Marke 1:22 - Dɔnɔn kə̂ Siki: Tar kə̂ aw arə təbbə

²² Gusu kə̂ naw tɔju nɛ̂n nɛ̂n le gangə singa dəwje kə̂ aw ooje nɛ̂n-tɔju laa le. Mba ne, naw tɔju nɛ̂n tokə lə mbay-bbe bbo n̂-tɔju nɛ̂n le tokə njê-gərəje-Ndu aw tɔjuje ang.

Maketuru le Lubba ke tar kabba

²² Gusu ke naw n̂-tɔju ne ne le gange singa dewje ke aw ooje ne-tɔju laa le. Mba ne, naw n̂-tɔju ne toke le dew ke ee ke singa-kɔn-mbay, bbo n̂-tɔju ne le toke le engan nje-kɔruje gel Ndu ang.

Marke 1:22 ပူးပေါင်းရင်းမြစ်များ

Matiye 13:54

Naw bbeê laa Najarɛtə ngaâ nunn kutu tɔju nɛ̂n dəwje mə kəy mbɔn-naanje tə̂ ləde. Nɛ̂n-tɔju laa le dum dɔde ngaâ n̂-paje nan: «Ninga nɛ̂n-gərə nəənn dda wa? Ninga singa dda nɛ̂n-mɔrije nəənn dda wa?

Marke 1:23

Karɛ̂ tə̂ənn njaa, mə kəy mbɔn-naan tə̂ le, marə dingaw kə̂ ndil kə̂ maji ang isi məɛ̂ tə̂ ee tə̂ənn tɔ. Dingaw le uru əkii nan:

Luku 2:47

Nɛ̂n-gərə laa kə tarje kə̂ naw nilade tə̂ dum dɔ dəwje tɔyn kə̂ aw ooje tar laa le.

Luku 21:15

mba mâ karəse tar kəm-karɛ kə̂ a gangə singa njê-baanje ləse ddəm dâ kasəje ta mayn ang ddəm.

Luku 4:32

Dəwje kə̂ ooje nɛ̂n-tɔju laa le dɔde ayn, mba naw pa tar tokə lə mbay-bbe.

Tar kə̂ Maji kə̂ Jan dda makəturu tə̂ 7:46

Njê-ngəmje kəy-polo Lubba le ilajede tə̂ nan: «Ndɔ kâra dəw pa tar tokə dingaw nəənn ang.»

Kulaje 6:10

A tar kəm-karɛ kə̂ Ndil-mə-nda arə naw pa le uta dɔde.

2 Kɔrɛntinyɛje 4:2

Jaw mbətə nɛ̂n-rɔ-kulje kə̂ toje lo-kiyɛ̂ tə̂. Jaw jərə dəwje ang ddəm jaw turu tar lə Lubba ang ddəm. Jaw tɔju tar kə̂ tɔkɔrɔ bba karə kəm Lubba tə̂, dəwje tɔyn undaje kəjə ləde dɔje tə̂.