Kulaje 24:14 - Dɔnɔn kə̂ Siki: Tar kə̂ aw arə təbbə

¹⁴ Nɛ̂n kə̂ m-gərə goe â nəənn: Maw polo Lubba lə kajeje kə ‹ddəw› kə̂ siki. Əman le m-ndiki tə̂ kə nɛ̂n tɔyn kə̂ n̂-dda Makəturu-Ndu tə̂ kə nɛ̂n tɔyn kə̂ njê-kilaje mbər tar lə Lubba paje njaa. A dede n̂-paje nan to ‹ddəw› kə̂ to kə dɔgɔlɛ̂ ang.

Maketuru le Lubba ke tar kabba

¹⁴ Ne ke m-gere goe a neenn: Maw m-polo Lubba le kajeje ke ddew ke siki. A dede n̂-paje na to ddew ke maji ang. Ne tɔyn ke n̂-dda maketuru ndu te le nje-kilaje mber-tar le Lubba, m-ndiki te.

Kulaje 24:14 ပူးပေါင်းရင်းမြစ်များ

Matiye 10:32

«Yeenn a, dəw kə̂ pa kəm dəwje tə̂ nan n̂-to dəw ləm a, əman kara mâ pa nɔn Bɔy tə̂ kə̂ isi darâ nan n̂-to dəw ləm tɔ.

Matiye 22:40

Ndu lə Mɔyijə kə nɛ̂n-tɔjuje lə njê-kilaje mbər tar lə Lubba inje mə nduje tə̂ kə̂ joo nəənn le.

Matiye 7:12

«Nɛ̂n tɔyn kə̂ ə-ndikije karə dəwje ddaje kə se a, maji karə ə-ddaje kə de tɔ. Yeenn â to nɛ̂n kə̂ Ndu lə Mɔyijə kə makəturuje lə njê-kilaje mbər tar lə Lubba ndikije karə dəwje ddaje.»

Luku 1:70

tokə narə njê-kilaje mbər tar laa kə̂ maji tɔyn paje tarɛ̂ ləw baa le,

Luku 16:16

«Ndu lə Mɔyijə kə tar lə njê-kilaje mbər tar lə Lubba tɔju ddəw dəwje ndərəng ndɔ tə̂ lə Jan-Batisi. Unn kute ndɔɛ̂ tə̂ənn kə̂ daw dila mbər Tar kə̂ Maji dɔ Bbe-kɔn tə̂ lə Lubba darə dəwje, nân nân kara aw dda singa mba kandə tə̂.

Luku 16:29

Abaraham ila tə̂ nan: ‹Ndu lə Mɔyijə kə tar lə njê-kilaje mbər tar lə Lubba naynje horode tə̂ bbay. Maji karə dooje tar ləde!›

Luku 24:27

Jeju unn kutu kɔru gəl nɛ̂nje kə̂ Mɔyijə kə njê-kilaje mbər tar lə Lubba tɔyn paje dɔɛ̂ tə̂ makəturuje tə̂ le.

Luku 24:44

Goe tə̂ a, n̂-pa narəde nan: «Nɛ̂n kə̂ m-pa marəse kar tə̂ kə̂ m-nayn kə se le â nəənn. Maji karə tar kə̂ dɔm tə̂ kə̂ mə makəturu-ndu tə̂ lə Mɔyijə kə makəturu tə̂ lə njê-kilaje mbər tar lə Lubba kə makəturu Sɔmje tə̂ ddee to nɛ̂n kə̂ tɔkɔrɔ.»

Tar kə̂ Maji kə̂ Jan dda makəturu tə̂ 1:45

Goe tə̂ a, Pilipi inga Natanayɛl ngaâ pa arɛ̂ nan: «Jinga marə dəw kə̂ Makəturu-Ndu lə Mɔyijə kə lə njê-kilaje mbər tar lə Lubba paje tar laa le. Dəw le to Jeju kə̂ Najarɛtə, n̂-to ngonn lə Jojɛpə.»

Kulaje 10:43

Njê-kilaje mbər tar lə Lubba tɔyn paje tar laa nan: ‹Dəw kə̂ unn məɛ̂ arə Jeju a, Lubba ɔru tar majang laa dɔɛ̂ tə̂ kə ri Jeju le.› »

Kulaje 13:15

N̂-turaje makəturu-ndu kə makəturu lə njê-kilaje mbər tar lə Lubba a, njê-kɔnje dɔ kəy mbɔn-naan lə Jiipije le arə n̂-paje darəde nan: «Ngakɔnjeje, bbo eeje kə marə tar ta pa karə dəwje nəənn karə arəde singa a, ə-paje.»

