Marke 10:52 - Dɔnɔn kə̂ Siki: Tar kə̂ aw arə təbbə

⁵² Jeju pa arɛ̂ nan: «Aw, mə-kunn ləi aji!» Njangə baa goe tə̂ a, n̂-təl noo lo ngaâ nunn go Jeju ddəw-boô.

Maketuru le Lubba ke tar kabba

⁵² Jeju pa are na: « Aw, koo me te lei aji!». Njange baa goe te a, n̂-tel noo lo ngaa nunn go Jeju ddew-bô.

Marke 10:52 ပူးပေါင်းရင်းမြစ်များ

Matiye 11:5

Ə-paje nan: ‹Njê-kəm-tɔje ooje lo, njê-gɔl-gotoje njaje, banji lə dəwje goto rɔde tə̂ kə ddang, njê-mbi-kutuje ooje tar, dəwje kə̂ oyje ndolje ngaâ njê-ndooje ooje Tar kə̂ Maji.›

Matiye 12:22

Dəwje ddeeje kə marə dəw kə̂ ndilje kə̂ maji ang ddɛɛ̂ arə noo lo ang ddəm n̂-pa tar ang ddəm. Jeju ajɛ̂ arə noo lo kə majɛ̂ ddəm noo tar kə majɛ̂ ddəm.

Matiye 15:28

Yeenn ngaâ Jeju pa arɛ̂ nan: «Dɛnɛ̂n, mə-kunn ləi bo nya. Maji karə Lubba ari nɛ̂n kə̂ aw duju le.» A kar tə̂ənn njaa ngonnɛ̂ kə̂ dɛnɛ̂n le aji.

Matiye 21:14

Njê-kəm-tɔje kə njê-mətəje ddeeje rɔɛ̂ tə̂ mə kəy-polo Lubba tə̂ le ngaâ najide narə rɔde ddee maji.

Matiye 8:3

Jeju ula jia ɔru nɛ̂n nje-banji le ngaâ pa nan: «M-ndiki tə̂, maji karə rɔi ddee maji.» Njangə baa njaa a, banji le goto rɔɛ̂ tə̂ ngaâ rɔɛ̂ ddee maji.

Matiye 9:22

Jeju turu rɔɛ̂ ooe ngaâ pa nan: «Uwa arə ngəng, Ngonnəm kə̂ dɛnɛ̂n, mə-kunn ləi ajii mban.» A kar tə̂ənn njaa rɔ-to laa le goto.

Marke 1:31

Jeju ddee ngɔsi saa, uwa jia arə nin taar. A rɔɛ̂ kə̂ tunga le wul ngaâ nunn kutu karəde nɛ̂n-kusa.

Marke 5:34

Jeju pa arɛ̂ nan: «Ngonnəm, mə-kunn ləi ajii. Aw kə mə-wul-lɔm kə rɔ kə̂ maji.»

Marke 8:25

Goe tə̂ a, Jeju təl ila jia kəm dingaw tə̂ le bbay ngaâ kəmɛ̂ le uja arə noo nɛ̂nje tɔyn kə majɛ̂.

Luku 7:50

A Jeju pa arə dɛnɛ̂n le nan: «Mə-kunn ləi ajii. Aw kə mə-wul-lɔm.»

Luku 9:48

ngaâ n̂-pa narəde nan: «Dəw kə̂ taa ngonn nəənn kə rɔɛ̂ tə̂ kə rim a, əman njaa n̂-taam kə rɔɛ̂ tə̂ənn. A bbo dəw kə̂ taam kə rɔɛ̂ tə̂ a, taa dəw kə̂ ulam kə rɔɛ̂ tə̂ tɔ. Mba dəw kə̂ to ngaji baa horose tə̂ tɔyn, ne â n̂-to dəw kə̂ bo.»

Tar kə̂ Maji kə̂ Jan dda makəturu tə̂ 9:32

Joo nan marə dəw təəyn kəm dəw kə̂ duje to nje-kəm-tɔ ndɔ kâra ang.

Tar kə̂ Maji kə̂ Jan dda makəturu tə̂ 9:39

Goe tə̂ a, Jeju pa nan: «M-ddee dɔ nangə tə̂ nəənn ta gangə sariya, yeenn bba karə dəwje kə̂ ooje lo ang, ooje lo ngaâ ta karə dəwje kə̂ aw ooje lo, ooje lo ang ngaa.»

Kulaje 26:18

Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »