Kulaje 27:1 - Dɔnɔn kə̂ Siki: Tar kə̂ aw arə təbbə

¹ Dunn ndu karə junn tɔkə to jaw Itali a, jinya Pɔl kə marə dəwje kə̂ duwade mə ji mbay tə̂ lə mbambaje kə̂ Rɔm kə̂ ria nan Juliyus. Dunda ri mbambaje le nan «mbambaje le tɔkə mbay.»

Maketuru le Lubba ke tar kabba

¹ Toke dunn ndu kare junn tɔku to jaw Itali a, dinya Pɔl, ke mare dewje ke duwade me ji tɔku-mbay te le mbambaje ke Rɔm ke ria na Juliyusu. Dunda ri mbambaje le na « mbambaje le tɔku mbayje.»

Kulaje 27:1 ပူးပေါင်းရင်းမြစ်များ

Matiye 27:54

Nje-kɔn dɔ mbambaje kə̂ Rɔm kə mbambaje kə̂ daw ngəmje Jeju le dooje nangə kə̂ aw yəkə kə nɛ̂nje kə̂ toje le a, bbəəl uta dɔde nya ngaâ n̂-paje nan: «Dəw nəənn to Ngonn lə Lubba njaa.»

Luku 23:47

Nje-kɔn dɔ mbambaje oo nɛ̂njeenn le a, ɔsu gaji Lubba pa nan: «Tɔkɔrɔ njaa dəw nəənn to gatə gatə.»

Luku 7:2

Marə baw-ddɔ lə Rɔmɛnje ee kə nje-kula laa kə̂ n̂-ndike nya. Rɔ nje-kula laa le toe ngaâ nayn ngɔsi ta koy.

Kulaje 10:1

Marə dingaw ee bbe tə̂ kə̂ Sejare, ria nan Kɔrnɛy, n̂-to nje-kɔn dɔ mbambaje kə̂ dunda ri mbɔn-naan ləde nan «mbɔn-naan kə̂ Itali».

Kulaje 10:22

Dilaje tə̂ nan: «Kɔrnɛy kə̂ to nje-kɔn dɔ mbambaje â ulaje. N̂-to dəw kə̂ gatə gatə ngaâ naw bbəəl Lubba. Jiipije tɔyn aw paje tar laa maji. Anjə lə Lubba pa arɛ̂ karə n̂-bbari mə kəy tə̂ laa, karə noo tar kə̂ a ta pa karɛ̂.»

Kulaje 16:10

Go nɛ̂n tə̂ kə̂ Pɔl oo le a, kar tə̂ənn njaa n-sangə ddəw ta kaw Maseduwann le, mba n̂-gərə to Lubba bbarje karə jaw pa Tar kə̂ Maji Maseduwann le.

Kulaje 18:2

Ninga marə Jiipi kə̂ ria nan Akilas lo tə̂ənn. Duje nangə tə̂ kə̂ Pɔn. Akilas de kə dɛnɛ̂n laa Pirisil dinje Itali bba n̂-ddeeje, mba tɔkə mbay Kolodə unn ndu karə Jiipije tɔyn ɔtuje Rɔm kə ddang. Pɔl aw rɔ Akilas de kə Pirisil tə̂ le.

Kulaje 19:21

Go nɛ̂nje tə̂ənn, Pɔl unn ndu ddəw tə̂ lə Ndil-mə-nda ta kaw Jerujalɛm kə ddəw kə̂ Maseduwann kə Akay. N̂-pa nan: «Bbo m-tee nunn a, maji karə m-tee Rɔm tɔ.»

Kulaje 21:32

Njangə njangə njaa n̂-bbar mbayje lə mbambaje kə mbambaje karə dawje rɔ dəwje tə̂ kə̂ banya le. Dulaje kəmde dooje mbayje lə mbambaje kə mbambaje le a, dəwje rɔde kunda Pɔl le.

Kulaje 22:26

Baw-ddɔ lə mbambaje le oo tar nəənn le a, ɔtu aw pa arə mbay lə mbambaje nan: «Ddi â ta dda wa? Dingaw le to ngonn nje-bbe kə̂ Rɔm.»

Kulaje 23:11

Lo ndul a, Əbbə-dəwje tee inga Pɔl ngaâ pa arɛ̂ nan: «Uwa arə ngəng, ə-pa tar-naji ləm Jerujalɛm mban, a maji karə ə-dda tokə baann Rɔm tɔ.»

Kulaje 23:17

Pɔl bbar marə mbay lə mbambaje pa arɛ̂ nan «Aw kə ngonn basan nəənn nɔn mbay lə mbambaje tə̂, mba nee kə marə tar ta pa karɛ̂.»

Kulaje 24:23

Nunn ndu narə mbay lə mbambaje karə n̂-ngəm Pɔl kəy-kula tə̂, a ta ninya ddəw narə n̂-dda marə nɛ̂nje kə̂ məɛ̂ ndiki ddəm ninya ddəw narə njê kə̂ laa ddee umɛ̂nje ddəm.

Kulaje 25:12

Pestus pa tar kə njê-karɛ̂je ndəjə ngaâ pa arə Pɔl nan: «Ə-ndiki ta kaw kə tar le nɔn tɔkə mbay tə̂ kə̂ Rɔm mban, â kaw nɔɛ̂n tə̂.»

Kulaje 25:25

Əman, moo marə nɛ̂n kə̂ n̂-dda kə̂ asə yo ang. A ne njaa n̂-duju ta koo tɔkə mbay kə̂ Rɔm. Yeenn bba, moo maji ta kulɛ̂ nɔn tɔkə mbay tə̂ kə̂ Rɔm le.

Kulaje 27:11

A mbay lə mbambaje le tar lə nje-yəl tɔkə to le kə tar lə nje-tɔkə to le â ndiki ta koo uta tarje lə Pɔl.

Kulaje 27:43

A mbay lə mbambaje le ndiki ta kaji Pɔl arə nɔkude ddəw karə n̂-ddaje nɛ̂n tokə baann. Narə ddəw dəwje kə̂ gərəje ta kalɛ maann karə gaynje maânn dɔngɔr ta alɛje teeje ddaka.

Kulaje 27:6

Lo tə̂ənn, mbay lə mbambaje le oo marə tɔkə to kə̂ Alɛkəjandiri kə̂ aw kə Itali ngaâ arəje jaal.

Kulaje 28:1

Go yo tə̂ kə̂ n-tee tɛɛ̂ tə̂ bba n̂-pa darəje nan ri dɔ dərə-ba le to Maltə.

Kulaje 28:16

N-tee Rɔm a, darə ddəw Pɔl karə uwa kəy laa dang. Dunn marə mbamba kâra karə ngəmɛ̂.

Ebərəje 13:24

Ə-ddaje lapiya njê kə̂ aw tɔjuse ddəw kə dəwje lə Lubba tɔyn. Ngakɔnje kə̂ Itali ddase lapiya.