Kulaje 23:1 - Dɔnɔn kə̂ Siki: Tar kə̂ aw arə təbbə

¹ Pɔl aa kəm njê-gangəje sariya kə̂ uwaje dɔ naan le ngaâ pa nan: «Ngakɔnʼmje, kəjə kə̂ maji â maw nja nɛ̂n nɔn Lubba tə̂ ndərəng bbokənɛn nəənn.»

Maketuru le Lubba ke tar kabba

¹ Pɔl aa kem nje-gangeje sariya ke uwaje dɔ naa le ngaa pa na: «Ngakɔmje, nja lem ke maw m-nja nɔ Lubba te ndereng bbokone neenn, mare ne jɔku keje lem ndɔ kara ang.»

Kulaje 23:1 ပူးပေါင်းရင်းမြစ်များ

Matiye 5:22

A əman, m-pa marəse: Bbo dəw dda wungu kə ngokɔɛ̂n a, asə karə n̂-gangə sariya dɔɛ̂ tə̂. Bbo dəw bbar ngokɔɛ̂n mbə a, asə karə daw saa nɔn sariya tə̂. A bbo dəw bbar ngokɔɛ̂n wooy a, asə karə dilɛ̂ kəm puru tə̂ kə̂ aw ɔn kə ndɔ kə ndɔ.

Kulaje 22:1

«Ngakɔnʼmje, bɔydede, ooje naji ləm kə̂ mâ ta kɔru karəse nəənn.»

Kulaje 22:30

Lo arɛ a, mbay lə mbambaje le ndiki ta gərə gəl nɛ̂n kə̂ Jiipije undaje nɛ̂n tar dɔ Pɔl tə̂ le kə majɛ̂. Yeenn bba, narə n̂-tutu kula njamji gɔlɛ̂ tə̂ ngaâ narə mbayje lə njê-poloje Lubba uwaje dɔ naan kə njê-gangəje sariya ngaâ narə n̂-ddee kə Pɔl nɔnde tə̂.

Kulaje 22:5

Tɔkə nje-polo Lubba kə mbɔn-naan lə tɔkəje lə Jiipije gərəje to tar kə̂ tɔkɔrɔ njaa maw pa nəənn. Mba dede njaa darəmje makəturu kə ri ngakɔnje Jiipije kə̂ isije Damas karə maw muwa njê-mə-kunnje m-tɔde m-ddee kə de Jerujalɛm karə dula kəmde ndoo tə̂.»

Kulaje 23:15

Yeenn a, maji karə ooje ta naan kə njê-gangəje sariya ta ə-dujuje mbay lə mbambaje arəje n̂-ddeeje kə Pɔl darəse. Ərəje gusu to nâ ddee karə uruje gəl tar laa kə majɛ̂ ooje. A jeje ja kiya baan ta tɔlɛ̂ kete bba karə n̂-tee nəənn.»

Kulaje 23:20

Ngonn basan le pa arɛ̂ nan: «Marə Jiipije ooje ta naan ta duji karə bara a, arə daw kə Pɔl lo gangə sariya tə̂ ləde. Dâ ta kərəje gusu to daw ta kuru gəl tar laa le kə majɛ̂ koo.

Kulaje 23:28

M-ndiki nya ta gərə gəl nɛ̂n kə̂ dundaje nɛ̂n tar dɔɛ̂ tə̂ ngaâ maw saa nɔn njê-gangəje sariya tə̂ ləde.

Kulaje 23:6

Pɔl gərə to dəwje kə̂ aw uwaje dɔ naan mba gangə sariya le marɛ̂je toje to Sadusinyɛje, a marɛ̂ toje to Parijinyɛje. Yeenn bba n̂-pa tar kə taar horo njê-gangəje sariya tə̂ le nan: «Ngakɔnʼmje, m-to Parijinyɛ, m-to ngonn lə marə Parijinyɛ. Gəl nɛ̂n kə̂ daw ta gangə nɛ̂n sariya dɔm tə̂ nəənn, to məm kə̂ munda to dəwje kə̂ oyje a ndolje.»

Kulaje 24:16

Yeenn bba, kə̂ ndɔ tɔyn maw sangə ddəw karə kəjə kə̂ maji dɔrɔ â to məm tə̂ nɔn Lubba tə̂ ddəm nɔn dəwje tə̂ ddəm.

Kulaje 6:15

Kəm njê-gangəje sariya le tɔyn toje kə dɔ Etiyɛnn tə̂ ngaâ daaje kəmɛ̂ a, kəmɛ̂ le to tokə kəm anjəjeenn be.

1 Kɔrɛntinyɛje 4:4

Kəjə ləm jɔkəm mba marə nɛ̂n kâra ang. A m-ddee to dəw kə̂ gatə gatə mba yeenn ang. Nje-gangə sariya dɔm tə̂ to Əbbə-dəwje.

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

2 Kɔrɛntinyɛje 4:2

Jaw mbətə nɛ̂n-rɔ-kulje kə̂ toje lo-kiyɛ̂ tə̂. Jaw jərə dəwje ang ddəm jaw turu tar lə Lubba ang ddəm. Jaw tɔju tar kə̂ tɔkɔrɔ bba karə kəm Lubba tə̂, dəwje tɔyn undaje kəjə ləde dɔje tə̂.

2 Timɔte 1:3

Marə wooyo nya Lubba kə̂ maw pole kə kəjə kə̂ maji tɔyn go kamjedede tə̂. Kar tɔyn kə̂ maw duju Lubba, maw pa saa tar mbai til kə kar.

Ebərəje 13:18

Maji karə ə-dujuje Lubba mbaje. Mba n-gərə to kəjə ləje to kə majɛ̂ bbo jɔkuje ang ngaâ n-ndiki karə pa-nja ləje to kə majɛ̂ mə nɛ̂nje tə̂ tɔyn.

1 Piyɛr 3:16

A maji karə ilaje tar tə̂ le kə ndu-gɔsu kə̂ wul pee ddəm ddəw bbəəl naan tə̂ ddəm ta arəje kəjə ləse to kə majɛ̂. Yeenn bba karə rɔ-kul dda dəwje kə̂ aw undaje tar dɔse tə̂ mba marə nɛ̂n ddəm aw nanɛn kə̂ se ddəm mba pa-nja ləse kə̂ maji ddəw tə̂ lə Kristə le.