Kulaje 28:20 - Dɔnɔn kə̂ Siki: Tar kə̂ aw arə təbbə

²⁰ Tar nəənn njaa m-duju ta koose mbɛɛ̂, ta tɔn kə se tam. Mâ kərəse ang, n̂-tɔm kə kula njamjije nəənn ɔju dɔ tar nɛ̂n kə̂ dəwje kə̂ Ijarayɛl undaje məde dɔɛ̂ tə̂.»

Maketuru le Lubba ke tar kabba

²⁰ Wɔju dɔ tar neenn njaa m-duju ta koose, ta tɔn ke se tam. Ma kerese ang, n̂-tɔm ke kula njamjije neenn wɔju dɔ tar ne ke dewje ke Ijarayel undaje mede dɔe te.»

Kulaje 28:20 ပူးပေါင်းရင်းမြစ်များ

Kulaje 10:29

Mba yeenn bba ula ə-bbarəm a, m-ddee bbo məjə tar kâra ang. M-ndiki ta gərə gəl nɛ̂n kə̂ ə-bbarəm mbɛɛ̂ le.»

Kulaje 10:33

Kar tə̂ənn njaa mula mari, a ə-ndiki tə̂ â ə-ddee nəənn. Bbasinɛn, jeje tɔyn jee nɔn Lubba tə̂ ta koo tar kə̂ Əbbə-dəwje unda tai tə̂ karə ə-pa arəje.»

Kulaje 21:33

Yeenn ngaâ, mbay lə mbambaje le ddee ngɔsi kə Pɔl le. Nunn ndu karə duwɛ̂ n̂-tɔɛ̂ kə kula njamji joo. Goe tə̂ a, n̂-duju nan n̂-to nân wa? Ddi â n̂-dda wa?

Kulaje 23:6

Pɔl gərə to dəwje kə̂ aw uwaje dɔ naan mba gangə sariya le marɛ̂je toje to Sadusinyɛje, a marɛ̂ toje to Parijinyɛje. Yeenn bba n̂-pa tar kə taar horo njê-gangəje sariya tə̂ le nan: «Ngakɔnʼmje, m-to Parijinyɛ, m-to ngonn lə marə Parijinyɛ. Gəl nɛ̂n kə̂ daw ta gangə nɛ̂n sariya dɔm tə̂ nəənn, to məm kə̂ munda to dəwje kə̂ oyje a ndolje.»

Kulaje 24:15

Munda məm dɔ Lubba tə̂ to dəwje kə̂ gatə gatə ddəm njê kə̂ gatə gatə ang ddəm kə̂ oyje a ndolje. Dede kara dunda məde tokə baann tɔ.

Kulaje 26:29

Pɔl pa arɛ̂ nan: «Kə̂ bbasinɛn nəənn wase marə ndɔ tə̂ kâra, mâ duju Lubba karə əi ddəm see dəwje tɔyn kə̂ aw ooje tar ləm bbokənɛn nəənn ddəm ə-ddeeje tokə əman. A m-ndiki ta karə n̂-tɔse kə kula njamji tokə əman nəənn ang.»

Kulaje 28:17

Ndɔ mota goe tə̂ a, Pɔl bbar tɔkə dəwje lə Jiipije kə̂ isije Rɔm ta-kəy tə̂ laa. N̂-mbɔnje naan a, n̂-pa narəde nan: «Ngakɔnʼmje, m-dda marə nɛ̂n kə̂ maji ang kə dəwje ləje ang ddəm m-mbətə nɛ̂n-ji-bbe lə kajeje ang ddəm. A duwam Jerujalɛm ngaâ dinyam mə ji dəwje tə̂ kə̂ Rɔm.

Epɛjinyɛje 3:1

Mba yeenn bba, əman Pɔl, dilam kəy-kula tə̂ mba tar lə Jeju-Kristə kə̂ maw mila mbəre marəse, see dəwje kə̂ ə-toje to Jiipije ang.

Epɛjinyɛje 4:1

Yeenn bba, əman kə̂ dilam kəy-kula tə̂ mba Əbbə-dəwje, m-dujuse nya karə pa-nja ləse to pa-nja lə dəwje kə̂ Lubba bbarde njaa.

Epɛjinyɛje 6:20

Kar tə̂ kə̂ mee nɛ̂n kəy-kula tə̂ nəənn kâra, m-to dəw kə̂ aw dda kula kə ri Kristə ta kila mbər Tar kə̂ Maji. Yeenn a, ə-dujuje Lubba karə mila mbər tar le kə bbəəl ang ddəm kə dɔgɔlɛ̂ ddəm.

Pilipinyɛje 1:13

Mba dəwje tɔyn kə̂ aw ddaje kula kə̂y mbay tə̂ wase dəwje tɔyn kə lo lo gərəje to dilam kəy-kula tə̂ ɔju dɔ tar lə Kristə.

Kolosinyɛje 4:18

M-ddase lapiya, əman Pɔl njaa muja lapiya nəənn makəturu tə̂ kə jim. Maji karə oleje məse to m-nayn kəy-kula tə̂ bbay. Mə-maji lə Lubba nayn kə se.

2 Timɔte 1:10

N̂-tɔju mə-maji laa le bbasinɛn ddəw tə̂ lə Nje-kajije Jeju-Kristə kə̂ ddee. Jeju njaa guru singa yo ngaâ tɔju təbbə kə̂ to kə ndɔ kə ndɔ kə ddaka ddəw Tar kə̂ Maji tə̂.

2 Timɔte 2:9

Tar kə̂ Maji le â moo ndoo mbɛɛ̂ ndərəng n̂-tɔm dilam kəy-kula tə̂ tokə lə nje-nɛ̂n-dda kə̂ maji ang. A tar lə Lubba â n̂-tɔ ang.

Pilemɔn 1:10

M-wali nya mba Onejim. N̂-ddee to ngonnəm mə kəy-kula tə̂ nəənn.

Pilemɔn 1:13

M-ndiki nya ta ngəmɛ̂ rɔm tə̂ be karə n̂-dda kula narəm turi tə̂ mə kəy-kula tə̂ nəənn kə̂ m-to tə̂ mba Tar kə̂ Maji le.