Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Luku 17:30 - Dɔnɔn kə̂ Siki: Tar kə̂ aw arə təbbə

30 Nɛ̂ɛnn a to ddəw kâra baa ndɔ tə̂ kə̂ Ngonn lə dəw a tee nɛ̂n kəm dəwje tə̂.

အခန်းကိုကြည့်ပါ။ ကော်ပီ

Maketuru le Lubba ke tar kabba

30 Neenn a to ddew kara baa ndɔ te ke Ngonn le dew a tɔju rɔe ke ddaka.

အခန်းကိုကြည့်ပါ။ ကော်ပီ




Luku 17:30
22 ပူးပေါင်းရင်းမြစ်များ  

Mba Ngonn lə dəw a ddee mə piti tə̂ lə Bɔɛ̂je kə anjəje laa. Nâ kuka dəw kâra kâra asə kula-ddɛɛ̂.


Jeju isi dɔ ddingiri Olibəje tə̂. A njê-njaje goe tə̂ ddeeje kə karəde baa dujeje nan: «Ndɔ kə̂ dda bba nɛ̂njeenn a toje wa? Ddi bba ja gərə nɛ̂n kar ddee ləi ddəm ddutu ndɔ le ddəm wa?»


Ndɔ ddee lə Ngonn lə dəw le, nɛ̂nje a toje tokə dɔ ndɔ tə̂ lə Nowe.


Dəjəje marə nɛ̂n kâra ang ndərəng ndɔ tə̂ kə̂ maann ndi taa lo ngaâ uwade tɔyn aw kə de. Ndɔ ddee lə Ngonn lə dəw a to tokə baann tɔ.


Jeju ilɛ̂ tə̂ nan: «Əi njaa ə-pa mban. A m-pa marəse, bbasinɛn nəənn njaa â kooje Ngonn lə dəw kə̂ isi dɔ ji-kɔl Lubba tə̂ kə̂ nje-singa-mɔngu. A kooeje kar tə̂ kə̂ nâ kin darâ ta ddee mə mum tə̂ tɔ.»


Yeenn ngaâ â kooje Ngonn lə dəw a ddee mə mum tə̂ kə singa-mɔngu laa tɔyn ddəm kə piti ddəm.


To ddəw kâra baa tokə ndi kə̂ təəl a, ndoko kɔyn dara tə̂ kâra uru ye tə̂ kə̂ kâra. Ndɔ təl lə Ngonn lə dəw a to tokə baann tɔ.


A ndɔ kə̂ Lotə unda nɛ̂n lo tee kə ddang mə bbe tə̂ kə̂ Sɔdɔm le, puru kə supərə in darâ gayn tokə lə ndi ngaâ tɔl dəwje tɔyn.


Mba a to ndɔ kə̂ Lubba a gangə nɛ̂n sariya dɔ dəwje tə̂, mba karə nɛ̂nje tɔyn kə̂ n̂-dda Makəturu tə̂ lə Lubba ddeeje to nɛ̂n kə̂ tɔkɔrɔ.


Kar tə̂ənn, dəwje a kooje Ngonn lə dəw kə̂ a ddee mə mum tə̂ kə singa-mɔngu laa tɔyn ddəm piti laa tɔyn ddəm.


Yeenn bba nɛ̂n-karə-baa lə Lubba kâra duse ang, see njê kə̂ aw ngəbbəje ndɔ təl lə Əbbəjeje Jeju-Kristə le.


Lubba le njaa a karəse singa ndərəng ddutu ndɔ tə̂ karə ndɔ təl lə Əbbəjeje Jeju-Kristə a, tar to dɔse tə̂ ang.


Kar kə̂ Kristə kə̂ to təbbə le unda lo tee a, sese kara â kundaje lo tee saa tɔ ta kinga piti laa saa.


Ngaâ karə n̂-dda narə sese kə̂ aw ooje ndoo le kara, uwaje rɔse kə je, kar tə̂ kə̂ Əbbə-dəwje Jeju a kunda lo tee ngaâ a kin darâ ddee kə anjəje laa kə̂ toje to njê-singa-mɔnguje le.


Mba yeenn le bba, maji karə kəjə dda kula dɔrɔ â to dɔse tə̂, arje dɔ gɔlse tə̂ ta undaje məse dɔ nɛ̂n tə̂ kə̂ maji kə̂ Lubba a karəse ndɔ tə̂ kə̂ Jeju-Kristə a kunda lo tee kəm dəwje tə̂.


Ndoo kə̂ aw ooje le to mba nan nɛ̂n mə-kunn ləse koo, tokə andə kə̂ to nɛ̂n kə̂ aw tuju, a n̂-nan kə puru doo. Baann bba karə mə-kunn ləse kə̂ to nɛ̂n kə̂ ngəng uta andə le a dda karə Lubba ɔsu gajise ddəm pitise ddəm walse ddəm ndɔ tə̂ kə̂ Jeju-Kristə a kunda nɛ̂n lo tee kəm dəwje tə̂.


A maji karə ə-ddaje rɔ-nəəl, mba aw ooje ndoo kə Kristə, ta bbo ndɔ kə̂ ooje piti laa a, sese kara rɔse nəəlse nya.


Baann a, ngannje kə̂ ngaji, maji karə ə-naynje ddəw mə-kâra tə̂ kə Kristə, mba karə ndɔ kə̂ n̂-ddee a, bbəəl ddaje ang ddəm karə ndɔ təl laa a, rɔ-kul uta dɔje ngaâ jarje ddəw əw saa ang ddəm.


Ngakɔnʼmje kə̂ m-ndikise, kə̂ bbasinɛn nəənn n-toje to ngann lə Lubba ngaa. Ndɔ kə̂ bara a, ja toje tokə baânn wa? Yeenn â n-gərəje ang bbay. A n-gərəje to ndɔ kə̂ Jeju-Kristə ddee a, ja toje tokə ne, mba ja kooeje se n̂-to tokə baânn wa!


Ooje, naw ddee mə mum tə̂! Dəwje tɔyn a kooeje. Njê kə̂ ɔsɛ̂je kə ninga njaa kara a kooeje tɔ. Gəl-dəwje tɔyn a nɔnje mbɛɛ̂. A to tokə baann njaa! Amɛnn.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