Marke 10:14 - Dɔnɔn kə̂ Siki: Tar kə̂ aw arə təbbə

¹⁴ Jeju oo nɛ̂ɛnn le a, nəəle ang ngaâ pa arə njê-njaje goe tə̂ le nan: «Inyaje ngannje kə̂ mbatə arəje ddeeje rɔm tə̂ bbo ɔkujede ddəw ang. Mba Bbe-kɔn lə Lubba to mba dəwje kə̂ toje tokə dede.

Maketuru le Lubba ke tar kabba

¹⁴ Jeju oo neenn le, a neele ang, ngaa pa are nje-njaje goe te le na: « Inyaje ngannje are ddeeje rɔm te, ɔkuje de ddew ang. Mba Bbe-kɔn le Lubba to le dewje ke toje toke le ngannje.

Marke 10:14 ပူးပေါင်းရင်းမြစ်များ

Matiye 18:10

«Aaje kə majɛ̂! Dang bba ə-yabbəje marə dəw kâra horo dəwje tə̂ kə̂ tɛn nəənn ang. M-pa marəse, anjəje ləde aw arje kə ndɔ tɔyn nɔn Bɔmje tə̂ darâ. [

Matiye 18:4

Dəw kə̂ dda rɔɛ̂ tɛn tokə ngonn nəənn to dəw kə̂ bo mə Bbe-kɔn tə̂ kə̂ darâ.

Matiye 19:14

A Jeju pa arəde nan: «Inyaje ngannje kə̂ mbatə arəje ddeeje rɔm tə̂ bbo ɔkujede ddəw ang. Mba Bbe-kɔn kə̂ darâ to mba dəwje kə̂ toje tokə dede.»

Matiye 5:10

Maji arəse, see dəwje kə̂ daw dula kəmse ndoo tə̂, mba kula-ddase kə̂ to gatə gatə, mba Bbe-kɔn kə̂ darâ to ləse.

Matiye 5:3

«Maji arəse, see dəwje kə̂ ə-gərəje to nɛ̂n ndil duse, mba Bbe-kɔn kə̂ darâ to ləse.

Marke 3:5

Jeju aade tɔyn kə wungu. Rɔɛ̂ nəəle ang mba dəwje ddaje arə məde kətərə. Yeenn ngaâ n̂-pa narə dəw le nan: «Ə-ndɔju jii.» Dəw le ndɔju jia ngaâ jia le təl ddee maji.

Marke 8:33

A Jeju turu rɔɛ̂ aa njê-njaje goe tə̂ le ngaâ in kə Piyɛr nan: «Ɔtu gom tə̂ kə ddang, Satan, mba kəjə ləi to kəjə lə Lubba ang, to kəjə lə dəw.»

Tar kə̂ Maji kə̂ Jan dda makəturu tə̂ 3:3

Jeju ilɛ̂ tə̂ nan: «Tɔkɔrɔ m-pa mari, dəw kə̂ n̂-təl duje tokə siki ang a, a kasə koo Bbe-kɔn lə Lubba ang.»

Tar kə̂ Maji kə̂ Jan dda makəturu tə̂ 3:5

Jeju ilɛ̂ tə̂ nan: «Tɔkɔrɔ m-pa mari, dəw kə̂ maann kə Ndil â uje ang, a kasə kandə mə Bbe-kɔn tə̂ lə Lubba ang.

Kulaje 2:39

Mba ndu-kunn nəənn le to mbase kə ngannse, to mba dəwje kə̂ isije ddəw əw kə dəwje kə̂ banya kə̂ Əbbə-dəwje Lubba ləje a bbarde.»

Kulaje 3:25

Tarje kə̂ Lubba unda ta njê-kilaje mbər tar tə̂ laa ləw arə paje le to mbase tɔ. Lubba ɔsu dɔnɔn kə kasəse arə sese kara andəje mə dɔnɔn tə̂ le tɔ. Lubba le pa arə Abaraham nan: ‹Ddəw tə̂ lə njê kə̂ gəli tə̂, mâ bbar Tar kə̂ Maji dɔ dəwje tə̂ tɔyn kə̂ duninya tə̂.›

Rɔmɛnje 11:16

Bbo dəw unn dɔ nɛ̂n kə̂ dɔngɔr arə Lubba to nɛ̂n-polo a, kəsə nɛ̂n le tɔyn to lə Lubba. Bbo dəw unn ngira kakə arə Lubba a, barkəm kakə le tɔyn toje to lə Lubba tɔ.

Rɔmɛnje 11:28

Jiipije toje to njê-baanje lə Lubba, mba n̂-mbətəje Tar kə̂ Maji. Baann bba karə Lubba dda mə-maji kə see dəwje kə̂ ə-toje to Jiipije ang. A Lubba mbərə Jiipije to dəwje laa ngaâ naw ndikide ɔju dɔ kadedeje.

1 Kɔrɛntinyɛje 14:20

Ngakɔnʼmje, maji karə ə-paje tar tokə lə ngannje ang. Maji karə ə-ddeeje tokə lə ngannje kə̂ ngaji kə̂ gərəje ta dda majang ang. A ə-paje tar tokə njê kə̂ tɔkə.

1 Kɔrɛntinyɛje 7:14

Mba dingaw kə̂ to nje-mə-kunn ang le a ddee maji kəm Lubba tə̂ ddəw tə̂ lə dɛnɛ̂n laa le ngaâ dɛnɛ̂n kə̂ to nje-mə-kunn ang le a ddee maji kəm Lubba tə̂ ddəw tə̂ lə ngokɔnje kə̂ nje-mə-kunn le. Bbo baann ang a, ngannse a majije kəm Lubba tə̂ ang, a kə̂ tɔkɔrɔ tə̂, ngannje le majije kəmɛ̂ tə̂ njaa.

Epɛjinyɛje 4:26

Bbo wungu ɔnse a, ə-ddaje majang ang, arəje lo ndul dɔ wungu tə̂ le ang.

2 Timɔte 1:5

Maw mole məm dɔ məi tə̂ kə̂ unn tokə tɔkɔrɔ le. To mə-kunn kə̂ Loyis kə̂ to kaije kə̂ dɛnɛ̂n kə kɔinje Ənis deeje nɛ̂n kete. Məjə tokə əi njaa kara unn məi tokə baann tɔ.

2 Timɔte 3:15

Kar tə̂ kə̂ ə-nayn ngonn bbay njaa ə-gərə Makəturu kə̂ maji tɔyn. Makəturu le ee kə singa mba tɔji kəm-karɛ. Kəm-karɛ le a kaw səi karə inga kaji kə̂ Jeju-Kristə aw arə dəwje kə̂ unnje məde arɛ̂je.

1 Piyɛr 2:2

Maji karə ə-ddaje bbo tar lə Lubba tokə ngann əngutayje aw ddaje bbo kay mba kə̂ n̂-pole məɛ̂ ang. Yeenn bba â sangəje ddəwe tə̂ mba kinga nɛ̂n kaji,

Apokalisi 14:5

Dərəje ngəm ndɔ kâra ang. Tar kâra to dɔde tə̂ ang.