Kulaje 26:24 - Dɔnɔn kə̂ Siki: Tar kə̂ aw arə təbbə

²⁴ Pɔl nayn aw ɔru naji laa baann a, Pestus uru əkii nan: «Pɔl, ə-to nje-wooy! Nɛ̂nje kə̂ ə-ndo nya le ilai wooy tə̂!»

Maketuru le Lubba ke tar kabba

²⁴ Pɔl nayn aw ɔru naji laa baann a, Pesutusu uru ekii na: «Pɔl, e-to nje-wooy! Neje ke e-ndo nya le ilai wooy te!»

Kulaje 26:24 ပူးပေါင်းရင်းမြစ်များ

Marke 3:21

Njê-nujuje laa ooje tarɛ̂ ngaâ ddeeje ta kuwɛ̂ kaw saa mba n̂-paje nan: «Dɔ Jeju turu.»

Tar kə̂ Maji kə̂ Jan dda makəturu tə̂ 7:15

Nɛ̂n-tɔju laa le dum dɔ njê-kɔnje dɔ Jiipije ngaâ paje nan: «Dəw nəənn ndo makəturu ang, a n̂-gərə nɛ̂nje nəənn nya be tokə baânn wa?»

Tar kə̂ Maji kə̂ Jan dda makəturu tə̂ 8:48

Jiipije ilaje Jeju tə̂ nan: «Tar kə̂ n-pa nan ə-to dəw kə̂ Samari ngaâ ndil kə̂ maji ang to məi tə̂ le to kə dɔgɔlɛ̂ njaa.»

Tar kə̂ Maji kə̂ Jan dda makəturu tə̂ 8:52

Jiipije paje arəje Jeju nan: «Bbasinɛn n-gərə ngaa, ndil kə̂ maji ang to məi tə̂. Abaraham oy, njê-kilaje mbər tar lə Lubba oyje tɔ, a əi ə-pa nan: ‹Bbo dəw ngəm tar ləm a, nâ koy ndɔ kâra ang wa?›

Kulaje 17:32

Dooje tar ndol lə dəwje kə̂ oyje kə̂ Pɔl pa le a, marɛ̂je kokoje nɛ̂n. A marɛ̂je paje nan: «Marə ndɔ bba ja təl koo tar ləi dɔ tar tə̂ nəənn bbay.»

Kulaje 22:1

«Ngakɔnʼmje, bɔydede, ooje naji ləm kə̂ mâ ta kɔru karəse nəənn.»

Kulaje 24:25

Kar tə̂ kə̂ Pɔl aw pa tar kula-dda kə̂ to gatə gatə, tar tɔ-bbo kə̂ da-rɔ tə̂ kə tar sariya kə̂ aw ddee a, Peliksə le bbəəl ngaâ pa nan: «Asə baann, ɔtu ngaa. Marə ndɔ bba mâ bbari.»

Kulaje 24:27

Bbal joo nday a, Pɔrsiyus Pestus ɔn mbay turu Peliksə tə̂. A Peliksə le ndiki ta nəəl kəm Jiipije tə̂ arə narə Pɔl nayn kəy-kula tə̂.

Kulaje 26:11

Maw mandə kəy mbɔn-naan tə̂ tɔyn kə ndɔ ndɔ maw mula kəmde ndoo tə̂. Maw muwade kə singa marə n̂-tajije ri Jeju. Bbo wungu ɔnʼm nya a, m-ndole gode ndərəng dɔ bbe tə̂ kə̂ dang.»

1 Kɔrɛntinyɛje 1:23

A jeje, jaw jila mbər tar lə Kristə kə̂ n̂-tɔlɛ̂ kakə-dəsə tə̂. Jiipije ooje tar le to tar-kɔbbu, a Gɛrɛkəje ooje to tar mbə.

1 Kɔrɛntinyɛje 4:10

Jeje n-to mbəje ɔju dɔ Kristə, a sese ə-toje to njê-kəm-karɛje ddəw tə̂ lə Kristə. Jeje, jubba singa ang, a sese ubbaje singa. Dəwje aw ɔsuje gajise, a jeje dooje to nɛ̂n ang.

2 Kɔrɛntinyɛje 5:13

Bbo n-to tokə dəwje kə̂ dɔde goto a, n-to tokə baann mba Lubba. Â bbo n-to tokə dəwje kə̂ dɔde to tə̂ a, n-to tokə baann mbase.

2 Timɔte 3:15

Kar tə̂ kə̂ ə-nayn ngonn bbay njaa ə-gərə Makəturu kə̂ maji tɔyn. Makəturu le ee kə singa mba tɔji kəm-karɛ. Kəm-karɛ le a kaw səi karə inga kaji kə̂ Jeju-Kristə aw arə dəwje kə̂ unnje məde arɛ̂je.