Kulaje 8:12 - Dɔnɔn kə̂ Siki: Tar kə̂ aw arə təbbə

¹² A dəwje tɔyn, dingawje kə dɛnɛ̂nje kə̂ ooje məde tə̂ kə Tar kə̂ Maji kə̂ Pilipi tɔju dɔ Bbe-kɔn tə̂ lə Lubba ddəm dɔ tar tə̂ lə Jeju-Kristə ddəm ingaje batɛm.

Maketuru le Lubba ke tar kabba

¹² A dewje tɔyn, dingawje, ke deneje ke ooje mede te ke Tar ke maji ke Pilipi tɔju dɔ bbe-kɔn te le Lubba ddem, dɔ tar te le Jeju-Kiriste ddem, ingaje batem.

Kulaje 8:12 ပူးပေါင်းရင်းမြစ်များ

Matiye 28:19

Yeenn a, awje rɔ gəl-dəwje tə̂ tɔyn kə̂ dɔ nangə tə̂. Ə-ddajede to njê-njaje gom tə̂ ta ə-ddajede batɛm kə ri Bɔ, ri Ngonn kə ri Ndil-mə-nda.

Luku 9:2

Nulade karə dila mbər tar kɔn-mbay lə Lubba darə dəwje ddəm karə daji njê-rɔ-toje ddəm.

Luku 9:60

A Jeju ilɛ̂ tə̂ nan: «Inya yoje arə dubbuje yoje ləde. A əi, aw pa tar kɔn-mbay lə Lubba arə dəwje.»

Kulaje 1:3

Go yo tə̂ laa a, n̂-tɔju rɔɛ̂ narəde ngaâ n̂-dda nɛ̂nje dang dang ta tɔjude to nisi kəm baa. N̂-dda tokə baann ndɔ dɔsɔ ngaâ n̂-pa tar dɔ kɔn-mbay tə̂ lə Lubba narəde.

Kulaje 11:20

A marɛ̂je horode tə̂ kə̂ gəlde to dəwje kə̂ Sipərə kə dəwje kə̂ Sirɛnn ddeeje bbe tə̂ kə̂ Antiyos a, paje Tar kə̂ Maji lə Əbbə-dəwje Jeju arə dəwje kə̂ aw paje ndɔn-tar gɛrɛkə tɔ.

Kulaje 18:8

Krispus kə̂ to nje-kɔn dɔ kəy mbɔn-naan lə Jiipije unn məɛ̂ arə Əbbə-dəwje, ne de kə njê kə̂ kə̂y laa tɔyn. Marə dəwje kə̂ Kɔrɛntə nya ooje tar kə̂ Pɔl tɔju le. Dooje məde tə̂ ngaâ dingaje batɛm.

Kulaje 19:5

Dəwje le ooje tar le ngaâ ingaje batɛm kə ri Əbbə-dəwje Jeju.

Kulaje 2:38

Piyɛr pa arəde nan: «Ə-turuje məse ta nân nân kara inga batɛm kə ri Jeju-Kristə. Baann bba Lubba a kɔru tar majangje ləse dɔse tə̂ ngaâ nâ karəse Ndil-mə-nda.

Kulaje 2:41

Dəwje kə̂ ndikije tar tə̂ laa le ingaje batɛm. Ndɔɛ̂ tə̂ənn kɔr dəwje asə nɛ̂n kə̂ doro mota ddeeje unguje dɔ kɔr njê-mə-kunnje tə̂ kə̂ kete.

Kulaje 20:21

Mila mbər marə Jiipije kə Gɛrɛkəje karə n̂-turuje məde nyɔm ta n̂-təlje rɔ Lubba tə̂ ngaâ ta karə dundaje məde kə dɔ Əbbə-dəwje Jeju tə̂.

Kulaje 20:25

«M-nja horose tə̂ tɔyn mila mbər tar kɔn-mbay lə Lubba. A bbasinɛn nəənn m-gərə to â təlje kooje kəm ang ngaa.

Kulaje 28:31

Nila mbər kɔn-mbay lə Lubba ngaâ n̂-tɔju nɛ̂n dɔ Əbbə-dəwje Jeju-Kristə tə̂ kə bbəəl ang. Marə dəw ɔkɛ̂ ddəw ang.

Kulaje 5:14

Dəwje aw unnje məde arə Əbbə-dəwje kə kete kete, dingawje ddəm dɛnɛ̂nje ddəm aw unguje dɔ njê-mə-kunnje tə̂.

Kulaje 8:4

Dəwje kə̂ sanrɛje naan le aw ilaje mbər tar lə Lubba to Tar kə̂ Maji loje tə̂ kə̂ daw ndayje tə̂.

Rɔmɛnje 10:10

Mba bbo dəw unn məɛ̂ a, Lubba ooe to dəw kə̂ gatə gatə. Ngaâ bbo dəw le pa tarɛ̂ kə ddaka a, Lubba ajɛ̂.

1 Kɔrɛntinyɛje 11:11

A kə̂ kisi tə̂ ləje nɔn Əbbə-dəwje tə̂, dingaw goto a, dɛnɛ̂n goto tɔ, dɛnɛ̂n goto a, dingaw goto tɔ.

Galatəje 3:28

Jiipi wase Gɛrɛkə goto ngaa, bbərə wase dəw kə̂ to bbərə ang goto ngaa, dingaw wase dɛnɛ̂n goto ngaa. Mba sese tɔyn ə-ddeeje to dəwje kə̂ kâra baa ddəw mə-kâra tə̂ kə̂ ə-ddaje kə Jeju-Kristə.

1 Piyɛr 3:21

Yeenn to nɛ̂n kə̂ tɔju batɛm kə̂ aw ajise bbasinɛn le. Batɛm to nɛ̂n kə̂ aw toko nɛ̂n-yərəw kə̂ da-rɔ tə̂ ang. To kunn rɔ ta dda kə Lubba kə kəjə kə̂ maji. Batɛm le ajise ddəw ndol tə̂ kə̂ Jeju-Kristə ndol buwa-yo tə̂.