Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Marke 10:21 - Dɔnɔn kə̂ Siki: Tar kə̂ aw arə təbbə

21 Jeju ɛɛ̂ a, ndike ngaâ pa arɛ̂ nan: «Nɛ̂n kâra ngaa â dui: Aw labbə nɛ̂nje tɔyn kə̂ inga ta ə-kayn narɛ̂ dangətəje a, â kinga marə dam narɛ darâ. Goe tə̂ a, ə-ddee unn gom.»

အခန်းကိုကြည့်ပါ။ ကော်ပီ

Maketuru le Lubba ke tar kabba

21 Jeju aae, ngaa ndike, ngaa pa are na: « Ne kara ngaa dui: Aw labbe neje tɔyn ke ee ne, ta are nare nje-ndooje. A a kinga neje darâ. Goe te a, e-ddee unn gom.»

အခန်းကိုကြည့်ပါ။ ကော်ပီ




Marke 10:21
29 ပူးပေါင်းရင်းမြစ်များ  

Yeenn bba, Jeju pa arə njê-njaje goe tə̂ nan: «Bbo dəw ndiki ta kuwa gom a, maji karə nəjə rɔɛ̂ ang, maji karə noto kakə-dəsə laa bba ta nuwa gom.


Jeju ilɛ̂ tə̂ nan: «Bbo ə-ndiki ta ddee maji tɔyn a, aw labbə nɛ̂nje kə̂ inga ta ə-kayn narɛ̂ dangətəje a, â kinga dam narɛ darâ. Goe tə̂ a, ə-ddee unn gom!»


A kar tə̂ kə̂ dingaw le oo tar le a, rɔɛ̂ nəəle ang ngaâ ɔtu to ndoo ndoo, mba nɛ̂n-kingaje laa banya nya.


Goe tə̂ a, n̂-bbar dəwje kə̂ banya kə njê-njaje goe tə̂ ngaâ n̂-pa narəde tɔyn nan: «Bbo dəw ndiki ta kuwa gom a, maji karə nəjə rɔɛ̂ ang, noto kakə-dəsə laa ta nuwa gom.


A nɛ̂n kə̂ uta nɛ̂nje tɔyn kâra baa. Mari â mbərə nɛ̂n kə̂ maji nya le. Dəw a kɔru nɛ̂ɛnn le jia tə̂ ang.»


«Ə-labbəje nɛ̂n-kingaje ləse ta ə-kaynje narɛ̂ dangətəje. Uruje bbɔl narɛ kə̂ a ngisi ang ta unguje nɛ̂n-kingaje ləse darâ, lo tə̂ kə̂ nɛ̂nje le a tuju tə̂ ndɔ kâra ang. Lo kə̂ gɔl njê-bbokoje a kɔru ang ddəm sɔlɔlɔ a kɔn nɛ̂n tə̂ ang ddəm.


Jeju pa bbay nan: «A əman, m-pa marəse: Maji karə narɛ̂ kə̂ aw ddaje nɛ̂n nɛ̂n kə̂ gatə gatə ang nangə̂ nəənn, uwaje nɛ̂n buwa-kura kə dəwje. Baann bba karə ndɔ kə̂ narɛ le goto jise tə̂ a, n̂-taase kə kə̂y tə̂ kə̂ a to kə ndɔ kə ndɔ.


Jeju oo tar laa le a, pa arɛ̂ nan: «Marə nɛ̂n kâra dui bbay. Ə-labbə nɛ̂nje tɔyn kə̂ inga ta ə-kayn narɛ̂ dangətəje a, â kinga nɛ̂n darâ. Goe tə̂ a, ə-ddee unn gom.»


Jeju ddee ngɔsi kə Jerujalɛm ngaâ oo bbe le a nɔn mbɛɛ̂.


N̂-pa narəde tɔyn nan: «Bbo dəw ndiki ta kuwa gom a, maji karə nəjə rɔɛ̂ ang. Maji karə noto kakə-dəsə laa kə ndɔ ndɔ bba ta nuwa gom.


Bbo dəw ndiki ta dda kula ləm a, maji karə nunn gom. Baann bba lo kə̂ mee tə̂ a, nje-kula ləm a kee tə̂ tɔ. Bbo dəw aw dda kula ləm a, Bɔmje a walɛ̂.»


M-pa nɛ̂njeenn tɔyn marəse karə məse wul lɔm ddəw tə̂ ləm. A kooje ndoo duninya tə̂. A maji karə uwaje arəje ngəng, mba əman m-tətə duninya nəənn kə ddɔ mban.»


N̂-labbəje ndɔɔje ləde kə nɛ̂n-kingaje ləde ngaâ n̂-kaynje naan narɛ̂ asə kəm nɛ̂n kə̂ du dəw kâra kâra.


Əman, m-ndiki ta tuju nɛ̂nje ləm ddəm ta tuju singam ddəm tɔyn mbase. Â ndikimje nya ang, mba ndiki kə̂ m-ndikise nya le wa?


Dəwje kə̂ ddaje mə-kâra kə Jeju-Kristə ngaâ ndikije ta kula gəl rɔde naan tə̂ ang, dəwje a kulaje kəmde ndoo tə̂.


Ngaâ ooje kəm-to-ndoo lə njê kə̂ dungude kəy-kula tə̂. A bbo duwa nɛ̂nje ləse n̂-taaje a, aw ndikije tə̂ kə rɔ-nəəl. Mba ə-gərəje to eeje kə nɛ̂n-kingaje kə̂ maji uta yejeenn ddəm nɛ̂n-kingaje kə̂ a toje kə ndɔ kə ndɔ ddəm.


Mba bbo dəw ngəm tarje tɔyn kə̂ ndu pa bba aal dɔ marə tar kâra hore tə̂ a, sariya to dɔɛ̂ tə̂ mba kəsə ndu le tɔyn ngaa.


A marə nɛ̂nje kə̂ m-mbətə səi â nəənn: Marə dəwje kə̂ unnje go nɛ̂n-tɔju lə Balaam eeje rɔi tə̂ənn. Ləw, Balaam le tula Balak karə nərə ngann Ijarayɛlje narə usaje da kə̂ n̂-polo nɛ̂n kɔrje ngaâ karə n̂-ddaje nɛ̂n-kayaje.


A nɛ̂n kə̂ m-mbətə səi â to kinya kə̂ inya Jejabɛl kə̂ dda rɔɛ̂ to nje-kila mbər tar lə Lubba arə tɔju ddəw kə̂ maji ang njê-kulaje ləm. Nərəde narə n̂-ddaje kaya ngaâ dusaje da kə̂ n̂-polo nɛ̂n kɔrje.


«A nɛ̂n kə̂ m-mbətə səi â nəənn: Ə-ndikim tokə ye kə̂ kete ang.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