Kulaje 21:27 - Dɔnɔn kə̂ Siki: Tar kə̂ aw arə təbbə

²⁷ Ndɔ siri kə̂ to ənga toko nɛ̂n-yərəw le nayn ngɔsi ta tunga a, Jiipije kə̂ Aji ooje Pɔl kəy-polo Lubba tə̂. Dɔsuje kutu dəwje kə̂ banya darə wungu ɔnde ngaâ duwaje Pɔl.

Maketuru le Lubba ke tar kabba

²⁷ Toke ndɔ siri ke go toko yerew te le nayn ngɔsi ta kase a, Jiipije ke Aji ooje Pɔl key-polo-Lubba te. Dɔsuje kutu dewje ke banya banya dare wungu ɔnde ngaa duwaje Pɔl.

Kulaje 21:27 ပူးပေါင်းရင်းမြစ်များ

Luku 21:12

«A dɔngɔr bba karə nɛ̂njeenn teeje le, dâ kuwase ngaâ dâ kula kəmse ndoo tə̂, dâ kilase ji dəwje tə̂ kəy mbɔn-naan tə̂, dâ kilase kəy-kula tə̂, dâ kaw kə se nɔn tɔkə mbayje tə̂ kə nɔn ngann mbayje tə̂ mbam.

Kulaje 13:50

A Jiipije ɔsuje kutu dɛnɛ̂nje kə̂ isije lo kula tə̂ kə̂ bo kə̂ aw poloje Lubba ddəm ɔsuje kutu njê-kɔn-bbeje ddəm arə dinje n̂-ddaje Pɔl de kə Barnabas maji ang ngaâ n̂-tubbade dɔ nangə tə̂ ləde le.

Kulaje 14:19

Jiipije kə̂ inje Antiyos kə Ikoniyɔm ddaje arə dəwje kə̂ banya le unnje gode. N̂-tilaje Pɔl kə ər ta tɔlɛ̂ ngaâ n̂-ndɔrɛ̂je n̂-teeje saa mə bbe tə̂ kə ddang, mba dɔjuje to noy mban.

Kulaje 14:2

A Jiipije kə̂ mbətəje ta koo məde tə̂ le aw tulaje dəwje kə̂ toje to Jiipije ang karə dəjəje kəjə kə̂ maji ang dɔ Pɔl de kə Barnabas tə̂.

Kulaje 14:5

Jiipije kə mbayje ləde ddəm dəwje kə̂ toje to Jiipije ang ddəm n̂-ndikije ta dda Pɔl de kə Barnabas maji ang, ta tilade kə ər tɔlde.

Kulaje 16:6

Pɔl kə Silas n̂-ndayje nangəje tə̂ kə̂ Piriji kə Galasi mba Ndil-mə-nda ɔkude ddəw karə n̂-tɔjuje tar lə Lubba nangə tə̂ kə̂ Aji.

Kulaje 17:13

Jiipije kə̂ Tesalonikə ooje nan Pɔl aw tɔju tar lə Lubba Bere tɔ a, n̂-ddeeje ta yəkə lo ngaâ ta kɔsu kutu dəwje kə̂ banya le.

Kulaje 18:12

Bbal tə̂ kə̂ Galiyɔn to ngonn mbay kə̂ Akay, Jiipije ooje ta naan ngaâ mbətəje Pɔl. Dawje saa lo gangə sariya tə̂.

Kulaje 2:9

Jeje kə̂ jinje nangə tə̂ kə̂ Partə, Mɛdə kə Elam, dəwje kə̂ Mejopotami, dəwje kə̂ Jude, kə̂ Kapados, kə̂ Pɔn, kə̂ Aji,

Kulaje 20:19

M-dda kula lə Əbbə-dəwje kə mə ngonn-kasə kə maann-nɔn kə kəm-to-ndoo, mba Jiipije unguje tar mə naan tə̂ ta ddam maji ang.

Kulaje 24:11

Bbo uru gəle a, â gərə. Dda ndɔ dɔku gire joo baa bbay â maw Jerujalɛm mba polo Lubba.

Kulaje 24:18

Kar tə̂ənn le â m-toko nɛ̂n-yərəw ləm mə kəy-polo Lubba tə̂ m-tunga a, dingamje. Ndɔɛ̂ tə̂ənn le dəwje mbɔnje naan banya ang ddəm bula goto ddəm.

Kulaje 26:21

Mba tar nəənn le â Jiipije uwamje nɛ̂n kar tə̂ kə̂ mee kəy-polo Lubba tə̂ ngaâ n̂-sangəje ddəw ta tɔləmje.

Kulaje 4:3

Duwade dilade kəy-kula tə̂ ndərəng lo arɛ, mba to dɔ lo-kul ngaa.

Kulaje 5:18

duwaje njê-kaw-kulaje le dungujede kəy-kula tə̂ kə̂ to mba dəwje tɔyn.

Kulaje 6:12

Baann bba dɔsuje kutu dəwje le, tɔkəje kə njê-gərəje-Ndu darə duwa Etiyɛnn kə singa daw saa lo gangə sariya tə̂ lə Jiipije.

Kulaje 6:9

Marə Jiipije kə̂ inje Sirɛnn kə Alɛkəjandiri kə̂ aw mbɔnje naan kəy mbɔn-naan tə̂ lə Jiipije kə̂ daw bbarde nan «Njê kə̂ teeje kɔ bbərə tə̂» kə njê kə̂ inje nangə tə̂ kə̂ Silisi kə njê kə̂ Aji aw maynje tar kə Etiyɛnn.

2 Kɔrɛntinyɛje 11:26

Njaje tə̂ ləm kə̂ maw nja, nɛ̂n-singaje ingam: Baje a ta kuwam. Njê-bbokoje, ngakɔm Jiipije kə dəwje kə̂ toje to Jiipije ang a ta tɔləmje. Nɛ̂n-singaje ingamje mə tɔkə bbeje tə̂, mə kɔr tə̂, dɔ ba-katəje tə̂, ngakɔnʼmje kə̂ tɔkɔrɔ ang aw ddaje səm singa.

1 Tesalonisinyɛje 2:16

Dɔkuje ddəw kila mbər tar karə dəwje kə̂ toje to Jiipije ang darəje dəwje le ingaje kaji ang. Nɛ̂ɛnn dda arə majangje lə Jiipije le uta dɔɛ̂. A ta tee kɔnyɛ̂ tə̂ a, wungu lə Lubba oso dɔde tə̂.