Luku 9:35 - Dɔnɔn kə̂ Siki: Tar kə̂ aw arə təbbə

³⁵ Marə ndu bbar mə mum tə̂ le pa nan: «Dəw nəənn to Ngonnəm kə̂ m-mbəre, ooje tɛɛ̂.»

Maketuru le Lubba ke tar kabba

³⁵ Mare ndu tee me mum te le pa na: « Dew neenn to Ngonnum ke m-ndike, ooje tar laa.»

Luku 9:35 ပူးပေါင်းရင်းမြစ်များ

Matiye 12:18

«Lubba pa nan: Ne nəənn â n̂-to Nje-kula ləm kə̂ m-mbəre. Ne kə̂ m-ndike nya ngaâ minga rɔ-nəəl mbɛɛ̂. Mâ karə Ndil ləm isi dɔɛ̂ tə̂, karə nila mbər nɛ̂n-dda kə̂ gatə gatə narə dəwje kə̂ toje to Jiipije ang.

Matiye 3:17

Marə ndu in mə dara tə̂ bbar nan: «Ne nəənn, n̂-to ngonnəm kə̂ m-ndike nya. Ne â n̂-dda narə rɔm nəələm nya.»

Marke 1:11

Marə ndu bbar mə dara tə̂ nan: «Ə-to ngonnəm kə̂ m-ndikii nya. Əi â minga rɔ-nəəl mbai.»

Luku 3:22

ngaâ Ndil-mə-nda unn da-rɔ tokə lə dər ddisi dɔɛ̂ tə̂. Marə ndu in darâ nan: «Ə-to Ngonn ndiki ləm! Rɔm nəələm nya mbai.»

Luku 9:34

Naw pa tar baann le a, mum ddee kiride ngaâ bbəəl dda njê-njaje go Jeju tə̂ kar tə̂ kə̂ mum le aw dibbi dɔde.

Tar kə̂ Maji kə̂ Jan dda makəturu tə̂ 12:28

Bɔy, ɔsu gaji rii.» Yeenn ngaâ marə ndu bbar mə dara tə̂ nan: «Mɔsu gaji rim mban ngaâ mâ təl kɔsu bbay.»

Tar kə̂ Maji kə̂ Jan dda makəturu tə̂ 3:16

«Mba Lubba ndiki duninya nya. Yeenn bba nunn Ngonnɛ̂ kə̂ kâra baa narə, karə dəwje tɔyn kə̂ ooje məde tə̂ saa naynje kə kɔrɔ̂ ang, a dingaje təbbə kə̂ to kə ndɔ kə ndɔ.

Ebərəje 2:3

Yeenn a, bbo jooje kaji kə̂ ngəng be nəənn le to nɛ̂n ang a, jeje ja teeje ta kunda tə̂ tokə baânn wa? Kaji nəənn le, Əbbə-dəwje â unn kutu kila mbəre. Goe tə̂ a, dəwje kə̂ ooje tam kaji nəənn le təlje ddee paje tarɛ̂ arəje nan to tar kə̂ tɔkɔrɔ.

Ebərəje 3:15

Makəturu lə Lubba pa nan: «Bbokənɛn, bbo ooje ndu Lubba kə̂ aw bbar a, arəje məse kətərə tokə lə kaseseje ang. Mba ləw, n̂-ddaje dɔ-kətərə kə Lubba.»

Ebərəje 5:9

Ddəw nɛ̂nje tə̂ənn le, Kristə ddee to dəw kə̂ asə tɔyn ta karə dəwje tɔyn kə̂ ddaje nɛ̂n kə turu ndue kaji kə̂ to kə ndɔ kə ndɔ.