Kulaje 27:35 - Dɔnɔn kə̂ Siki: Tar kə̂ aw arə təbbə

³⁵ Go tarje tə̂ənn a, nunn mapa, narə wooyo Lubba kəm dəwje tə̂ tɔyn, n̂-tətə ngaâ nunn kutu kusa.

Maketuru le Lubba ke tar kabba

³⁵ Go tarje teenn a, nunn mapa, nare wooyo Lubba kem dewje te tɔyn, n̂-tete ngaa nunn kutu kusa.

Kulaje 27:35 ပူးပေါင်းရင်းမြစ်များ

Matiye 14:19

Goe tə̂ a, narə dəwje kə̂ banya le isije dɔ muje tə̂, a n̂-taa mapa kə̂ min kə kanjije kə̂ joo le, nunn kəmɛ̂ kə darâ ngaâ narə wooyo Lubba. Goe tə̂ a, n̂-tətə mapa kə̂ min le narə njê-njaje goe tə̂ narə n̂-kaynje dəwje kə̂ banya le.

Matiye 15:36

N̂-jin mapa kə̂ siri kə kanjije le, narə wooyo Lubba ngaâ n̂-tətə narə njê-njaje goe tə̂ ngaâ njê-njaje goe tə̂ arəje dəwje kə̂ banya le.

Marke 8:6

Yeenn ngaâ n̂-duju dəwje kə̂ banya le karə disije nangə̂. Goe tə̂ a, n̂-jin mapaje kə̂ siri le, narə wooyo Lubba ngaâ n̂-tətə narə njê-njaje goe tə̂ karə n̂-kaynje ngaâ n̂-kaynje dəwje kə̂ banya le.

Luku 24:30

Nisi ta nɛ̂n-kusa tə̂ kə̂ de a, nunn mapa, narə wooyo Lubba ngaâ goe tə̂ a, n̂-tətə dannâ n̂-kaynde.

Tar kə̂ Maji kə̂ Jan dda makəturu tə̂ 6:11

Jeju taa mapa le ngaâ arə wooyo Lubba. Goe tə̂ a, n̂-kayn dəwje kə̂ eeje tə̂ənn le. N̂-dda tokə baann kə kanjije le tɔ. Narəde tokə məde ndiki.

Tar kə̂ Maji kə̂ Jan dda makəturu tə̂ 6:23

A marə tɔkə toje inje Tiberiyadə ddee teeje ngɔsi kə lo kə̂ Əbbə-dəwje arə wooyo Lubba tə̂ ngaâ kaynde mapa arə dusaje tə̂ le.

Rɔmɛnje 1:16

Rɔ-kul kila mbər Tar kə̂ Maji le ddam ang. Mba to singa-mɔngu lə Lubba kə̂ aw aji nɛ̂n dəwje tɔyn kə̂ ooje məde tə̂, Jiipije dɔngɔr, goe tə̂ a, Gɛrɛkəje.

Rɔmɛnje 14:6

Dəw kə̂ əjə to ndɔje asəje naan ang, əjə baann mba wal nɛ̂n Əbbə-dəwje. Dəw kə̂ usa nɛ̂n tɔyn, usa mba wal nɛ̂n Əbbə-dəwje, mba narə wooyo Lubba mba nɛ̂n-kusa le. A dəw kə̂ usa nɛ̂n tɔyn ang, usa ang mba wal nɛ̂n Əbbə-dəwje ngaâ ne kara narə wooyo Lubba tɔ.

2 Timɔte 1:12

Gəle kə̂ nəənn le bba maw moo nɛ̂n ndoo. A rɔ-kule ddam ang, mba m-gərə dəw kə̂ munn məm marɛ̂ le kə majɛ̂ ngaâ m-gərə kə majɛ̂ to nee kə singa ta ngəm nɛ̂n kə̂ ninya mə jim tə̂ ndərəng ddutu ndɔ tə̂.

2 Timɔte 1:8

Yeenn bba, maji karə ə-dda rɔ-kul ta pa tar-naji lə Əbbə-dəwje karə dəwje ang ddəm ə-dda rɔ-kul ləm, əman kə̂ dilam kəy-kula tə̂ mbɛɛ̂ le ang ddəm. A maji karə oo səm ndoo mba Tar kə̂ Maji ddəw singa tə̂ kə̂ Lubba arəje.

1 Piyɛr 4:16

A bbo dəw oo ndoo mba ddee kə̂ n̂-ddee to dəw lə Kristə a, narə rɔ-kul ddɛɛ̂ ang. Maji karə nɔsu gaji Lubba mba ri Kristə kə̂ to dɔɛ̂ tə̂ le.