Luku 16:2 - Dɔnɔn kə̂ Siki: Tar kə̂ aw arə təbbə

² N̂-bbar nje-ngəm nɛ̂nje le ngaâ n̂-pa narɛ̂ nan: ‹Tar ddi â maw moo dɔi tə̂ nəənn wa? Ə-tura kɔr nɛ̂nje kə̂ aw ngəm le arə moo, mba â kasə ngəm nɛ̂n ləm ang ngaa.›

Maketuru le Lubba ke tar kabba

² N̂-bbar *nje-ngem-ne le ngaa n̂-pa nare na: Tar ddi a maw moo dɔi teenn wa? E-tura go neje ke aw ngem le are moo, mba a kase ngem ne lem ang ngaa.

Luku 16:2 ပူးပေါင်းရင်းမြစ်များ

Matiye 12:36

M-pa marəse, tarje kə̂ baa baa tɔyn kə̂ dəwje aw paje, dâ kɔruje gəle ndɔ gangə sariya tə̂.

Matiye 20:8

«Lo-kul a, nje-ndɔɔ le bbar nje-kaa lo dɔ nɛ̂nje tə̂ laa pa arɛ̂ nan: ‹Ə-bbar njê-kulaje le ta ukade kâra kâra tɔyn. Unn kute dɔ dede tə̂ kə̂ n̂-ddeeje dɔ guku bba ta ə-tee nɛ̂n dɔ njê kə̂ ddeeje dɔngɔr tə̂.›

Luku 12:20

A Lubba pa arɛ̂ nan: Mbə! Til tə̂ nəənn njaa mâ kɔru kəwn ləi, a nɛ̂nje kə̂ ə-gɔl le a to lə nân ngaa wa?

Luku 12:42

Əbbə-dəwje le ilɛ̂ tə̂ nan: «Nân to nje-ngəm nɛ̂n kə̂ to gatə gatə ddəm to nje-kəm-karɛ ddəm wa? To ne kə̂ əbbeeje a kinya njê-kulaje laa jia tə̂ karə n̂-kaynde nɛ̂n-kusa kə karɛ̂ karɛ̂.

Luku 16:1

Jeju pa arə njê-njaje goe tə̂ bbay nan: «Marə dəw kə̂ inga nɛ̂n nya, marə nje-ngəm nɛ̂nje laa to. Dəwje paje arə dəw kə̂ nje-nɛ̂n-kinga le nan nje-ngəm nɛ̂nje le aw tuju nɛ̂nje laa.

Luku 16:3

Nje-ngəm nɛ̂nje le pa məɛ̂ tə̂ nan: ‹Əbbəmje a ta kɔrum ta nɛ̂nje tə̂ laa nəənn, ddi â mâ dda wa? Minga singa ta ndɔɔ ang ngaâ nɛ̂n-kɔy to rɔ-kul ləm nya tɔ.

Rɔmɛnje 14:12

Yeenn a, jeje kâra kâra tɔyn ja kɔruje naji nɛ̂nje kə̂ n-ddaje, nɔn gɔl Lubba tə̂.

1 Kɔrɛntinyɛje 1:11

Mba, ngakɔnʼmje, njê kə̂ dɔ Kolowe tə̂ paje arəmje nan koo-ta-naan goto horose tə̂.

1 Kɔrɛntinyɛje 4:2

A nɛ̂n kə̂ daw duju ji dəwje tə̂ kə̂ dinya nɛ̂nje jide tə̂, to ta karə n̂-toje gatə gatə.

1 Kɔrɛntinyɛje 4:5

Yeenn a, ə-gangəje sariya dɔ dəw tə̂ kete bba karə ndɔɛ̂ asə ang. N-nginanje ndɔ təl lə Əbbə-dəwje. Ne â nâ tee kə nɛ̂n kə̂ iya rɔɛ̂ lo ndul tə̂ kə ddaka ngaâ nâ tɔju kəjəje kə̂ mə dəwje tə̂ kə ddaka. Baann bba dəw kâra kâra a kinga piti kə̂ asə kəm kula laa ji Lubba tə̂.

2 Kɔrɛntinyɛje 5:10

Mba, a to tar ləje tɔyn ta kar nɔn sariya tə̂ lə Kristə, karə dəw kâra kâra inga kuka laa mba kula-dda kə̂ maji wase kə̂ maji ang kə̂ n̂-dda kə da-rɔɛ̂ le, kar tə̂ kə̂ n̂-nayn nɛ̂n dɔ nangə tə̂.

1 Timɔte 4:14

Ndil-mə-nda ari gusu. Ə-dda ngar kə gusu le ang. Inga gusu le go tarje tə̂ kə̂ njê-kilaje mbər tar lə Lubba paje ngaâ dəwje kə̂ dɔ Egilisi tə̂ mbɔnje naan ilaje jide dɔi tə̂.

1 Timɔte 5:24

Majangje lə marə dəwje teeje kə ddaka kəm dəwje tə̂ kete kete bba n̂-ngangə sariya dɔɛ̂ tə̂. A manjangje lə marɛ̂je teeje kə ddaka kəm dəwje tə̂ dɔ guku baa.

1 Piyɛr 4:10

Sese kâra kâra tɔyn, Lubba arəse gusu dang dang. Yeenn a, maji karə umanje nɛ̂n naan. Baann bba â ddeeje to njê-ngəmje nɛ̂nje dang dang kə̂ maji kə̂ Lubba inya jise tə̂ ddəw mə-maji tə̂ laa.

1 Piyɛr 4:5

A dâ kɔru gəl nɛ̂n-ddaje ləde le nɔn Lubba tə̂ kə̂ to ngɔsi mba gangə sariya dɔ dəwje tə̂ kə̂ naynje kəm baa ddəm dəwje kə̂ oyje ddəm.

Apokalisi 20:12

Ngaâ moo dəwje kə̂ oyje, njê kə̂ ngaji kə njê kə̂ bo, darje taar nɔn ngende-mbay tə̂ le. N̂-təəyn makəturuje, a n̂-təl n̂-təəyn marə makəturu bbay, to makəturu təbbə. Ngaâ n̂-gangə sariya dɔ dəwje tə̂ kə̂ oyje asə kəm kula-ddade, tokə ye kə̂ n̂-dda makəturuje tə̂ le.