Luku 11:36 - Dɔnɔn kə̂ Siki: Tar kə̂ aw arə təbbə

³⁶ Bbo da-rɔi tɔyn njaa to dann lo-karɛ tə̂ ngaâ marə dəbbe ngaji to lo ndul tə̂ ang a, da-rɔi tɔyn a to dann lo-karɛ tə̂ tokə lə lambe kə̂ uru ndoko laa dɔi tə̂.»

Maketuru le Lubba ke tar kabba

³⁶ Bbo da-rɔi tɔyn njaa to dann lo-kare te ngaa mare debbe ten to lo-ndul te ang a, da-rɔi tɔyn a to dann lo-kare te toke le lambe ke uru ndoko laa dɔi te.»

Luku 11:36 ပူးပေါင်းရင်းမြစ်များ

Matiye 13:52

N̂-pa narəde nan: «Mba yeenn bba, nje-gərə-Ndu kə̂ gərə nɛ̂nje dɔ Bbe-kɔn tə̂ kə̂ darâ, to kâra baa kə nje-kəy kə̂ oto nɛ̂nje kə̂ siki kə nɛ̂nje kə̂ toje to konnɛ̂ mə dam tə̂ laa tee nɛ̂n.»

Matiye 5:15

Dəw ila puru lambe tə̂ a, a kaw dəbbə kə jo ang. Nâ kunda dɔ marə nɛ̂n tə̂ taar karə njê kə̂ mə kəy tə̂ le tɔyn ooje nɛ̂n lo.

Luku 11:35

Yeenn a, aa kə majɛ̂ arə lo-karɛ kə̂ to rɔi tə̂ to lo ndul ang.

Luku 11:37

Jeju aw pa tar a, marə Parijinyɛ bbarɛ̂ ta karə naw nusa nɛ̂n kəy laa. Naw ngaâ nisi ta nɛ̂n-kusa tə̂ le.

2 Kɔrɛntinyɛje 4:6

Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

Epɛjinyɛje 4:14

Baann bba ja toje tokə lə ngannje ang ngaâ ləl nɛ̂n-tɔjuje tɔyn njaa a yəkəje ang ddəm a kuwaje kaw nɛ̂n kə yo kə nəənn tokə lə to kə̂ ləl aw yəkə dɔ maann tə̂ ang ddəm. Dəwje a ddaje gusu kərə nɛ̂n je karə n-ndəəm ddəw ang.

Kolosinyɛje 3:16

Maji karə tar lə Kristə kə̂ nɛ̂nje kə̂ maji to məɛ tə̂ nayn horose tə̂ nya nya. Maji karə ə-tɔjuje naan nɛ̂n ddəm ə-ndəjəje naan ddəm kə kəm-karɛ tɔyn. Ɔsuje paje dang dang kə məse tɔyn ə-walje nɛ̂n Lubba ddəw tə̂ lə Ndil-mə-nda mba majije kə̂ n̂-dda kə se.

Ebərəje 5:14

A nɛ̂n-kusa kə̂ kətərə to mba dəwje kə̂ tɔkə. Dede â ddəw nɛ̂n tə̂ kə̂ daw ddaje kə ndɔ tɔyn, dasəje ta kɔru kəm nɛ̂n kə̂ maji kə nɛ̂n kə̂ maji ang.

Jakə 1:25

A dəw kə̂ unda məɛ̂ ta kuru gəl ndu kə̂ maji tɔyn kə̂ aw ɔru dəw kɔ bbərə tə̂, bbo n̂-nayn ddəwe tə̂, noo tar le a, narə məɛ̂ oy dɔɛ̂ ang ngaâ n̂-dda nɛ̂n kula a, nâ kisi kə rɔ-nəəl mə kula tə̂ laa kə̂ naw dda.

2 Piyɛr 3:18

A maji karə ə-sangəje kə kete kete ddəw mə-maji tə̂ lə Əbbəjeje kə̂ Nje-kajije Jeju-Kristə ddəm ddəw gərə tə̂ kə̂ ə-gəreje ddəm. Maji karə piti to laa, bbasinɛn nəənn nyɔm kə ləw. Amɛnn!