Luku 12:21 - Dɔnɔn kə̂ Siki: Tar kə̂ aw arə təbbə

²¹ Dəw kə̂ mbɔn nɛ̂n-kingaje mba tar dɔɛ̂ njaa bbo mba Lubba ang, dəw le to tokə lə mbə le tɔ.»

Maketuru le Lubba ke tar kabba

²¹ Dew ke mbɔn ne-kingaje mba tar dɔe njaa, a nɔ gɔl Lubba te ne-kinga laa a goto. Dew le to ddew kara baa toke le mbe le tɔ.»

Luku 12:21 ပူးပေါင်းရင်းမြစ်များ

Luku 12:33

«Ə-labbəje nɛ̂n-kingaje ləse ta ə-kaynje narɛ̂ dangətəje. Uruje bbɔl narɛ kə̂ a ngisi ang ta unguje nɛ̂n-kingaje ləse darâ, lo tə̂ kə̂ nɛ̂nje le a tuju tə̂ ndɔ kâra ang. Lo kə̂ gɔl njê-bbokoje a kɔru ang ddəm sɔlɔlɔ a kɔn nɛ̂n tə̂ ang ddəm.

Luku 16:11

Bbo nɛ̂n-kingaje kə̂ nangə̂ nəənn le ə-ddaje nɛ̂n nɛ̂n kə dɔgɔlɛ̂ ang a, nân a kinya yeje kə̂ tɔkɔrɔ jise tə̂ wa?

Luku 6:24

A kəm-to-ndoo to ləse, see njê-nɛ̂n-kingaje, mba bbokənɛn wurse oso nangə̂ mban!

Rɔmɛnje 2:5

A məi kətərə arə ə-ndiki ta turu ddəw ləi ang. Aw mbɔn wungu lə Lubba dɔi tə̂ mba nginan nɛ̂n ndɔ kə̂ Lubba a gangə nɛ̂n sariya laa kə̂ gatə gatə dɔ dəwje tə̂.

2 Kɔrɛntinyɛje 6:10

Dəwje aw ddaje arə rɔje nəəlje ang, a jaw jisi kə rɔ-nəəl kə ndɔ tɔyn. Dəwje aw oojeje to njê-ndooje, a jaw dda jarə dəwje nya aw ddeeje to njê-nɛ̂n-kingaje. Dəwje oojeje to marə nɛ̂n ləje goto, a jee kə nɛ̂n tɔyn.

1 Timɔte 6:9

A dəwje kə̂ ndikije ta ddee to njê-nɛ̂n-kingaje osoje mə nɛ̂n-kərə tə̂. Dosoje mə bandə tə̂ ddəw bbo nɛ̂nje tə̂ kə̂ maji ang dang dang kə̂ aw tuju dəwje ngaâ aw aw kə dəwje arə naynje kə kɔrɔ̂.

Jakə 2:5

Ngakɔnʼmje kə̂ m-ndikise nya, ooje tar nəənn: Lubba mbərə dəwje kə̂ dəwje kə̂ duninya tə̂ nəənn oojede to njê-ndooje, ta karə n̂-ddeeje to njê-nɛ̂n-kingaje ddəw mə-kunn tə̂ ddəm ta karə Bbe-kɔn kə̂ Lubba unn ndue ta karə dəwje kə̂ ndikeje le ddee to ləde ddəm.

Apokalisi 2:9

M-gərə nɛ̂n-singaje kə̂ aw ingai kə ndoo kə̂ ə-ndoo. A kə̂ tɔkɔrɔ tə̂, ə-to nje-nɛ̂n-kinga. M-gərə tarje kə̂ maji ang kə̂ dəwje kə̂ toje to Jiipije ang, a aw ddaje rɔde to Jiipije aw paje dɔi tə̂. N̂-toje to dəwje kə̂ mə mbɔn-naan tə̂ lə Satan.