Luku 4:35 - Dɔnɔn kə̂ Siki: Tar kə̂ aw arə təbbə

³⁵ Jeju ndangə ndil le pa nan: «Utu tai bbo ə-tee rɔ dingaw tə̂ nəənn kə ddang.» Ndil kə̂ maji ang le unn dingaw le ilɛ̂ nangə̂ kəm dəwje tə̂ ngaâ tee kə ddang, a nɛ̂n kə̂ maji ang kâra njaa ndil le dda kə dingaw le ang.

Maketuru le Lubba ke tar kabba

³⁵ Jeju ndange ndil le pa na: « Utu tai, bbo e-tee rɔ dingaw te neenn ke ddang.» Ndil ke maji ang le unn dingaw le ilae nangê dann dewje te ngaa tee rɔe te, a ndil le dda saa ne ke maji ang kara ang.

Luku 4:35 ပူးပေါင်းရင်းမြစ်များ

Matiye 17:18

Jeju ndangə ndil kə̂ maji ang le arə n̂-tee kə ddang. Kar tə̂ənn njaa, ngonn le aji.

Matiye 8:26

Jeju ilade tə̂ nan: «Mba ddi bba bbəəl uta dɔse wa? See njê kə̂ mə-kunn ləse ngaji baa.» Yeenn ngaâ nin taar, n̂-ndangə ləl le ddəm maann le ddəm ngaâ lo təl to ddekeke.

Marke 1:26

Ndil kə̂ maji ang le yəkə dingaw le kə singa ngaâ unda əkii tee nɛ̂n kə ddang.

Marke 4:39

Jeju ndol, n̂-ndangə bamburanbo le ngaâ n̂-pa narə maann le nan: «Ə-to ddekeke, əw rɔi!» Yeenn ngaâ bamburanbo le əw rɔɛ̂ ngaâ lo to nyɛnɛnɛ.

Marke 9:26

Ndil kə̂ maji ang le uru əkii, yəkə ngonn le kə singa ngaâ tee kə ddang. Ngonn le to tokə dəw kə̂ oy ngaâ dəwje nya paje nan: «Noy mban.»

Luku 11:22

A bbo marə nje-singa kə̂ utɛ̂ ddee tee ngaâ uwɛ̂ akɛ̂, taa nɛ̂n-ddɔje laa kə̂ naw nunda məɛ̂ dɔɛ̂ tə̂ le a, nâ kasə ta kayn dəwje nɛ̂n-kingaje laa kə̂ n̂-taa le.

Luku 4:23

Jeju pa arəde nan: «A du ang, â paje kɔn-tar nəənn karəm: Nje-kaji njê-rɔ-toje, əi njaa aji rɔ-to ləi. Nɛ̂nje tɔyn kə̂ ə-dda bbe tə̂ kə̂ Kapɛrnawum kə̂ joo tarɛ̂ le, ə-dda bbeê ləi nəənn tɔ.»

Luku 4:39

N̂-bbunga kə dɔ dɛnɛ̂n tə̂ le, nin kə rɔ-to le ngaâ rɔ-to le inya dɛnɛ̂n le. Kar tə̂ənn njaa, dɛnɛ̂n le in taar unn kutu karəde nɛ̂n-kusa.

Luku 4:41

Ndilje kə̂ maji ang teeje rɔ dəwje tə̂ nya kə ddang. Ndilje le uruje əkii nan: «Ə-to Ngonn lə Lubba!» A nin kə de ngaâ nɔkude karə n̂-paje tar, mba ndilje le gərəje to n̂-to Kristə le.

Luku 8:24

Njê-njaje goe tə̂ le ddeeje ngɔsi saa ngaâ n̂-ndoleje n̂-paje nan: «Əbbə-dəwje, Əbbə-dəwje, ja nayn bbo!» N̂-ndol ngaâ n̂-ndangə bamburanbo le ddəm maann kə̂ aw ləngə le ddəm narə əwje rɔde ngaâ lo to nyɛnɛnɛ.

Luku 9:39

Ndɔ tɔyn njaa bbo ndil uwa ngonn le a, njangə baa njaa nunda əkii. Ndil le yəke kə singa ngaâ njum-tɛɛ̂ tee. Ndil le ula kəmɛ̂ ndoo tə̂ ndərəng bba inyɛ̂.

Luku 9:42

Ngonn le aw ddee ngɔsi kə Jeju a, ndil kə̂ maji ang le unnɛ̂ ilɛ̂ nangə̂ ngaâ aw yəke kə singa. A Jeju ndangə ndil kə̂ maji ang le. Naji ngonn le ngaâ n̂-təl saa narə bɔɛ̂je.

Apokalisi 12:12

Mba yeenn bba, see daraje kə see dəwje kə̂ isije darâ, maji karə arəje rɔse nəəlse. Nangə kə ba-katə, kəm-to-ndoo to ləse. Mba Əsu ddisi kə dɔse tə̂ kə wungu kə̂ to bbəəl nya, mba n̂-gərə to ndɔ laa nayn nya ang ngaa.»