Kulaje 6:4 - Dɔnɔn kə̂ Siki: Tar kə̂ aw arə təbbə

⁴ A Jeje, ja kunnje rɔje mba kula duju Lubba kə kula tɔju tar lə Lubba.»

Maketuru le Lubba ke tar kabba

⁴ A Jeje, ja kunn rɔje mba kula duju Lubba, ke kula tɔju tar le Lubba.»

Kulaje 6:4 ပူးပေါင်းရင်းမြစ်များ

Luku 1:23

Ndɔ dda kula laa tunga a, n̂-təl naw kə̂y laa.

Kulaje 1:14

Dede tɔyn njaa daw dooje ta naan daw dujuje Lubba kə ndɔ tɔyn. Marə dɛnɛ̂nje kə Mari kɔn Jejuje kə ngakɔn Jeju eeje horode tə̂ tɔ.

Kulaje 2:42

Njê-mə-kunnje le unnje rɔde tɔyn mba kaw koo nɛ̂n-tɔju lə njê-kaw-kulaje kə ndɔ tɔyn. Daw dulaje nuju naan tə̂, daw ddaje mə-kâra ddəw muru mə-kâra tə̂ ngaâ daw dujuje Lubba.

Rɔmɛnje 1:9

Lubba gərə to tar kə̂ tɔkɔrɔ njaa maw pa nəənn. Ne Lubba kə̂ maw pole kə kəjə ləm tɔyn ddəw mbər Tar tə̂ kə̂ Maji kə̂ dɔ Ngonnɛ̂ tə̂ kə̂ maw mila. N̂-gərə to kar tɔyn kə̂ maw duje, maw mila rise məɛ tə̂.

1 Kɔrɛntinyɛje 9:16

A əman, kila mbər Tar kə̂ Maji to nɛ̂n-kɔsu nɛ̂n gajim ang. Mba to kula kə̂ darəm kə singa ta karə m-dda, yeenn a bbo mila mbər Tar kə̂ Maji le ang a, a to ndoo nya karəm.

Pilipinyɛje 1:4

Kar tɔyn njaa bbo maw duju Lubba mba tar ləse tɔyn a, maw duje kə rɔ-nəəl nya,

Kolosinyɛje 2:1

M-ndiki karə ə-gərəje to ddɔ kə̂ maw dda to ddɔ kə̂ ngəng nya: Maw dda ddɔ mba tar ləse, mba tar lə dəwje kə̂ Lawodise kə marə dəwje nya kə̂ oomje ndɔ kâra ang.

Kolosinyɛje 4:12

Epaparas kə̂ to dəw kə̂ bbeê ləse ddase lapiya. Ne kə̂ n̂-to bbərə-kula lə Jeju-Kristə le naw dda ddɔ mba tar ləse kə ndɔ tɔyn, ddəw duju Lubba tə̂ bba karə uwaje arəje ngəng, karə ə-ddeeje maji tɔyn, bba karə unnje rɔse tɔyn ta dda nɛ̂n tɔyn kə̂ mə Lubba ndiki.

Kolosinyɛje 4:17

Ə-paje arəje Arəsipə ə-paje nan, maji karə nunda kəmɛ̂ dɔ kula tə̂ lə Əbbə-dəwje kə̂ darɛ̂, ta n̂-dda kə majɛ̂.

2 Timɔte 4:2

karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.