Luku 16:22 - Dɔnɔn kə̂ Siki: Tar kə̂ aw arə təbbə

²² Marə ndɔ nje-ndoo le oy ngaâ anjəje unnɛ̂je awje saa mbɔr Abaraham tə̂. Nje-nɛ̂n-kinga le oy tɔ ngaâ n̂-dubbe.

Maketuru le Lubba ke tar kabba

²² Nje-ndoo le oy ngaa anjije unaeje awje saa dɔ ji Abaraham te. Nje-ne-kinga le oy tɔ ngaa n̂-dubbe.

Luku 16:22 ပူးပေါင်းရင်းမြစ်များ

Matiye 18:10

«Aaje kə majɛ̂! Dang bba ə-yabbəje marə dəw kâra horo dəwje tə̂ kə̂ tɛn nəənn ang. M-pa marəse, anjəje ləde aw arje kə ndɔ tɔyn nɔn Bɔmje tə̂ darâ. [

Matiye 24:31

Tɔkə təbbə-narɛ a bbar ngaâ Ngonn lə dəw a kula anjəje laa karə n̂-mbɔnje dəwje kə̂ n̂-mbərəde kɔyn nangə tə̂ kə̂ sɔ tɔyn ndərəng kɔyn dara tə̂.»

Matiye 8:11

M-pa marəse: Dəwje nya a kinje kəm kar tə̂ kə lo kə̂ kar aw andə tə̂ ta dâ kisi ta nɛ̂n-kusa tə̂ kə Abaraham, Ijakə kə Jakobbo mə Bbe-kɔn tə̂ kə̂ darâ.

Marke 8:36

Bbo dəw inga nɛ̂n tɔyn kə̂ duninya tə̂ nəənn, a bbo təbbə laa nayn kə kɔrɔ̂ a, ddi kə̂ maji a nâ kinga goe tə̂ wa?

Luku 12:20

A Lubba pa arɛ̂ nan: Mbə! Til tə̂ nəənn njaa mâ kɔru kəwn ləi, a nɛ̂nje kə̂ ə-gɔl le a to lə nân ngaa wa?

Luku 16:21

N̂-ndiki ta kusa buru nɛ̂n-kusaje kə̂ aw gaynje kɔ tabələ tə̂ lə nje-nɛ̂n-kinga le. A dɔɛ tə̂ənn, bisije â ddeeje aw tɔɔnnje kəm doje laa.

Tar kə̂ Maji kə̂ Jan dda makəturu tə̂ 1:18

Dəw kâra oo Lubba ang. A Ngonn-kâra kə̂ to Lubba kə̂ isi mbɔr Bɔɛ̂je tə̂ le dda arə dəwje gəreje.

Tar kə̂ Maji kə̂ Jan dda makəturu tə̂ 13:23

Marə nje-nja go Jeju tə̂ kə̂ Jeju ndike nya isi mbɔrɛ̂ tə̂ ngɔsi.

Tar kə̂ Maji kə̂ Jan dda makəturu tə̂ 21:20

Piyɛr turu rɔɛ̂ a, oo nje-nja go Jeju tə̂ kə̂ Jeju ndike nya le aw ddee. Ne â nula dɔɛ̂ kə rɔ Jeju tə̂ kar nɛ̂n-kusa tə̂ ngaâ n̂-duje nan: «Əbbə-dəwje, nân â to nje-kunn dɔi wa?» le.

Ebərəje 1:14

Anjəje tɔyn toje to ndilje kə̂ aw ddaje kula arə Lubba. Naw nulade narə daw dumanje dəwje kə̂ n̂-ndiki ta kajide.

Ebərəje 2:14

Ngannje nəənn le toje tɔyn to dəwje. Yeenn bba Jeju kara ddee to dəw tokə dede tɔ. Baann bba ddəw koy tə̂ laa, n̂-guru singa Əsu kə̂ ee kə singa tɔl dəw,

Jakə 1:11

Kar tee ngaâ ɔsu, puru kar le tɔl mu arə pute gayn ngaâ kura laa goto. Nje-nɛ̂n-kinga a goto kə nɛ̂n-kinga laa tɔyn tokə baann tɔ.

1 Piyɛr 2:24

Noto majangje ləje dɔɛ̂ tə̂ dɔ kakə-dəsə tə̂ mba karə jeje kə̂ jɔruje rɔje majang tə̂, ddəw koy tə̂ kə̂ joyje saa mban le jisije kəm baa mba dda nɛ̂n kə̂ gatə gatə. Ddəw doje tə̂ kə̂ ninga, najije rɔ-toje tə̂ ləje.

Apokalisi 14:13

Moo marə ndu kə̂ in darâ pa arəm nan: «Uja tar nəənn makəturu tə̂: ‹Maji arəde, de dəwje kə̂ n̂-naynje ddəw tə̂ lə Əbbə-dəwje ndərəng doyje nɛ̂n bbasinɛn nəənn.› Ndil-mə-nda pa nan: ‹Tɔkɔrɔ njaa, maji karə duwaje rɔde go kula tə̂ kə̂ ngəng kə̂ n̂-ddaje, mba kulaje kə̂ n̂-ddaje a kunn gode.› »