Marke 10:1 - Dɔnɔn kə̂ Siki: Tar kə̂ aw arə təbbə

¹ Goe tə̂ a, Jeju ɔtu lo tə̂ənn aw nangə tə̂ kə̂ Jude, tura Jurdɛn tə̂. A dəwje kə̂ banya təl mbɔnje naan rɔɛ̂ tə̂ bbay, arə naw tɔjude nɛ̂n tokə naw dda kə ndɔ tɔyn.

Maketuru le Lubba ke tar kabba

¹ Goe te a, Jeju ɔtu lo teenn aw nange te ke Jude, tura Jurden te. A dewje ke banya tel mbɔnje naa rɔe te bbay, are naw n̂-tɔjude ne ddew kara baa toke naw n̂-dda ke ndɔ tɔyn.

Marke 10:1 ပူးပေါင်းရင်းမြစ်များ

Matiye 26:55

Goe tə̂ a, Jeju pa arə dəwje kə̂ banya le nan: «Ə-ddeeje kə tɔkə kiyaje kə kakəje bba ta kuwam nɛ̂n tokə nɛ̂n kə̂ m-to dəw kə̂ maji ang wa? Kə ndɔ tɔyn, maw misi kəy-polo Lubba tə̂ maw tɔju nɛ̂n, a uwamje ang.

Matiye 4:23

Jeju nja nangə tə̂ kə̂ Galile tɔyn. Naw tɔju nɛ̂n dəwje mə kəy mbɔn-naanje tə̂ lə Jiipije kə̂ nangə tə̂ənn ngaâ nila mbər Tar kə̂ Maji kə̂ dɔ Bbe-kɔn tə̂ lə Lubba. Naji njê-rɔ-toje tɔyn ngaâ naji njê kə̂ dəbbə rɔde tuju narə rɔde le təl ddee maji.

Marke 1:21

Jeju kə njê-njaje goe tə̂ dawje bbe tə̂ kə̂ Kapɛrnawum. Ndɔ-kuwa-rɔ a, nandə mə kəy mbɔn-naan tə̂ lə Jiipije ngaâ nunn kutu tɔju nɛ̂n.

Marke 10:2

Parijinyɛje awje rɔ Jeju tə̂ dujeje tar ta nɛɛ̂n nɛ̂n nan: «Ndu arə ddəw dingaw ta tubba dɛnɛ̂n laa wa?»

Marke 12:35

Jeju aw tɔju nɛ̂n mə kəy-polo Lubba tə̂ lə Jiipije a, duju tar nan: «Njê-gərəje-Ndu a kasəje ta pa nan Kristə le to ngonn lə Dabbiti tokə baânn wa?

Marke 14:49

Kə ndɔ tɔyn mee horose tə̂ kəy-polo Lubba tə̂ maw tɔju nɛ̂n, a uwamje ang. A nɛ̂n nəənn to mba karə tar kə̂ Makəturu lə Lubba pa ddee to tar kə̂ tɔkɔrɔ.»

Marke 2:13

Jeju təl aw kar dangə tə̂ kə̂ Galile. Dəwje kə̂ banya ddeeje rɔɛ̂ tə̂ arə naw tɔjude nɛ̂n.

Marke 4:2

N̂-tɔjude nɛ̂nje nya ddəw gusu-tar tə̂. N̂-pa mə nɛ̂n-tɔju tə̂ laa le nan:

Marke 6:2

Ndɔ-kuwa-rɔ a, Jeju aw tɔju nɛ̂n dəwje mə kəy mbɔn-naan tə̂ lə Jiipije. Nɛ̂n-tɔju laa le dum dɔ dəwje kə̂ banya kə̂ aw ooje le ngaâ paje nan: «Ninga nɛ̂nje nəənn tɔyn dda wa? Nân bba arɛ̂ kəm-karɛ kə singa dda nɛ̂n-mɔrije kə̂ be nəənn wa?

Marke 6:34

Jeju in mə tɔkə to tə̂ le uru nangə̂ a, oo dəwje kə̂ banya le ngaâ, noo kəm-to-ndoo ləde mba n̂-toje tokə batəje kə̂ nje-ngəmde goto. Yeenn ngaâ nunn kutu tɔjude nɛ̂nje nya nya.

Marke 6:6

A mə-kunn ləde kə̂ goto le to nɛ̂n kə̂ dum dɔɛ̂. Goe tə̂ a, Jeju nja mə ngann bbeje tə̂ tɔyn kə̂ mbɔr Najarɛtə tə̂ mba tɔju nɛ̂n.

Tar kə̂ Maji kə̂ Jan dda makəturu tə̂ 10:40

Jeju təl aw tura Jurdɛn tə̂, lo tə̂ kə̂ Jan dda batɛm dəwje tə̂ kə tə̂ le ngaâ nayn tə̂ənn.

Tar kə̂ Maji kə̂ Jan dda makəturu tə̂ 11:7

Goe tə̂ a, n̂-pa narə njê-njaje goe tə̂ nan: «Maji karə n-təlje jawje nangə tə̂ kə̂ Jude.»

Tar kə̂ Maji kə̂ Jan dda makəturu tə̂ 18:20

Jeju ilɛ̂ tə̂ nan: «M-pa tar kə ddaka marə dəwje kə̂ duninya tə̂ tɔyn. M-tɔju nɛ̂n kə ndɔ tɔyn mə kəy mbɔn-naanje tə̂ kə mə kəy-polo Lubba tə̂ kə̂ Jiipije tɔyn aw mbɔnje naan tə̂. M-pa marə tar lo-kiyɛ̂ tə̂ ang.