Marke 10:30 - Dɔnɔn kə̂ Siki: Tar kə̂ aw arə təbbə

³⁰ a təl kinga nɛ̂njeenn asə gɔl kɔr kâra bbasinɛn nəənn. Nâ kinga kəy, ngakɔɛ̂nje kə̂ dingaw kə ngakɔɛ̂nje kə̂ dɛnɛ̂n, kɔɛ̂njedede, ngannje kə ndɔɔje ngaâ dəwje a kulaje kəmɛ̂ ndoo tə̂ tɔ. A nâ kinga təbbə kə̂ to kə ndɔ kə ndɔ mə ndɔje tə̂ kə̂ aw ddeeje.

Maketuru le Lubba ke tar kabba

³⁰ a tel kinga nejeenn ase gɔl kɔr kara bbasine neenn. Na kinga key, ngakɔen ke dingaw ke nje ke dene, kɔenjedede, ngannje, ke ndɔɔje. Dewje a kula keme ndoo tɔ. A na kinga tebbe ke ke ndɔ ke ndɔ me ndɔje te ke aw ddeeje.

Marke 10:30 ပူးပေါင်းရင်းမြစ်များ

Matiye 12:32

Bbo dəw pa tar kə̂ mbətə Ngonn lə dəw a, Lubba a kɔru tar dɔɛ̂ tə̂. A dəw kə̂ pa tar kə̂ mbətə Ndil-mə-nda, Lubba a kɔru tarɛ̂ dɔɛ̂ tə̂ bbokənɛn nəənn ang ddəm ndɔ kə̂ bara ang ddəm.»

Matiye 13:8

A marɛ̂je gaynje dɔ nangə tə̂ kə̂ maji ngaâ andəje. Marɛ̂ andə dɔdɔku, marɛ̂ dɔmisan, a marɛ̂ andə dɔmota.

Matiye 6:33

Ə-sangəje Bbe-kɔn lə Lubba kə gatə gatə laa dɔngɔr, a nâ karəse kəsə nɛ̂njeenn tɔyn dɔɛ̂ tə̂.

Luku 18:30

nâ kinga nɛ̂n nya mə ndɔje tə̂ nəənn ddəm nâ kinga təbbə kə̂ to kə ndɔ kə ndɔ, mə ndɔje tə̂ kə̂ aw ddeeje ddəm.»

Tar kə̂ Maji kə̂ Jan dda makəturu tə̂ 10:23

Jeju aw nja lo tə̂ kə̂ daw bbar nan: «baranda lə Salomɔn» mə kəy-polo Lubba tə̂.

Kulaje 14:22

Mə bbeje tə̂ənn, n̂-ndəjəje njê-mə-kunnje karə duwaje mə-kunn ləde darə ngəng. N̂-paje nan: «Maji karə joo ndoo nya mba kandə nɛ̂n mə Bbe-kɔn tə̂ lə Lubba.»

Kulaje 16:25

Lo mɔngu nyɛnɛnɛ a, Pɔl de kə Silas daw dujuje Lubba ddəm daw dɔsuje pa n̂-walje nɛ̂n Lubba ddəm ngaâ kəsə dəwje kə̂ duwade le aw ooje ndude.

Kulaje 5:41

Njê-kaw-kulaje le inje lo gangə sariya tə̂ lə Jiipije le teeje ddaka kə rɔ-nəəl, mba Lubba oode to dəwje kə̂ asə karə dula kəmde ndoo tə̂ mba ri Jeju.

Rɔmɛnje 5:3

Dɔ ye tə̂ənn, mə nɛ̂n kəm-to-ndooje tə̂ kə̂ aw ingaje kara jaw ddaje rɔ-nəəl, mba n-gərəje to nɛ̂n kəm-to-ndoo aw dda arə jaw tɔje wurje.

Rɔmɛnje 6:23

Mba kuka kə̂ dəw aw inga go majang tə̂ to yo. A mə-maji lə Lubba kə̂ to nɛ̂n-karə-baa le to təbbə kə̂ to kə ndɔ kə ndɔ ddəw ddee tə̂ kə̂ n-ddeeje kâra baa kə Əbbəjeje Jeju-Kristə.

