Kulaje 8:35 - Dɔnɔn kə̂ Siki: Tar kə̂ aw arə təbbə

³⁵ Yeenn ngaa, Pilipi unn kutu tar dɔ tar tə̂ kə̂ enuku le tura makəturu tə̂ nəənn le bba tɔjɛ̂ nɛ̂n Tar kə̂ Maji lə Jeju.

Maketuru le Lubba ke tar kabba

³⁵ Yeenn a, Pilipi unn kutu pa tar dɔ tar te ke enuku le tura me maketuru te neenn le bba tɔju ne Tar ke maji le Jeju are.

Kulaje 8:35 ပူးပေါင်းရင်းမြစ်များ

Matiye 5:2

Nunn kutu tɔjude nɛ̂n, n̂-pa nan:

Luku 24:27

Jeju unn kutu kɔru gəl nɛ̂nje kə̂ Mɔyijə kə njê-kilaje mbər tar lə Lubba tɔyn paje dɔɛ̂ tə̂ makəturuje tə̂ le.

Kulaje 10:34

Piyɛr ila tə̂ nan: «Bbasinɛn m-gərə ngaa to tɔkɔrɔ njaa Lubba ɔru kəm dəw ang.

Kulaje 11:20

A marɛ̂je horode tə̂ kə̂ gəlde to dəwje kə̂ Sipərə kə dəwje kə̂ Sirɛnn ddeeje bbe tə̂ kə̂ Antiyos a, paje Tar kə̂ Maji lə Əbbə-dəwje Jeju arə dəwje kə̂ aw paje ndɔn-tar gɛrɛkə tɔ.

Kulaje 17:18

Marə njê-nɛ̂n-gərəje kə̂ daw bbarde nan Epikurinyɛje kə Isitoyisinyɛje njaa kara ddeeje aw paje saa tar tɔ. Marɛ̂je paje nan: «Tar ddi njaa nje-kunda bula nəənn a ta pa wa?» A marɛ̂je paje nan: «A du ang, nâ to marə nje-kila mbər tar lə marə lubbaje kə̂ dang.» Mba Pɔl aw ila mbər Tar kə̂ Maji lə Jeju kə tar ndol lə dəwje kə̂ oyje.

Kulaje 18:28

mba tar kə̂ tɛɛ̂ tə̂ ngəng arə Jiipije ooje tar ta kila tə̂ ang. N̂-tɔju ddəw makəturu tə̂ lə Lubba kə ddaka narəde to Jeju njaa to Mesi.

Kulaje 19:13

Marə Jiipije kə̂ aw tubbaje ndilje kə̂ maji ang rɔ dəwje tə̂ kə lo lo, aw unnje ri Əbbə-dəwje Jeju bba aw tubbaje nɛ̂n ndilje le tɔ. N̂-paje nan: «Kə ri Jeju kə̂ Pɔl aw ila mbər tar laa, ə-teeje kə ddang!»

Kulaje 28:23

Dɔjuje ndɔ darə Pɔl ngaâ ndɔ le asə a, n̂-ddeeje tokə banya dingɛ̂je lo-toe tə̂. Pɔl pa tar arəde kə əndɔɔ ndərəng lo-kul. N̂-pa tar kɔn-mbay lə Lubba narəde. Nunn tar Ndu lə Mɔyijə kə tar lə njê-kilaje mbər tar lə Lubba n̂-pa nɛ̂n tar lə Jeju karə n̂-ndikije tə̂.

Kulaje 3:20

ngaâ Əbbə-dəwje a karəse marə kar kə̂ â kisije kə mə-wul-lɔm ngaâ nâ kula Jeju kə̂ to Kristə kə̂ n̂-gɔl kete ta kulɛ̂ karəse le.

Kulaje 5:42

Kə ndɔ tɔyn, mə kəy-polo Lubba tə̂ wase mə kəyje tə̂ kara, dinyaje ddəw tɔju nɛ̂n ang ddəm dinyaje kila mbər Tar kə̂ Maji lə Jeju kə̂ to Kristə le ang ddəm.

Kulaje 8:34

Enuku le pa arə Pilipi nan: «M-wali nya, ə-pa arəm moo. Nân njaa gatə bba nje-kila mbər tar lə Lubba le aw pa tar laa nəənn wa? To tar laa ne njaa wase tar lə marə dəw kə̂ dang wa?»

Kulaje 9:20

ngaâ njangə baa a, Sɔl aw ila mbər kəy mbɔn-naanje tə̂ lə Jiipije pa nan Jeju to Ngonn lə Lubba.

1 Kɔrɛntinyɛje 1:23

A jeje, jaw jila mbər tar lə Kristə kə̂ n̂-tɔlɛ̂ kakə-dəsə tə̂. Jiipije ooje tar le to tar-kɔbbu, a Gɛrɛkəje ooje to tar mbə.

1 Kɔrɛntinyɛje 2:2

Mba kar kə̂ m-nayn nɛ̂n horose tə̂ le, m-ndiki ta gərə marə nɛ̂n dang ang. Bbayɛ̂ njaa to Jeju-Kristə, Jeju-Kristə kə̂ n̂-tɔlɛ̂ kakə-dəsə tə̂.

2 Kɔrɛntinyɛje 6:11

Ngakɔnje kə̂ Kɔrɛntə, n-pa tar kə̂ tɔkɔrɔ kə ddaka jarəse mban. Junn məje tɔyn jarəse.

Epɛjinyɛje 4:21

Bbo n̂-pa tar laa darəse ngaâ n̂-tɔjuse tar laa kə̂ to tar kə̂ tɔkɔrɔ kə̂ ddee ddəw tə̂ lə Jeju a,