a kungu njê-baanje laa tɔyn kɔ gɔlɛ̂ tə̂.

2 Timɔte 3:16

Tar tɔyn kə̂ n̂-dda Makəturu tə̂ le in rɔ Lubba tə̂ ngaâ Makəturu le to mba tɔju dəwje tar kə̂ tɔkɔrɔ, mba karə dəw gərə majang laa, mba gɔl pa-nja lə dəw karə to kə dannâ, mba tɔju dəw ddəw kə̂ gatə gatə.

Ebərəje 1:13

Ta pa karə marə anjə nan: «Ə-ddee isi dɔ ji-kɔləm tə̂, mâ dda karə njê-baanje ləi ddeeje to lo kungu gɔli.» Lubba pa tar baann ndɔ kâra ang.

Ebərəje 4:7

Mba yeenn bba, Lubba ila marə ndɔ tokə siki ngaâ n̂-bbar ndɔ le nan «bbokənɛn». Ndɔ nday nya bba narə Dabbiti pa makəturu tə̂ nəənn le nan: «Bbokənɛn, bbo ooje ndu Lubba kə̂ aw bbar a, arəje məse kətərə ang.»

1 Piyɛr 1:11

Ndil lə Kristə kə̂ to məde tə̂ pa tar ndoo kə̂ Kristə a koo kə tar piti kə̂ a ddee goe tə̂ arəde tokə kete. Mba yeenn bba, dunnje rɔde tɔyn ta gərə se kar kə̂ baânn wase ddi â a to bba nɛ̂nje kə̂ Ndil lə Kristə pa le a ddeeje wa?

2 Piyɛr 1:21

Mba dəw ila mbər tar lə Lubba kə mə-ndiki laa njaa ang. Ndil-mə-nda â aw kə dəwje arə ilaje mbər tar kə̂ in ta Lubba tə̂.