Marke 1:11 - Dɔnɔn kə̂ Siki: Tar kə̂ aw arə təbbə

¹¹ Marə ndu bbar mə dara tə̂ nan: «Ə-to ngonnəm kə̂ m-ndikii nya. Əi â minga rɔ-nəəl mbai.»

Maketuru le Lubba ke tar kabba

¹¹ Ngaa mare ndu bbar me dara te na: « E-to ngonnum ke m-ndikii nya. Rɔm neelem nya wɔju dɔi.

Marke 1:11 ပူးပေါင်းရင်းမြစ်များ

Matiye 12:18

«Lubba pa nan: Ne nəənn â n̂-to Nje-kula ləm kə̂ m-mbəre. Ne kə̂ m-ndike nya ngaâ minga rɔ-nəəl mbɛɛ̂. Mâ karə Ndil ləm isi dɔɛ̂ tə̂, karə nila mbər nɛ̂n-dda kə̂ gatə gatə narə dəwje kə̂ toje to Jiipije ang.

Matiye 17:5

N̂-nayn naw pa tar bbay a, marə mum kə̂ ndɔnrɛn ddee kiri dɔde. Marə ndu bbar mə mum tə̂ le nan: «Dəw nəənn to ngonn ndiki ləm kə̂ rɔm nəələm nya mbɛɛ̂. Maji karə ooje tɛɛ̂.»

Matiye 3:17

Marə ndu in mə dara tə̂ bbar nan: «Ne nəənn, n̂-to ngonnəm kə̂ m-ndike nya. Ne â n̂-dda narə rɔm nəələm nya.»

Marke 1:10

A kar tə̂ kə̂ Jeju in mə maann tə̂ le aw tee kə ddaka a, oo ta dara kə̂ təəyn ngaâ Ndil aw ddisi kə dɔɛ̂ tə̂ tokə lə dər.

Marke 9:7

Mum ddee kiride ngaâ marə ndu bbar mə mum tə̂ le nan: «Dəw nəənn to Ngonnəm kə̂ m-ndike nya. Ooje tɛɛ̂!»

Luku 3:22

ngaâ Ndil-mə-nda unn da-rɔ tokə lə dər ddisi dɔɛ̂ tə̂. Marə ndu in darâ nan: «Ə-to Ngonn ndiki ləm! Rɔm nəələm nya mbai.»

Luku 9:35

Marə ndu bbar mə mum tə̂ le pa nan: «Dəw nəənn to Ngonnəm kə̂ m-mbəre, ooje tɛɛ̂.»

Tar kə̂ Maji kə̂ Jan dda makəturu tə̂ 1:34

Əman njaa moo nɛ̂njeenn le ngaâ m-pa tar-naji nəənn m-pa nan: Dəw nəənn to Ngonn lə Lubba.»

Tar kə̂ Maji kə̂ Jan dda makəturu tə̂ 3:16

«Mba Lubba ndiki duninya nya. Yeenn bba nunn Ngonnɛ̂ kə̂ kâra baa narə, karə dəwje tɔyn kə̂ ooje məde tə̂ saa naynje kə kɔrɔ̂ ang, a dingaje təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 5:37

Ngaâ, Bɔ kə̂ ulam le njaa pa tar-naji ləm. A ooje ndue ndɔ kâra ang ddəm ooje kəmɛ̂ ndɔ kâra ang ddəm.

Tar kə̂ Maji kə̂ Jan dda makəturu tə̂ 6:69

Ngaâ, jeje joo məje tə̂. N-gərə to əi, ə-to dəw kə̂ maji tɔyn kə̂ Lubba â ulai.»

Rɔmɛnje 1:4

A ddəw tə̂ lə Ndil-mə-nda, Lubba undɛ̂ to Ngonnɛ̂ kə̂ narɛ̂ singa-mɔngu ddəw ndol tə̂ kə̂ noy a, n̂-ndole. N̂-to Əbbəjeje Jeju-Kristə.

Kolosinyɛje 1:13

N̂-tee kə je kɔ singa tə̂ lə mbay kə̂ lo ndul tə̂ kə ddang ngaâ naw kə je mə Bbe-kɔn tə̂ lə Ngonnɛ̂ kə̂ n̂-ndike nya.