Kulaje 7:38 - Dɔnɔn kə̂ Siki: Tar kə̂ aw arə təbbə

³⁸ Kar kə̂ dəwje kə̂ Ijarayɛl aw mbɔnje naan mə kɔr tə̂ le Mɔyijə tɔ â ar horo kajejedede tə̂ kə anjə kə̂ aw pa saa tar dɔ ddingiri tə̂ kə̂ Sinayi. Ne â ninga tarje kə̂ aw arə təbbə dəwje mba ndaji karəje.

Maketuru le Lubba ke tar kabba

³⁸ Ne a, kare te ke dewje aw uwaje ne dɔ naa me kɔr te nar horo kajejedede te ke anji ke aw pa saa tar dɔr er te ke sinay. Ne a, n̂-taa tar ke are tebbe le nareje.

Kulaje 7:38 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 1:17

Lubba arəje Ndu ləw ddəw tə̂ lə Mɔyijə, a mə-maji kə tar kə̂ tɔkɔrɔ ddeeje ddəw tə̂ lə Jeju-Kristə.

Tar kə̂ Maji kə̂ Jan dda makəturu tə̂ 6:63

Ndil lə Lubba â aw arə təbbə dəw, bbo da-rɔ dəw asə dda marə nɛ̂n kâra ang. Tarje kə̂ m-pa marəse le toje to Ndil ddəm təbbə ddəm.

Kulaje 7:30

«N̂-dda bbal dɔsɔ a, marə anjə tee ingɛ̂ mə kɔr tə̂, ngɔsi kə ddingiri kə̂ Sinayi. Anjə le ee mə bər-kam tə̂ kə̂ puru aw ɔn tə̂.

Kulaje 7:35

«Mɔyijə kə̂ ngann Ijarayɛlje mbəteje ngaâ paje arɛ̂je nan: ‹Nân bba undai to mbay ddəm nje-gangə sariya ddəm dɔje tə̂ wa le›, ne â Lubba ulɛ̂ to mbay ddəm nje-kɔrude bbərə tə̂ ddəm ddəw tə̂ lə anjə kə̂ Mɔyijə ooe mə bər-kam tə̂ le.

Kulaje 7:53

Ingaje ndu kə̂ Lubba ula nɛ̂n anjəje kə majɛ̂, a ə-ddaje kula kə turu ndu le ang.»

Rɔmɛnje 3:2

Nɛ̂n kə̂ maji to mə nɛ̂nje tə̂ nya njaa. Dɔngɔr njaa kara, Jiipije â Lubba inya tarje laa mə jide tə̂.

Rɔmɛnje 9:4

N̂-toje to ngann Ijarayɛlje kə̂ Lubba arə n̂-ddeeje to ngannɛ̂. Lubba arə dooje piti laa, nɔsu dɔnɔn kə̂ de, narəde Ndu laa, narə n̂-toje to dəwje kə̂ aw poleje kə ddəwe ngaâ nunn ndue ta karəde nɛ̂nje.

Galatəje 3:19

Yeenn a, Ndu to mba ddi bbay wa? Lubba arə Ndu to bba karə n-gərəje nɛ̂n nɛ̂nje kə̂ dəwje aw ddaje kə dɔgɔlɛ̂ ang, ndərəng ta nginan nɛ̂n ddee lə ngoka Abaraham kə̂ Lubba unn ndue ta karɛ̂ nɛ̂n le. Lubba ula anjəje kə Ndu le ddəw tə̂ lə marə nje-gɔl-tar.

Ebərəje 2:2

Mba ləw, tar kə̂ Lubba arə anjəje paje to baa ang, dəwje kə̂ aaje lo kə tar tə̂ le ang ngaâ ddaje nɛ̂n kə turu ndu tar le ang ingaje kunda kə dɔgɔlɛ̂ njaa.

Ebərəje 4:12

Mba tar kə̂ tee ta Lubba tə̂ to kəm baa ngaâ ee kə singa. Tar le aw dda kula uta tɔkə kiya kə̂ tɛɛ̂ to ər joo kəm. Ddəw kâra baa tokə tɔkə kiya kə̂ tɛɛ̂ to ər joo kəm aw kayn horo mənrə-rɔje kə ubbuje kə̂ mə singa tə̂ le, tar lə Lubba aw andə dəw ndərəng bbəngəre tə̂. Tar le aw tee kə nɛ̂nje kə̂ dəw aw dda bboe məɛ̂ tə̂ ddəm aw əjə ddəm.

Ebərəje 5:12

Kuru lo əw nya karə ə-ddeeje to njê-nɛ̂n-tɔjuje ngaa. A sese le tɔ bbay â ə-ndikije karə n̂-təl n̂-tɔjuse dɔngɔr nɛ̂nje kə̂ dɔ tar tə̂ lə Lubba wa? Ə-ddeeje to dəwje kə̂ ndikije ta kil mba bbay, bbo asəje ta kusa nɛ̂n kə̂ kətərə ang.

1 Piyɛr 4:11

Dəw kə̂ gusu pa tar to rɔɛ̂ tə̂ a, maji karə tar lə Lubba â n̂-pa. Dəw kə̂ gusu dda kula karə dəwje to rɔɛ̂ tə̂ a, maji karə n̂-dda kula le kə singa kə̂ Lubba arɛ̂. Yeenn bba karə Lubba inga piti mə nɛ̂nje tə̂ tɔyn ddəw tə̂ lə Jeju-Kristə. Lubba kə̂ piti kə singa-mɔngu to laa kə ndɔ kə ndɔ. Amɛnn!