Kulaje 9:29 - Dɔnɔn kə̂ Siki: Tar kə̂ aw arə təbbə

²⁹ Naw pa tar kə Jiipije kə̂ aw paje ndɔn-tar gɛrɛkə ngaâ naw mayn tar kə de, a dede daw sangəje ddəw ta tɔlɛ̂.

Maketuru le Lubba ke tar kabba

²⁹ Naw n̂-pa tar ke Jiipije ke aw paje tar gereke ngaa naw n̂-mayn ke de tar, a dede daw n̂-sangeje ddew ta tɔle.

Kulaje 9:29 ပူးပေါင်းရင်းမြစ်များ

Kulaje 11:20

A marɛ̂je horode tə̂ kə̂ gəlde to dəwje kə̂ Sipərə kə dəwje kə̂ Sirɛnn ddeeje bbe tə̂ kə̂ Antiyos a, paje Tar kə̂ Maji lə Əbbə-dəwje Jeju arə dəwje kə̂ aw paje ndɔn-tar gɛrɛkə tɔ.

Kulaje 17:17

Naw pa tar kə Jiipije kə dəwje kə̂ aw poloje Lubba mə kəy mbɔn-naan tə̂ lə Jiipije. A kəsə ndɔje, naw pa tar natâ kə kəsə dəwje kə̂ naw ningade kə̂ ndɔ tɔyn.

Kulaje 18:19

Daw teeje Epɛjə. Pɔl inya Pirisil de kə Akilas lo tə̂ənn ngaâ ɔtu aw kəy mbɔn-naan tə̂ lə Jiipije aw pa tar kə de.

Kulaje 19:8

Nɛyn mota njaa Pɔl aw aw kəy mbɔn-naan tə̂ lə Jiipije kə ndɔ tɔyn aw pa tar Bbe-kɔn lə Lubba kə bbəəl ang. N̂-dda gan njaa karə n̂-ndikije tə̂ saa.

Kulaje 22:18

Moo Əbbə-dəwje ngaâ n̂-pa səm tar nan: ‹Ə-tee Jerujalɛm njangə kə ddang, mba naji ləm kə̂ a kɔru le dəwje a ndikije tə̂ ang.›

Kulaje 6:1

Dɔ ndɔɛ̂ tə̂ənn, kɔr njê-njaje go Jeju tə̂ aw kə kete kete. Jiipije kə̂ aw paje ndɔn-tar gɛrɛkə aw əmje rɔde kə ri dede kə̂ n̂-toje to Ebərəje. Mba kə ndɔ tɔyn bbo Ebərəje le aw kaynje nɛ̂n-kusa dɛnɛ̂n-ndubbaje a, dɔruje kəm dɛnɛ̂n-ndubbaje ləde.

Kulaje 9:27

Barnabas unn Sɔl le aw saa rɔ njê-kaw-kulaje tə̂ ngaâ pa tar koo kə̂ Sɔl oo Əbbə-dəwje ddəw-boô kə tar kə̂ Əbbə-dəwje pa saa le arəde. N̂-pa gusu kə̂ Sɔl pa nɛ̂n tar lə Jeju kə bbəəl ang arə dəwje mə bbe tə̂ kə̂ Damas le narəde.

Kulaje 9:28

Unn kute karɛ tə̂ənn, mə bbe tə̂ kə̂ Jerujalɛm, lo tɔyn kə̂ njê-kaw-kulaje aw awje tə̂ a, naw kə de naan tə̂ naan tə̂. Naw tɔju tar kə ri Əbbə-dəwje kə bbəəl ang.

2 Kɔrɛntinyɛje 11:26

Njaje tə̂ ləm kə̂ maw nja, nɛ̂n-singaje ingam: Baje a ta kuwam. Njê-bbokoje, ngakɔm Jiipije kə dəwje kə̂ toje to Jiipije ang a ta tɔləmje. Nɛ̂n-singaje ingamje mə tɔkə bbeje tə̂, mə kɔr tə̂, dɔ ba-katəje tə̂, ngakɔnʼmje kə̂ tɔkɔrɔ ang aw ddaje səm singa.

Judə 1:3

Ngakɔnʼmje, m-ndiki nya ta dda makəturu karəse ɔju dɔ kaji kə̂ Lubba ajije tɔyn kâra baa. A bbasinɛn, moo maji ta kula kə makəturu nəənn mba karə arəse singa, karə ə-ddaje ddɔ mba ngəm nɛ̂n tar mə-kunn kə̂ Lubba arəje nyɔm le.

Judə 1:9

Misɛl kə̂ to tɔkə mbay lə anjəje njaa kara, kar tə̂ kə̂ naw nar nɛ̂n niinn Mɔyijə kə Əsu le, nila ta-bbar ngaji dɔɛ̂ tə̂ ang. Bbay tar kə̂ n̂-pa narɛ̂ â nan: «Maji karə Əbbə-dəwje ndangi.»