Marke 12:17 - Dɔnɔn kə̂ Siki: Tar kə̂ aw arə təbbə

¹⁷ Yeenn ngaâ Jeju pa arəde nan: «Arəje tɔkə mbay kə̂ Rɔm nɛ̂n kə̂ to lə tɔkə mbay kə̂ Rɔm, a arəje Lubba nɛ̂n kə̂ to lə Lubba.» Tar laa le dum dɔ dəwje kə̂ ddeeje ta nɛɛ̂n le.

Maketuru le Lubba ke tar kabba

¹⁷ Yeenn ngaa Jeju pa arede na : « Areje Sejar ne ke to le Sejar, a areje Lubba ne ke to le Lubba.» Tar laa le nya dewje ke ddeeje ta nae le.

Marke 12:17 ပူးပေါင်းရင်းမြစ်များ

Matiye 22:21

Dilaje tə̂ nan: «Toje to lə tɔkə mbay kə̂ Rɔm.» N̂-təl n̂-pa narəde nan: «Baann a, arəje tɔkə mbay kə̂ Rɔm nɛ̂n kə̂ to lə tɔkə mbay kə̂ Rɔm, a arəje Lubba nɛ̂n kə̂ to lə Lubba.»

Matiye 22:22

Dooje tar laa le a, dum dɔde ngaâ dinyɛ̂je dɔtuje.

Matiye 22:33

Nɛ̂n-tɔju laa le dum dɔ dəwje kə̂ banya kə̂ ooje tar laa le.

Matiye 22:46

Dəw kâra horode tə̂ asə kilɛ̂ tar tə̂ ang. Unn kute dɔ ndɔɛ̂ tə̂ənn, dəw kâra tay duje tar ang ngaa.

Matiye 8:10

Jeju oo tar lə baw-ddɔ le baann a, tar le nəəle nya ngaâ n̂-pa narə dəwje kə̂ unnje goe nan: «M-pa tar kə̂ tɔkɔrɔ marəse, nangə tə̂ kə̂ Ijarayɛl tɔyn, m-nayn minga marə mə-kunn kə̂ be ang.

Marke 12:16

N̂-ddeeje kə marə kandə narɛ darɛ̂je ngaâ n̂-dujude nan: «Əndaji dɔ dəw kə makəturu kə̂ n̂-dda kandə narɛ tə̂ nəənn toje to le nan wa?» Dilɛ̂je tə̂ nan: «To lə tɔkə mbay kə̂ Rɔm.»

Marke 12:30

Maji karə ə-ndiki Əbbə-dəwje Lubba ləi kə məi tɔyn kə kəwn ləi tɔyn kə kəjə ləi tɔyn kə singai tɔyn.›

Luku 20:25

Yeenn ngaâ n̂-pa narəde nan: «Arəje tɔkə mbay kə̂ Rɔm nɛ̂n kə̂ to lə tɔkə mbay kə̂ Rɔm, arəje Lubba nɛ̂n kə̂ to lə Lubba.»

Rɔmɛnje 12:1

Ngakɔnʼmje, Lubba tɔju maji laa kə̂ n̂-dda kə je. Yeenn bba, m-walse nya karə unnje da-rɔse njaa arəje Lubba tokə nɛ̂n-polo kə̂ to kəm baa, nɛ̂n kə̂ dunda dang ngaâ maji kəm Lubba tə̂. Yeenn â to gusu kə̂ tɔkɔrɔ kə̂ ta polo nɛ̂n Lubba.

Rɔmɛnje 13:7

Maji karə ukaje bbangə nɛ̂n lə nje-marseje kâra kâra kə̂ to dɔseje tə̂. Ukaje lambo ji dəw tə̂ kə̂ to tar ləse ta kuka jia tə̂, ukaje dɔ nɛ̂n ji dəw kə̂ to tar ləse ta kuka dɔ nɛ̂n le jia tə̂. Ə-bbəəlje dəwje kə̂ to tar ləse ta bbəəlde, ə-walje dəwje kə̂ to tar ləse ta walde.

Rɔmɛnje 6:13

Unnje dəbbə rɔse kâra ilaje majang tə̂ ang ngaa, mba a təl to nɛ̂n-dda kula kə̂ gatə gatə ang. A unnje rɔse arəje Lubba tokə dəwje kə̂ oyje bba ndolje. Unnje rɔse tɔyn ilaje kula tə̂ lə Lubba karə rɔse le təl to nɛ̂n kə̂ ta dda nɛ̂n kula kə̂ gatə gatə.

1 Piyɛr 2:17

Maji karə ə-walje dəwje tɔyn, ə-ndikije ngakɔnse, ə-bbəəlje Lubba, ə-walje tɔkə mbay.