Kulaje 15:5

Marə Parijinyɛje kə̂ ooje məde tə̂ paje nan: «Maji karə dəwje kə̂ toje to Jiipije ang arə dujade ganja ta n̂-njaje kə turu Ndu lə Mɔyijə.»

Kulaje 19:23

Dɔ ndɔɛ̂ tə̂ənn njaa tɔkə tar oso Epɛjə ɔju dɔ tar «ddəw lə Əbbə-dəwje» le.

Kulaje 19:9

A mə marɛ̂je kətərə ngaâ n̂-ndikije tar tə̂ lə Pɔl le ang. Darje kə kəm dəwje tə̂ kə̂ banya le njaa daw paje tar «ddəw lə Əbbə-dəwje» daw kokoje nɛ̂n. Yeenn bba, Pɔl tusude inyade, a mbɔn kəsə njê-njaje go Əbbə-dəwje tə̂ aw kə de kəy nɛ̂n-ndo tə̂ lə Tiranos aw pa tar arəde kə ndɔ kə ndɔ.

Kulaje 22:14

Ananiyas le pa arəm nan: ‹Lubba lə kajeje bbari undai dang karə ə-gərə nɛ̂n kə̂ məɛ̂ ndiki, karə ta oo Jeju kə̂ to dəw kə̂ gatə gatə, karə ta oo ndue kə mbii.

Kulaje 24:22

Peliksə gərə tar dɔ ddəw tə̂ kə̂ siki kə̂ Əbbə-dəwje tɔju le kə majɛ̂ ngaâ nɔru ndɔ sariya le kə kete. N̂-pa nan: «Ndɔ kə̂ Lisiyas kə̂ to mbay lə mbambaje ddee bba mâ gangə sariya le.»

Kulaje 24:5

Joo a, dingaw nəənn to dəw kə̂ maji ang nya. N̂-dda narə lo yəkə horo Jiipije tə̂ tɔyn kə̂ dɔ nangə tə̂. Ngaâ n̂-to marə mbay dɔ mbɔn-naan tə̂ lə dəwje kə̂ Najarɛtə kə̂ to mbɔn-naan kə̂ maji ang.

Kulaje 25:8

Pɔl ɔru naji laa nan: «M-dda nɛ̂n kə̂ majang kə̂ mbətə ndu lə Jiipije ang ddəm kəy-polo Lubba ang ddəm tɔkə mbay kə̂ Rɔm ang ddəm.»

Kulaje 26:22

A Lubba njaa ngəməm ndərəng bbokənɛn karə mɔru gəle nɔn dəwje tə̂ tɔyn, njê kə̂ tɛn wase njê kə̂ bo kara m-nayn maw pa tar-naji laa bbay. Nɛ̂n kə̂ a ta ddee kə̂ njê-kilaje mbər tar lə Lubba kə Mɔyijə n̂-paje tarɛ̂ le njaa maw pa tarɛ̂. Mila marə nɛ̂n dɔɛ̂ tə̂ ang.

Kulaje 26:27

Tɔkə mbay Agiripa, tar kə̂ njê-kilaje mbər tar lə Lubba paje le ə-ndiki tə̂ wa? M-gərə to ə-ndiki tə̂ njaa.»

Kulaje 26:4

«Jiipije tɔyn gərəje pa-nja ləm kə kasəm baa. N̂-gərəje kisi ləm horo dəwje tə̂ kə̂ bbeê ləm kə kisi ləm Jerujalɛm.

Kulaje 26:6

A bbasinɛn, n̂-səkəmje mba munda məm dɔ ndu Lubba tə̂ kə̂ unn arə kajejedede.

Kulaje 28:22

A jaw duji karə əi njaa ɔru gəl nɛ̂n kə̂ aw əjə arəje, mba n-gərə to loje tə̂ tɔyn, dəwje aw mbətəje kuwa-dɔ-naan kə̂ ee məɛ tə̂ nəənn to mbətə dɔrɔ.»

