Kulaje 5:26 - Dɔnɔn kə̂ Siki: Tar kə̂ aw arə təbbə

²⁶ Yeenn ngaâ nje-kɔn dɔ dəwje kə̂ aw ngəmje ta-kəy-polo lubba le aw kə njê-kulaje laa ngaâ daw ddeeje kə njê-kaw-kulaje le, a n̂-ddaje kə de nɛ̂n-singa ang. N̂-bbəəlje mba dəwje a kin tilajede kə ər.

Maketuru le Lubba ke tar kabba

²⁶ Yeenn a, nje-kɔn dɔ dewje ke aw ngemje ta key key-polo-Lubba le aw ke nje-kulaje laa ngaa daw n̂-ddee ke nje-kayn-kulaje le, a n̂-dda ke de singa ang. N̂-bbeelje mba dewje a tilajede ke er tɔljede.

Kulaje 5:26 ပူးပေါင်းရင်းမြစ်များ

Matiye 14:5

Erodə ndiki ta tɔl Jan le, a n̂-bbəəl kəm Jiipije mba dooje Jan to nje-kila mbər tar lə Lubba njaa.

Matiye 21:26

Bbo n-paje nan: ‹Dəwje› a, a to tokə baânn wa?» Mba n̂-bbəəl kəm dəwje kə̂ banya le, mba dəwje tɔyn gərəje to Jan to nje-kila mbər tar lə Lubba.

Matiye 26:5

A n̂-paje nan: «Arəje juwɛ̂je ndɔ kusu tə̂ ang, mba a kuju bula.»

Matiye 26:58

Piyɛr ɔru goe a, nja ddəw əw saa ndərəng tee nɛ̂n mə ndoko tə̂ lə Kayipi kə̂ to tɔkə nje-polo Lubba le. Nandə mə ndoko tə̂ le ngaâ nisi kə njê-ngəmje ta-kəy ta koo se nɛ̂n le a kɔsu kɔyn tokə baânn wa?

Luku 20:19

Kar tə̂ənn njaa mbayje lə njê-poloje Lubba kə njê-gərəje-Ndu aw sangəje ddəw ta kuwɛ̂, a n̂-bbəəlje kəm dəwje. Mba n̂-gərəje to dede â Jeju aw pa gusu-tar nəənn ɔju dɔde.

Luku 20:6

A bbo n-pa nan dəwje â ulɛ̂ a, dəwje tɔyn a tilajeje kə ər, mba n̂-gərəje to Jan to nje-kila mbər tar lə Lubba njaa.»

Luku 22:2

Mbayje lə njê-poloje Lubba kə njê-gərəje-Ndu aw sangəje gusu kə̂ ta tɔl nɛ̂n Jeju, a n̂-bbəəlje kəm dəwje.

Luku 22:4

Judas le aw oo mbayje lə njê-poloje Lubba kə mbayje lə njê-ngəmje ta-kəy-polo Lubba karə dooje ta naan dɔ gusu tə̂ kə̂ nâ kila nɛ̂n Jeju jide tə̂.

Kulaje 4:21

N̂-təlje dinje kə de bbay, a dinyajede mba dingaje marə tar kə̂ a kasə karəde ddəw karə duwaje nɛ̂n de ang. Mba dəwje tɔyn aw ɔsuje gaji Lubba mba nɛ̂n kə̂ to le.

Kulaje 5:13

Dəwje aw paje tar ləde maji njaa, a dəw kâra tay mba kandə horode tə̂ ang.

Kulaje 5:22

A mbambaje kə̂ dulade le aw teeje kəy-kula tə̂ a, dingaje njê-kaw-kulaje le mə sururu tə̂ le ang. N̂-təlje rɔ njê kə̂ ulajede tə̂ le daw paje darəjede nan:

Kulaje 5:24

Nje-kɔn dɔ dəwje kə̂ aw ngəmje ta-kəy-polo Lubba kə mbayje lə njê-poloje Lubba ooje tarjeenn le a, dɔde ayn mba njê-kaw-kulaje le ngaâ n̂-paje nan: «Ddi bba dda nɛ̂n wa?»

Kulaje 5:25

A marə dəw ddee pa arəde nan: «Dəwje kə̂ ungujede kəy-kula tə̂ le arje mə kəy-polo Lubba tə̂ aw tɔjuje nɛ̂n dəwje.»