Kulaje 28:8 - Dɔnɔn kə̂ Siki: Tar kə̂ aw arə təbbə

⁸ Bɔ Pubiliyusje le to tuwa rɔ-to tə̂. Rɔɛ̂ tunga nya ddəm n̂-ndəngə məsə ddəm. Pɔl aw ooe, duju Lubba dɔɛ̂ tə̂, ila jia dɔɛ̂ tə̂ ngaâ naji.

Maketuru le Lubba ke tar kabba

⁸ Bɔ Pubiliyusuje le to tuwa rɔ-tɔ te. Rɔe tunga nya ddem n̂-ndenge mese ddem. Pɔl aw ooe, duju Lubba dɔe te, ila jia dɔe te ngaa naji.

Kulaje 28:8 ပူးပေါင်းရင်းမြစ်များ

Matiye 10:1

Jeju bbar njê-njaje goe tə̂ dɔku gire joo ngaâ narəde singa tubba nɛ̂n ndilje kə̂ maji ang, karə daji nɛ̂n njê-rɔ-toje tɔyn, karə daji nɛ̂n dəwje kə̂ dəbbə rɔde oy darə rɔde ddee maji.

Matiye 10:8

Ajije njê-rɔ-toje, ə-ndolje dəwje kə̂ oyje, ajije njê-banjije arəje rɔde ddee maji, ə-tubbaje ndilje kə̂ maji ang. Lubba arəse nɛ̂n le baa, yeenn a, maji karə arəje dəwje baa tɔ.

Matiye 12:13

Yeenn ngaâ Jeju pa arə dingaw le nan: «Ə-ndɔju jii.» N̂-ndɔju jia le ngaâ jia le təl ddee maji tokə ye kə̂ kâra.

Matiye 9:18

Kar tə̂ kə̂ Jeju aw pa tar arəde tokə baann a, marə tɔkə dəw lə Jiipije ddee tee. Nɔsu məkəjə-gɔlɛ̂ nɔn Jeju tə̂ le ngaâ n̂-pa nan: «Ngonnəm kə̂ dɛnɛ̂n oy bbasinɛn bbay nəənn. Aw ila jii dɔɛ̂ tə̂ arə n̂-ndol.»

Marke 16:18

Dâ kuwaje lije kə jide. Bbo dayje marə nɛ̂n kə̂ aw tɔl dəw a, nɛ̂n kâra a ddade ang. Dilaje jide dɔ njê-rɔ-toje tə̂ a, njê-rɔ-toje le a kajije.»

Marke 5:23

n̂-dda rɔɛ̂ to ndoo n̂-pa nan: «Ngonnəm kə̂ dɛnɛ̂n a ta koy. Ə-ddee ila jii dɔɛ̂ tə̂ arə naji ta n̂-nayn kəm baa.»

Marke 6:5

Jeju asə ta dda nɛ̂n-mɔri kâra lo tə̂ənn ang. Bbayɛ̂ njaa to marə njê-rɔ-toje kə̂ nila jia dɔde tə̂ narə dajije.

Marke 7:32

Dəwje ddeeje kə marə dəw kə̂ mbia utu kə̂ pa tar pin rɔɛ̂ tə̂. N̂-ddaje rɔde to ndoo rɔ Jeju tə̂ karə ila jia dɔɛ̂ tə̂.

Luku 13:13

Nila jia dɔɛ̂ tə̂, a kar tə̂ənn njaa, dɛnɛ̂n le ndɔju rɔɛ̂ kə majɛ̂ ngaâ ɔsu gaji Lubba.

Luku 4:40

Kar andə ngaâ dəwje tɔyn kə̂ njê-rɔ-toje dang dang toje mə kəy tə̂ ləde awje kə de rɔ Jeju tə̂. Nungu jia joo kəm dɔde tə̂ kâra kâra ngaâ dajije.

Kulaje 28:7

Ngɔsi baa lo tə̂ənn, lo lə marə tɔkə dəw kə̂ dɔ dərə-ba tə̂ le kə̂ ria nan Pubiliyus ee tə̂ənn. Nuwaje kə rɔɛ̂ tə̂ kə majɛ̂ ngaâ n-to rɔɛ̂ tə̂ ndɔ mota.

Kulaje 28:9

Goe tə̂ a, marə njê-bbeje kə̂ Maltə kə̂ rɔde tode ddee ooeje ngaâ najide tɔ.

Kulaje 9:40

Piyɛr arə dəwje tɔyn teeje ddaka ngaâ ungu məkəjə-gɔlɛ̂ nangə̂ duju Lubba. Goe tə̂ a, n̂-turu rɔɛ̂ kə rɔ niinn tə̂ le ngaâ n̂-pa nan: «Tabita, in taar.» Tabita le təəyn kəmɛ̂. Noo Piyɛr le a, nin nisi taar.

1 Kɔrɛntinyɛje 12:28

Mba yeenn bba, mə Egilisi tə̂, Lubba unda Njê-kaw-kulaje to dəwje kə̂ dɔngɔr. Njê-kilaje mbər tar lə Lubba toje to joo ləde. Njê-nɛ̂n-tɔjuje toje to mota ləde. A goe tə̂ to njê-ddaje nɛ̂n-mɔri, goe tə̂ a narə gusu kaji njê-rɔ-toje, gusu kuman dəwje, gusu kɔn dɔ dəwje kə gusu pa ndɔn-tarje dang dang.

1 Kɔrɛntinyɛje 12:9

Ndil kə̂ kâra baa le njaa arə marə dəw mə-kunn ngaâ arə marə dəw dang gusu kaji nɛ̂n njê-rɔ-toje.