Kulaje 25:25 - Dɔnɔn kə̂ Siki: Tar kə̂ aw arə təbbə

²⁵ Əman, moo marə nɛ̂n kə̂ n̂-dda kə̂ asə yo ang. A ne njaa n̂-duju ta koo tɔkə mbay kə̂ Rɔm. Yeenn bba, moo maji ta kulɛ̂ nɔn tɔkə mbay tə̂ kə̂ Rɔm le.

Maketuru le Lubba ke tar kabba

²⁵ Ema, moo mare ne ke n̂-dda ke a ase yo ang. A ne njaa n̂-duju ta koo tɔku mbayje ke Rɔm. Yeenn a, munn ndu ta kulae nɔ tɔku mbayje te ke Rɔm.

Kulaje 25:25 ပူးပေါင်းရင်းမြစ်များ

Luku 23:14

n̂-pa narəde nan: «Ə-ddeeje kə dingaw nəənn kete arəmje ngaâ ə-paje nan: ‹Naw nɔsu kutu dəwje narə dda dɔ-ngəng.› Ooje, m-duje tar kəmse tə̂. A minga marə majang kâra kə̂ n̂-dda bba undaje nɛ̂n tar dɔɛ̂ tə̂ le ang.

Luku 23:4

Pilatə pa arə mbayje lə njê-poloje Lubba kə dəwje kə̂ banya le nan: «Minga marə nɛ̂n kə̂ asə karə munda nɛ̂n tar dɔ dingaw tə̂ nəənn kâra ang.»

Tar kə̂ Maji kə̂ Jan dda makəturu tə̂ 18:38

Pilatə duje nan: «Tar kə̂ tɔkɔrɔ â to ddi wa?» Go tarje tə̂ənn a, Pilatə təl aw inga Jiipije ddaka ngaâ pa arəde nan: «Moo marə nɛ̂n kâra ta gangə nɛ̂n sariya dɔ dingaw tə̂ nəənn ang.

Kulaje 23:29

Moo a, dunda tar dɔɛ̂ tə̂ mba mayn naan tar dɔ nduje tə̂ ləde. A minga tar kə̂ asə karə n̂-tɔlɛ̂ nɛ̂n wase dilɛ̂ nɛ̂n kəy-kula tə̂ ang.

Kulaje 23:9

Tɔkə bula in horode tə̂. Marə njê-gərəje-Ndu kə̂ toje to Parijinyɛje inje taar ngaâ paje tar kə singa nan: «Joo marə nɛ̂n kâra kə̂ asə karə jundaje nɛ̂n tar dɔ dingaw tə̂ nəənn ang. To marə ndil wase marə anjə â pa saa tar a, n-gərə wa?»

Kulaje 25:26

A minga marə nɛ̂n kâra kə̂ mâ dda dɔɛ̂ tə̂ makəturu tə̂ kula nɛ̂n karə tɔkə mbay kə̂ Rɔm le ang. Mba yeenn bba m-ddee saa nɔnse tə̂ tɔyn, uta tɔyn, nɔn əi tɔkə mbay Agiripa tə̂ ta kisa mə tar laa le. Goe tə̂ a, mâ gərə nɛ̂n kə̂ mâ dda makəturu tə̂ karə tɔkə mbay kə̂ Rɔm le.

Kulaje 26:31

Dɔruje rɔde kə guku ngaâ n̂-paje tar horode tə̂ nan: «Dingaw nəənn dda marə nɛ̂n kə̂ asə yo wase marə nɛ̂n kə̂ asə kilɛ̂ nɛ̂n kəy-kula tə̂ kâra ang.»

Kulaje 27:1

Dunn ndu karə junn tɔkə to jaw Itali a, jinya Pɔl kə marə dəwje kə̂ duwade mə ji mbay tə̂ lə mbambaje kə̂ Rɔm kə̂ ria nan Juliyus. Dunda ri mbambaje le nan «mbambaje le tɔkə mbay.»

Kulaje 28:18

Go tar tə̂ kə̂ njê kə̂ Rɔm dujumje ooje tɔyn a, n̂-ndikije ta kinyam mba dooje marə tar dɔm tə̂ kə̂ a kasə karə n̂-tɔləmje nɛ̂n ang.