Kulaje 8:30 - Dɔnɔn kə̂ Siki: Tar kə̂ aw arə təbbə

³⁰ Pilipi ayn ngɔru aw inga sarɛtə le ngaâ oo ndu dingaw kə̂ Etiyopi le kə̂ a aw tura makəturu lə Ejayi kə̂ to nje-kila mbər tar le. Pilipi duju tar enuku le nan: «Ə-gərə tar kə̂ aw tura makəturu tə̂ nəənn njaa wa?»

Maketuru le Lubba ke tar kabba

³⁰ Pilipi ayn ngɔru aw inga sarete le ngaa oo ndu dingaw ke Etiyopi ke aw tura maketuru le Ijayi. Pilipi duju tar enuku le na: «E-gere tar ke aw e-tura me maketuru te neenn njaa wa?»

Kulaje 8:30 ပူးပေါင်းရင်းမြစ်များ

Matiye 13:19

Dəwje kə̂ ooje tar kɔn-mbay lə Lubba, a gərəje kandə tar le ang, toje tokə dɔ ddəw kə̂ kandə-koje gaynje tə̂ le. Nje-mə-majang ddee ɔru nɛ̂n kə̂ n̂-dubbu məde tə̂ le kə ddang.

Matiye 13:23

A marə dəwje toje tokə nangə kə̂ maji kə̂ n̂-dubbu nɛ̂n tə̂. Dooje tar le a, n̂-gərəje kandɛ̂ kə majɛ̂ ngaâ dandəje kandə. Marɛ̂je andəje dɔdɔku, marɛ̂je andəje dɔmisan, a marɛ̂je andəje dɔmota.»

Matiye 13:51

Jeju duju njê-njaje goe tə̂ nan: «Ə-gərəje kandə tarje nəənn tɔyn njaa wa?» Dilɛ̂je tə̂ nan: «N-gərə njaa.»

Matiye 15:10

Goe tə̂ a, Jeju bbar dəwje kə̂ banya le ngaâ pa arəde nan: «Ooje tar ləm kə majɛ̂ ta ə-gərəje kandɛ̂!

Matiye 24:15

«Â kooje ‹nɛ̂n kə̂ maji ang kə̂ aw tuju lo› kə̂ to lo tə̂ kə̂ n̂-sangə dang mba Lubba, nɛ̂n kə̂ Daniyɛl kə̂ to tɔkə nje-kila mbər tar lə Lubba ila mbəre le. Maji karə dəw kə̂ aw tura Makəturu nəənn gərə kandɛ̂ kə majɛ̂!

Marke 13:14

«Â kooje ‹nɛ̂n kə̂ maji ang kə̂ aw tuju lo› kə̂ isi lo tə̂ kə̂ n̂-sangə dang mba Lubba, lo kə̂ asə karə nisi tə̂ ang. Maji karə dəw kə̂ aw tura makəturu nəənn gərə kandɛ̂ kə majɛ̂! Karɛ̂ tə̂ənn, maji karə dəwje kə̂ isije nangə Jude tə̂ aynje ər kə dɔ ddingirije tə̂.

Tar kə̂ Maji kə̂ Jan dda makəturu tə̂ 4:34

Jeju pa arəde nan: «Nɛ̂n-kusa ləm to ənga dda nɛ̂n kə̂ mə Lubba kə̂ ulam ndiki, ta dda kula kə̂ narəm le tunga.

Tar kə̂ Maji kə̂ Jan dda makəturu tə̂ 5:39

«Aw kinyaje mə Makəturu lə Lubba, mba əjəje to Makəturu le a karəse təbbə kə̂ to kə ndɔ kə ndɔ. Makəturuje le paje tar-naji ləm.

Kulaje 8:27

Pilipi le ɔtu kə ngɔru aw ngaâ inga marə dingaw kə ddəw. Dingaw le to enuku, n̂-to dəw kə̂ Etiyopi. N̂-to tɔkə dəw kə̂ aw ngəm nɛ̂n-kingaje lə Kandas kə̂ to tɔkə mbay-dɛnɛ̂n kə̂ Etiyopi. Dingaw le ddee Jerujalɛm mba polo Lubba

Kulaje 8:29

Ndil pa arə Pilipi le nan: «Aw kə ngɔru aw inga sarɛtə toonn.»

Kulaje 8:31

Dingaw le ila tə̂ nan: «Bbo marə dəw umanʼm ang a, mâ gərə tar le tokə baânn wa?» Yeenn bba, n̂-bbar Pilipi le karə aal sarɛtə le isi mbɔrɛ̂ tə̂.

Kulaje 8:5

Yeenn bba, Pilipi tee aw marə bbe tə̂ kə̂ Samari ngaâ ila mbər tar lə Kristə.

1 Kɔrɛntinyɛje 14:19

A bbo mar nɔn njê-mə-kunnje tə̂ a, m-ndiki nya ta pa kandə tar min kə ndɔn-tar kə̂ dəwje gərəje uta ye kə̂ ta pa kandə tar doro dɔku kə ndɔn-tarje kə̂ dəwje gərəje ang. Baann bba mâ tɔju nɛ̂n kəsə dəwje.

Epɛjinyɛje 5:17

Yeenn a, maji karə isije to mbəje ang. A maji karə ə-sangəje ta gərə nɛ̂n kə̂ mə Əbbəjeje ndiki karə ə-ddaje.

Apokalisi 13:18

Kar tə̂ nəənn, maji karə kəm dəw arɛ. Dəw kə̂ to nje-nɛ̂n-gərə a, a gərə kandə nimɔrɔ lə da le, mba to nimɔrɔ lə marə dəw. Nimɔrɔ le to kɔr misan kə dɔmisan gire misan (666).