Kulaje 28:23

Dɔjuje ndɔ darə Pɔl ngaâ ndɔ le asə a, n̂-ddeeje tokə banya dingɛ̂je lo-toe tə̂. Pɔl pa tar arəde kə əndɔɔ ndərəng lo-kul. N̂-pa tar kɔn-mbay lə Lubba narəde. Nunn tar Ndu lə Mɔyijə kə tar lə njê-kilaje mbər tar lə Lubba n̂-pa nɛ̂n tar lə Jeju karə n̂-ndikije tə̂.

Kulaje 3:13

Lubba lə Abaraham, lə Ijakə, lə Jakobbo, Lubba lə kajeje ɔsu gaji Nje-kula laa Jeju kə̂ uwɛ̂je ilɛ̂je ji njê-kɔn-bbeje tə̂ ngaâ ə-mbəteje nɔn Pilatə tə̂ kə̂ oo maji ta kinyɛ̂ le.

Kulaje 5:30

Lubba lə kajeje arə Jeju kə̂ ə-bbəreje dɔ kakə-dəsə tə̂ ə-tɔlɛ̂je le ndol.

Kulaje 7:32

‹M-to Lubba lə kaijedede, Lubba lə Abaraham, lə Ijakə kə lə Jakobbo.› Mɔyijə le isa ngaâ ndiki ta kaa lo kə nɛ̂n tə̂ le ang ngaa.

Kulaje 9:2

naw duju makəturuje ta kaw nɛ̂n karə njê kə̂ kəy mbɔn-naanje tə̂ kə̂ Damas. Makəturu le a karɛ̂ ddəw karə bbo ninga marə dɛnɛ̂nje wase dingawje kə̂ aw unnje «ddəw lə Əbbə-dəwje» a, n̂-tɔde n̂-ddee kə de Jerujalɛm.

Rɔmɛnje 1:9

Lubba gərə to tar kə̂ tɔkɔrɔ njaa maw pa nəənn. Ne Lubba kə̂ maw pole kə kəjə ləm tɔyn ddəw mbər Tar tə̂ kə̂ Maji kə̂ dɔ Ngonnɛ̂ tə̂ kə̂ maw mila. N̂-gərə to kar tɔyn kə̂ maw duje, maw mila rise məɛ tə̂.

Rɔmɛnje 3:21

A bbasinɛn, Lubba tɔju gusu kə̂ n̂-dda narə dəwje ddeeje nɛ̂n gatə gatə kəmɛ̂ tə̂. Gusu le to ddəw Ndu tə̂ ang. Ndu kə makəturu lə njê-kilaje mbər tar lə Lubba tɔjuje nɛ̂ɛnn le mban.

1 Kɔrɛntinyɛje 11:19

A maji karə tin-naan to horose tə̂ bba dâ gərə nɛ̂n dəwje kə̂ aw ddaje nɛ̂n kə ddəwe.

Galatəje 5:20

polo kɔr, maal, ndiki naan ang, koo-ta-naan ang, kunda-mə, dda wungu, nɛ̂n-dda kə̂ ta kuta nɛ̂n naan, kar go marə dəw tə̂ a kinya marɛ̂, tin-naan,

2 Timɔte 1:3

Marə wooyo nya Lubba kə̂ maw pole kə kəjə kə̂ maji tɔyn go kamjedede tə̂. Kar tɔyn kə̂ maw duju Lubba, maw pa saa tar mbai til kə kar.

Titə 3:10

Maji karə ə-ndɔru mbi dəw kə̂ aw tin njê-mə-kunnje. Ə-ndɔru gɔl kâra, gɔl joo, â bbo noo ang a, ilɛ̂ ddaka.

1 Piyɛr 1:11

Ndil lə Kristə kə̂ to məde tə̂ pa tar ndoo kə̂ Kristə a koo kə tar piti kə̂ a ddee goe tə̂ arəde tokə kete. Mba yeenn bba, dunnje rɔde tɔyn ta gərə se kar kə̂ baânn wase ddi â a to bba nɛ̂nje kə̂ Ndil lə Kristə pa le a ddeeje wa?

Apokalisi 19:10

M-tee moso kɔ gɔlɛ̂ tə̂ ta pole, a n̂-pa narəm nan: «Ə-dda nɛ̂ɛnn ang! M-to nje-kula mari ddəm nje-kula mar ngakɔinje kə̂ aw ngəmje tar-najije lə Jeju ddəm. Lubba â maji karə ə-pole!» Tar-najije lə Jeju toje to tarje kə̂ ddeeje dɔ njê-kilaje mbər tarje tə̂ lə Lubba bba aw paje.