Marke 11:32 - Dɔnɔn kə̂ Siki: Tar kə̂ aw arə təbbə

³² A bbo n-pa nan: ‹Dəwje â ula Jan.› » Ta koo a, mbayje lə njê-poloje Lubba kə Njê-gərəje-Ndu kə tɔkəje lə Jiipije le bbəəlje dəwje kə̂ banya le mba dəwje tɔyn gərəje to Jan to nje-kila mbər tar lə Lubba.

Maketuru le Lubba ke tar kabba

³² A bbo n-paje na: ‹ Dewje a ula Jan a...› » Tɔku nje-poloje Lubba ke nje-kɔruje gel-ndu, ke tɔkuje le Jiipije le bbeelje dewje ke banya le, mba dewje tɔyn ooje Jan to nje-kila mber-tar le Lubba.

Marke 11:32 ပူးပေါင်းရင်းမြစ်များ

Matiye 11:9

A ddi njaa â aw ooje le wa? Marə nje-kila mbər tar lə Lubba wa? Tɔkɔrɔ, m-pa marəse, nuta nje-kila mbər tar lə Lubba bbay.

Matiye 14:5

Erodə ndiki ta tɔl Jan le, a n̂-bbəəl kəm Jiipije mba dooje Jan to nje-kila mbər tar lə Lubba njaa.

Matiye 21:46

N̂-sangəje ddəw ta kuwɛ̂je, a n̂-bbəəlje kəm dəwje kə̂ banya, mba dəwje le gərəje to Jeju to marə nje-kila mbər tar lə Lubba.

Marke 11:31

A n̂-paje horode tə̂ nan: «Bbo jilaje tə̂ n-pa nan: ‹In rɔ Lubba tə̂ darâ› a, nâ pa nan: ‹Mba ddi bba ə-ndikije tə̂ kə Jan le ang wa?›

Marke 11:33

Yeenn ngaâ dilaje Jeju tə̂ nan: «N-gərə ang.» A Jeju pa arəde nan: «Əman kara mâ bbar ri dəw kə̂ arəm singa ta dda nɛ̂njeenn le karəse ang tɔ.»

Marke 12:12

Mbayje lə njê-poloje Lubba aw sangəje ddəw ta kuwa Jeju le, mba n̂-gərəje to dede â Jeju aw pa gusu-tar nəənn ɔju dɔde. A n̂-bbəəlje dəwje kə̂ banya le ngaâ dinyɛ̂je a dɔtuje.

Marke 6:20

mba Erodə aw bbəəl Jan le nya. N̂-gərə to Jan to dəw kə̂ to gatə gatə ddəm dəw kə̂ Lubba undɛ̂ dang ddəm arə naw ngəmɛ̂ kə majɛ̂. Noo tar kə̂ Jan aw pa a, n̂-gərə nɛ̂n kə̂ nâ dda ang. A dɔ ye tə̂ənn njaa kara, n̂-ndiki nya ta koo tarje laa.

Luku 20:19

Kar tə̂ənn njaa mbayje lə njê-poloje Lubba kə njê-gərəje-Ndu aw sangəje ddəw ta kuwɛ̂, a n̂-bbəəlje kəm dəwje. Mba n̂-gərəje to dede â Jeju aw pa gusu-tar nəənn ɔju dɔde.

Luku 22:2

Mbayje lə njê-poloje Lubba kə njê-gərəje-Ndu aw sangəje gusu kə̂ ta tɔl nɛ̂n Jeju, a n̂-bbəəlje kəm dəwje.

Tar kə̂ Maji kə̂ Jan dda makəturu tə̂ 10:41

Dəwje tokə banya ddeeje rɔɛ̂ tə̂ ngaâ paje nan: «Jan dda marə nɛ̂n-mɔri kâra ang. A tar tɔyn kə̂ n̂-pa dɔ dingaw tə̂ nəənn to tar kə̂ tɔkɔrɔ.»

Kulaje 5:26

Yeenn ngaâ nje-kɔn dɔ dəwje kə̂ aw ngəmje ta-kəy-polo lubba le aw kə njê-kulaje laa ngaâ daw ddeeje kə njê-kaw-kulaje le, a n̂-ddaje kə de nɛ̂n-singa ang. N̂-bbəəlje mba dəwje a kin tilajede kə ər.