2 Kɔrɛntinyɛje 6:10

Dəwje aw ddaje arə rɔje nəəlje ang, a jaw jisi kə rɔ-nəəl kə ndɔ tɔyn. Dəwje aw oojeje to njê-ndooje, a jaw dda jarə dəwje nya aw ddeeje to njê-nɛ̂n-kingaje. Dəwje oojeje to marə nɛ̂n ləje goto, a jee kə nɛ̂n tɔyn.

Pilipinyɛje 3:8

Tɔkɔrɔ, moo nɛ̂njeenn le tɔyn to nɛ̂n kə̂ baa. Tɔkə nɛ̂n-kinga â to ta gərə Əbbəmje Jeju-Kristə. Minya nɛ̂nje tɔyn ɔju dɔ Kristə ngaâ moo nɛ̂n tɔyn tokə lə yərəw mba kinga Kristə le

2 Tesalonisinyɛje 2:16

Bɔjeje Lubba ndikije ngaâ ddəw mə-maji tə̂ laa n̂-dda narə jubba singa kə ndɔ tɔyn ngaâ narə junda məje dɔɛ̂ tə̂ kə majɛ̂. Yeenn a, n-dujude, ne de kə Əbbəjeje Jeju-Kristə njaa karə

1 Timɔte 4:8

Kunn rɔ kila ndam-singa tə̂ to nɛ̂n kə̂ dda maji njaa, a dda maji ddəw nɛ̂nje tə̂ nya ang. A kunn rɔ karə Lubba to nɛ̂n kə̂ dda maji ddəw nɛ̂nje tə̂ tɔyn. Kunn rɔ karə Lubba le ndu-kunn mba kisi nɛ̂n kə təbbə kə̂ to ndɔ tə̂ kə̂ bbokonɛn ddəm ndɔ tə̂ kə̂ aw ddee ddəm to tə̂.

1 Timɔte 6:6

Bbo dəw unda məɛ̂ kə dɔ nɛ̂n tə̂ kə̂ to jia tə̂ njaa a, kunn-mə karə Lubba le to nɛ̂n-kinga kə̂ bo nya tɔkɔrɔ njaa.

Jakə 1:12

Maji arə dəw kə̂ ore wure mə nɛ̂n-nanje tə̂ dang dang, mba bbo n̂-nɛɛ̂n doo ngaâ nasə a, nâ kinga kuka. Kuka le kə̂ to təbbə kə̂ Əbbə-dəwje unn ndue ta karə dəwje kə̂ ndikeje.

Jakə 5:11

Ooje, jaw pitije dəwje kə̂ aw oreje wurde. Ooje tar kore-wur lə Jobbo ngaâ ə-gərəje maji kə̂ Əbbə-dəwje dda saa goe tə̂. Mba Əbbə-dəwje to nje-koo kəm-to-ndoo lə dəwje ddəm nje-dda mə-maji kə dəwje ddəm.

1 Jan 2:25

Ooje, nɛ̂n kə̂ Kristə unn ndue ta karəje â to təbbə kə̂ to kə ndɔ kə ndɔ.

1 Jan 3:1

Ooje, Bɔy ndikije nya. Ddəw ndiki tə̂ le bba daw bbar nɛ̂n je to ngannje lə Lubba. N-to ngannje lə Lubba le njaa. Yeenn bba, dəwje kə̂ duninya tə̂ nəənn gərəjeje ang, mba dəwje le gərəje Lubba ang.

Apokalisi 2:9

M-gərə nɛ̂n-singaje kə̂ aw ingai kə ndoo kə̂ ə-ndoo. A kə̂ tɔkɔrɔ tə̂, ə-to nje-nɛ̂n-kinga. M-gərə tarje kə̂ maji ang kə̂ dəwje kə̂ toje to Jiipije ang, a aw ddaje rɔde to Jiipije aw paje dɔi tə̂. N̂-toje to dəwje kə̂ mə mbɔn-naan tə̂ lə Satan.

Apokalisi 3:18

Mba yeenn bba, m-pa mari karə ə-ndoko andə kə̂ n̂-ləkə purô darə yərəw goto tə̂ jim tə̂, karə ə-ddee to nje-nɛ̂n-kinga kə̂ tɔkɔrɔ. Ə-ndoko kubbuje kə̂ nda ula, mba bbo rɔi to baa a, rɔ-kul a ddai. Ə-ndoko kuman kə̂ to maannɛ̂ ila kəmi tə̂ ta ə-təl oo lo.