Kulaje 21:33 - Dɔnɔn kə̂ Siki: Tar kə̂ aw arə təbbə

³³ Yeenn ngaâ, mbay lə mbambaje le ddee ngɔsi kə Pɔl le. Nunn ndu karə duwɛ̂ n̂-tɔɛ̂ kə kula njamji joo. Goe tə̂ a, n̂-duju nan n̂-to nân wa? Ddi â n̂-dda wa?

Maketuru le Lubba ke tar kabba

³³ Yeenn a, tɔku mbayje le mbambaje le ddee saa ngɔsi uwae ngaa unn ndu kare n̂-tɔe ke kula njamdi joo. Goe te a, n̂-duju tar na n̂-to na wa? Ddi a n̂-dda wa?

Kulaje 21:33 ပူးပေါင်းရင်းမြစ်များ

Kulaje 12:6

Mə til tə̂ kə̂ lo-karɛ̂ a, Erodə a ta gangə sariya dɔ Piyɛr tə̂ le, Piyɛr le aw tibbi horo mbambaje tə̂ joo. N̂-tɔɛ̂ kə kula njamji joo ngaâ marə mbambaje aw ngəmje ta-kəy le tɔ.

Kulaje 20:23

Uta tɔyn, mə bbe tə̂ kâra kâra tɔyn kə̂ m-tee tə̂, Ndil-mə-nda pa arəm nan kəy-kula, kula njamji kə nɛ̂n kəm-to-ndoo aw nginanʼmje.

Kulaje 21:11

N̂-ddee ningaje ngaâ n̂-taa əndaar-kuwa-bbər lə Pɔl, n̂-tɔ nɛ̂n gɔlɛ̂ kə jia ne njaa ngaâ n̂-pa nan: «Ndil-mə-nda pa nan Jiipije a tɔje nje-əndaar kuwa-bbər nəənn Jerujalɛm tokə be ngaâ dâ kulɛ̂je ji dəwje tə̂ kə̂ gərəje Lubba ang.»

Kulaje 22:29

Dəwje kə̂ a ta tundɛ̂je karə n̂-pa tar kə̂ tɔkɔrɔ le tuseje inyɛ̂je kə ngɔru. Mbay lə mbambaje le gərə to Pɔl to ngonn nje-bbe kə̂ Rɔm bba narə duwɛ̂ n̂-tɔɛ̂ le a, n̂-bbəəl.

Kulaje 22:30

Lo arɛ a, mbay lə mbambaje le ndiki ta gərə gəl nɛ̂n kə̂ Jiipije undaje nɛ̂n tar dɔ Pɔl tə̂ le kə majɛ̂. Yeenn bba, narə n̂-tutu kula njamji gɔlɛ̂ tə̂ ngaâ narə mbayje lə njê-poloje Lubba uwaje dɔ naan kə njê-gangəje sariya ngaâ narə n̂-ddee kə Pɔl nɔnde tə̂.

Kulaje 25:16

A milade tə̂ m-pa nan: ‹Dəwje kə̂ Rɔm aw gangəje sariya dɔ dəw tə̂ baa baann ang. Maji karə nɔru naji laa kəm dəwje tə̂ kə̂ undaje tar dɔɛ̂ tə̂ le bba dâ gangə sariya dɔɛ̂ tə̂.›

Kulaje 26:29

Pɔl pa arɛ̂ nan: «Kə̂ bbasinɛn nəənn wase marə ndɔ tə̂ kâra, mâ duju Lubba karə əi ddəm see dəwje tɔyn kə̂ aw ooje tar ləm bbokənɛn nəənn ddəm ə-ddeeje tokə əman. A m-ndiki ta karə n̂-tɔse kə kula njamji tokə əman nəənn ang.»

Kulaje 28:20

Tar nəənn njaa m-duju ta koose mbɛɛ̂, ta tɔn kə se tam. Mâ kərəse ang, n̂-tɔm kə kula njamjije nəənn ɔju dɔ tar nɛ̂n kə̂ dəwje kə̂ Ijarayɛl undaje məde dɔɛ̂ tə̂.»

Epɛjinyɛje 6:20

Kar tə̂ kə̂ mee nɛ̂n kəy-kula tə̂ nəənn kâra, m-to dəw kə̂ aw dda kula kə ri Kristə ta kila mbər Tar kə̂ Maji. Yeenn a, ə-dujuje Lubba karə mila mbər tar le kə bbəəl ang ddəm kə dɔgɔlɛ̂ ddəm.

Pilipinyɛje 1:7

To kə dɔgɔlɛ̂ karə kəjə ləm to dɔse tə̂ tokə baann njaa, mba m-ndikise. Əsese tɔyn njaa umanʼmje ddəw mə-maji tə̂ kə̂ Lubba dda səm kar tə̂ kə̂ mee nɛ̂n kəy-kula tə̂ bbasinɛn nəənn ddəm kar tə̂ kə̂ maw mɔru nɛ̂n naji Tar tə̂ kə̂ Maji marə ngəng le ddəm.

2 Timɔte 1:16

Maji karə Əbbə-dəwje oo kəm-to-ndoo lə njê kə̂ kə̂y lə Onejipɔr, mba n̂-dda narə minga singa kə ndɔ tɔyn ngaâ n̂-dda rɔ-kul mba kila kə̂ dilam kəy-kula tə̂ le ang.

2 Timɔte 2:9

Tar kə̂ Maji le â moo ndoo mbɛɛ̂ ndərəng n̂-tɔm dilam kəy-kula tə̂ tokə lə nje-nɛ̂n-dda kə̂ maji ang. A tar lə Lubba â n̂-tɔ ang.