Kulaje 28:31 - Dɔnɔn kə̂ Siki: Tar kə̂ aw arə təbbə

³¹ Nila mbər kɔn-mbay lə Lubba ngaâ n̂-tɔju nɛ̂n dɔ Əbbə-dəwje Jeju-Kristə tə̂ kə bbəəl ang. Marə dəw ɔkɛ̂ ddəw ang.

Maketuru le Lubba ke tar kabba

³¹ N̂-tɔju tar kɔn̂-bbe le Lubba ngaa n̂-tɔju ne dɔ Ebbe-dewje Jeju Kiriste te ke bbeel ang. Mare dew ɔke ddew ang.

Kulaje 28:31 ပူးပေါင်းရင်းမြစ်များ

Matiye 4:23

Jeju nja nangə tə̂ kə̂ Galile tɔyn. Naw tɔju nɛ̂n dəwje mə kəy mbɔn-naanje tə̂ lə Jiipije kə̂ nangə tə̂ənn ngaâ nila mbər Tar kə̂ Maji kə̂ dɔ Bbe-kɔn tə̂ lə Lubba. Naji njê-rɔ-toje tɔyn ngaâ naji njê kə̂ dəbbə rɔde tuju narə rɔde le təl ddee maji.

Marke 1:14

Go kila tə̂ kə̂ dila Jan kəy-kula tə̂ a, Jeju aw Galile aw ila mbər Tar kə̂ Maji lə Lubba.

Luku 8:1

Goe tə̂ a, Jeju nja tɔkə bbeje tə̂ kə ngann bbeje tə̂, aw pa tar lə Lubba ngaâ aw ila mbər Tar kə̂ Maji dɔ kɔn-mbay tə̂ lə Lubba. Njê-kaw-kulaje laa kə̂ dɔku gire joo awje saa ddəm

Kulaje 1:3

Go yo tə̂ laa a, n̂-tɔju rɔɛ̂ narəde ngaâ n̂-dda nɛ̂nje dang dang ta tɔjude to nisi kəm baa. N̂-dda tokə baann ndɔ dɔsɔ ngaâ n̂-pa tar dɔ kɔn-mbay tə̂ lə Lubba narəde.

Kulaje 20:25

«M-nja horose tə̂ tɔyn mila mbər tar kɔn-mbay lə Lubba. A bbasinɛn nəənn m-gərə to â təlje kooje kəm ang ngaa.

Kulaje 23:11

Lo ndul a, Əbbə-dəwje tee inga Pɔl ngaâ pa arɛ̂ nan: «Uwa arə ngəng, ə-pa tar-naji ləm Jerujalɛm mban, a maji karə ə-dda tokə baann Rɔm tɔ.»

Kulaje 28:23

Dɔjuje ndɔ darə Pɔl ngaâ ndɔ le asə a, n̂-ddeeje tokə banya dingɛ̂je lo-toe tə̂. Pɔl pa tar arəde kə əndɔɔ ndərəng lo-kul. N̂-pa tar kɔn-mbay lə Lubba narəde. Nunn tar Ndu lə Mɔyijə kə tar lə njê-kilaje mbər tar lə Lubba n̂-pa nɛ̂n tar lə Jeju karə n̂-ndikije tə̂.

Kulaje 28:30

Pɔl dda bbal joo tɔyn njaa kəy tə̂ kə̂ nuka kə narɛ laa njaa. Naw taa dəwje tɔyn kə̂ ddeeje aw ooeje kə rɔɛ̂ tə̂.

Kulaje 4:29

Bbasinɛn nəənn, Əbbəjeje, maji karə oo singa kə̂ daw dda kə je bbo arəje singa, jee bbərə-kulaje ləi, arə n-pa tar ləi kə bbəəl ang.

Kulaje 4:31

N̂-dujuje Lubba n̂-tungaje a, nangə yəkə lo tə̂ kə̂ n̂-mbɔnje naan tə̂ le. Ndil-mə-nda ddusude ngaâ dunnje kutu pa tar lə Lubba kə bbəəl ang.

Kulaje 5:42

Kə ndɔ tɔyn, mə kəy-polo Lubba tə̂ wase mə kəyje tə̂ kara, dinyaje ddəw tɔju nɛ̂n ang ddəm dinyaje kila mbər Tar kə̂ Maji lə Jeju kə̂ to Kristə le ang ddəm.

Kulaje 8:12

A dəwje tɔyn, dingawje kə dɛnɛ̂nje kə̂ ooje məde tə̂ kə Tar kə̂ Maji kə̂ Pilipi tɔju dɔ Bbe-kɔn tə̂ lə Lubba ddəm dɔ tar tə̂ lə Jeju-Kristə ddəm ingaje batɛm.

Pilipinyɛje 1:14

Ngakɔnjeje nya kə̂ oomje kəy-kula tə̂ ingaje singa nya ddəw tə̂ lə Əbbə-dəwje ta kila mbər tar lə Lubba kə bbəəl ang.

2 Timɔte 2:9

Tar kə̂ Maji le â moo ndoo mbɛɛ̂ ndərəng n̂-tɔm dilam kəy-kula tə̂ tokə lə nje-nɛ̂n-dda kə̂ maji ang. A tar lə Lubba â n̂-tɔ ang.

2 Timɔte 4:17

A Əbbə-dəwje njaa umanʼm ngaâ arəm singa, mba karə mila mbər tar laa nya marə dəwje ngaâ ta karə dəwje kə̂ toje to Jiipije ang kara tar laa oso mbide tə̂ tɔ ngaâ nɔrum ta ənam tə̂.