Kulaje 22:24 - Dɔnɔn kə̂ Siki: Tar kə̂ aw arə təbbə

²⁴ Yeenn bba, mbay lə mbambaje le unn ndu karə dandə kə Pɔl mə ndoko tə̂ lə mbambaje, karə n̂-tundɛ̂ darə n̂-pa gəl nɛ̂n kə̂ dəwje aw uruje nɛ̂n əkii dɔɛ̂ tə̂ le.

Maketuru le Lubba ke tar kabba

²⁴ Yeenn a, tɔku mbayje le mbambaje le unn ndu kare dande ke Pɔl me ndoko te le mbambaje kare ta dundae dare n̂-pa tar bba ta gere gel ne ke dewje aw uruje ne ekii dɔe te le.

Kulaje 22:24 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 19:1

Yeenn ngaâ Pilatə unn ndu karə daw kə Jeju, daw tundɛ̂ kə ndəy.

Kulaje 16:37

A Pɔl pa nan: «N̂-gangəje sariya dɔje tə̂ ang, a n̂-tundaje kəm dəwje tə̂ ngaâ dilaje kəy-kula tə̂, jeje kə̂ n̂-to ngann njê-bbeje kə̂ Rɔm tɔ. A bbasinɛn, n̂-ndikije ta kɔruje lo-kiyɛ̂ tə̂ wa? Baann ang, maji karə dede njaa n̂-ddee dɔrujeje.»

Kulaje 21:34

Dəwje kə̂ banya le paje tar dang dang. Bula to nya arə ddəw kə̂ nâ kasə ta gərə nɛ̂n gəl tar le kə majɛ̂ goto. Yeenn bba, nunn ndu narə daw kə Pɔl mə ndoko tə̂ lə mbambaje.

Kulaje 21:37

Kar tə̂ kə̂ daw ta kandə kə Pɔl mə ndoko tə̂ lə mbambaje a, Pɔl pa arə mbay lə mbambaje nan: «Ddəw karə m-pa səi tar to wa?» Nilɛ̂ tə̂ nan: «Ə-gərə tar gɛrɛkə wa?

Kulaje 23:10

Tar le aw kə kete kete arə mbay lə mbambaje le bbəəl mba kin karə dəwje le inje uruje dɔ Pɔl tə̂ jakatɛ̂je. Yeenn bba, nunn ndu narə mbambaje aw ɔruje Pɔl horode tə̂ teeje saa aw saa mə ndoko tə̂ lə mbambaje.

Kulaje 23:27

Jiipije uwaje dingaw kə̂ mulɛ̂ mari nəənn ta tɔlɛ̂. A moo nan n̂-to ngonn nje-bbe kə̂ Rɔm arə maw kə mbambaje maw mɔrɛ̂ nɛ̂n jide tə̂.

Kulaje 28:18

Go tar tə̂ kə̂ njê kə̂ Rɔm dujumje ooje tɔyn a, n̂-ndikije ta kinyam mba dooje marə tar dɔm tə̂ kə̂ a kasə karə n̂-tɔləmje nɛ̂n ang.

Ebərəje 11:35

Ddəw mə-kunn tə̂ â marə dɛnɛ̂nje təl ingaje dəwje ləde kə̂ oyje, mba dəwje ləde le ndolje. A marə dəwje, dula kəmde ndoo tə̂ ndərəng ngɔsi kə yo, a n̂-ndikije karə dəwje le inyajede ang, bba karə ndɔ kə̂ doyje ngaâ n̂-ndolje a, disije maji uta ye kə̂ kete.