Kulaje 20:32 - Dɔnɔn kə̂ Siki: Tar kə̂ aw arə təbbə

³² «A bbasinɛn minyase ji Lubba tə̂ kə tar mə-maji tə̂ laa kə̂ asə ta dda karə ə-sangəje ddəm karə ingaje nɛ̂nje kə̂ maji kə̂ n̂-gɔl mba dəwje laa ddəm.

Maketuru le Lubba ke tar kabba

³² «A bbasine minyase me ji Lubba te, ke me tar me-maji te laa ke ase ta dda kare e-sangeje ddem kare ingaje neje ke maji ke n̂-mɔse mba dewje laa ddem.

Kulaje 20:32 ပူးပေါင်းရင်းမြစ်များ

Marke 10:17

Kar kə̂ Jeju unn ddəw ta kɔtu a, marə dingaw ddee kə ngɔru ɔsu məkəjə-gɔlɛ̂ nɔɛ̂n tə̂ duje nan: «Nje-nɛ̂n-tɔju kə̂ maji, ddi â mâ dda bba mâ kinga təbbə kə̂ to kə ndɔ kə ndɔ wa?»

Tar kə̂ Maji kə̂ Jan dda makəturu tə̂ 15:3

Nɛ̂nje kə̂ m-tɔjuse ddaje arə ə-ddeeje maji tɔyn mban.

Tar kə̂ Maji kə̂ Jan dda makəturu tə̂ 17:17

Maji karə ə-dda arə n̂-ddeeje maji tɔyn ddəw tar tə̂ kə̂ tɔkɔrɔ: Tar ləi to tar kə̂ tɔkɔrɔ.

Kulaje 11:23

Barnabas le ddee tee ngaâ oo mə-maji kə̂ Lubba dda kə njê-mə-kunnje le a, inga rɔ-nəəl nya ngaâ ndəjəde karə dundaje məde tɔyn dɔ Əbbə-dəwje tə̂.

Kulaje 14:23

Mə Egilisije tə̂ tɔyn kə̂ n̂-teeje tə̂, n̂-dda marə njê-mə-kunnje to dəwje kə̂ dɔ Egilisi tə̂ le, dɔkuje rɔde nɛ̂n-kusa, n̂-dujuje Lubba dɔde tə̂ ngaâ dinyajede ji Əbbə-dəwje tə̂ kə̂ dunda mə-kunn ləde dɔɛ̂ tə̂ le.

Kulaje 14:26

Lo tə̂ənn, dunnje tɔkə to mba təl Antiyos nangə tə̂ kə̂ Siri. Antiyos le â njê-mə-kunnje inyajede kə tə̂ ji Lubba tə̂ kete mba karə Lubba dda kə de mə-maji arə n̂-ddaje kula kə̂ n̂-ddaje n̂-tungaje nəənn le.

Kulaje 14:3

Dɔ nɛ̂nje tə̂ənn tɔyn, Pɔl de kə Barnabas n̂-naynje bbe tə̂ kə̂ Ikoniyɔm le gode əw. Daw paje tar lə Əbbə-dəwje kə bbəəl ang. Əbbə-dəwje le tɔju to tar mə-maji laa le to nɛ̂n kə̂ tɔkɔrɔ ddəw nɛ̂n-mɔrije tə̂ kə nɛ̂nje kə̂ dum dɔ koo kə̂ narə singa ansinyɛje narə ddaje.

Kulaje 15:40

A Pɔl unn Silas ilɛ̂ goe tə̂. Goe tə̂ a, njê-mə-kunnje ilaje Pɔl ji Əbbə-dəwje tə̂ karə dda saa mə-maji ngaâ nɔtu.

Kulaje 20:24

Moo təbbə ləm to nɛ̂n kəmʼm tə̂ ang. Nɛ̂n kə̂ m-ndiki njaa to ənga dda kula kə̂ Əbbə-dəwje Jeju inya jim tə̂ ndərəng kɔsu kɔnyɛ̂. Kula le to kula kila mbər Tar kə̂ Maji kə̂ to mə-maji lə Lubba.

Kulaje 26:18

Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »

Kulaje 9:31

Dɔ ndɔje tə̂ənn, ddekeke to mə Egilisije tə̂ tɔyn kə̂ toje nangə tə̂ kə̂ Jude, Galile kə Samari. Egilisi aw ubba singa kə kete kete, naw bbəəl Əbbə-dəwje ngaâ kɔr njê-mə-kunnje aw kə kete kete ddəw singa tə̂ lə Ndil-mə-nda.

Rɔmɛnje 8:17

Yeenn a, bbo n-toje to ngannɛ̂ a, ja kingaje nɛ̂nje kə̂ maji kə̂ Lubba unn ndue ta karə dəwje laa. Ja kingaje nɛ̂nje le naan tə̂ kâra baa kə Kristə. Mba bbo jaw jooje ndoo saa a, ja kingaje piti saa tɔ.

1 Kɔrɛntinyɛje 1:2

jula kə makəturu nəənn jarə njê-mə-kunnje kə̂ mə Egilisi tə̂ lə Lubba kə̂ bbe tə̂ kə̂ Kɔrɛntə ddəm jarə dəwje kə̂ Lubba bbarde ddəw tə̂ lə Jeju-Kristə ngaâ undade dang arə n̂-toje to njê-mə-ndaje ddəm. Jula kə makəturu nəənn jarə dəwje tɔyn kə̂ aw bbarje ri Əbbəjeje Jeju-Kristə loje tə̂ tɔyn. Jeju-Kristə kə̂ to Əbbədede ddəm Əbbəjeje ddəm.

1 Kɔrɛntinyɛje 6:10

njê-bbokoje, njê-kundaje kəm-nda, njê kə̂ toje to bbərəje lə koto, njê-nanɛnje, njê-kuwa nɛ̂n lə ngamarəde kə singa, lo ləde to Bbe-kɔn tə̂ lə Lubba ang.

1 Kɔrɛntinyɛje 6:11

Marə dəwje horose tə̂ toje tokə baann ləw. A Lubba tokose, nundase dang. Narə ə-ddeeje to dəwje kə̂ gatə gatə kə ri Əbbəjeje Jeju-Kristə ddəw tə̂ lə Ndil-mə-nda.

1 Kɔrɛntinyɛje 6:9

Ə-gərəje ang wa? Dəwje kə̂ toje gatə gatə ang, lo ləde goto Bbe-kɔn tə̂ lə Lubba. Ərəje rɔse ang! Njê-kayaje wase njê-poloje kɔrje, njê-ddaje lo-to-majang wase dingawje kə̂ aw toje kə dingaw marədeje,

Epɛjinyɛje 1:14

Ndil-mə-nda kə̂ jingaje le tɔju to ja kingaje nɛ̂nje kə̂ maji kə̂ Lubba a ta karəje le. Ja kinga nɛ̂njeenn le dɔ ndɔ tə̂ kə̂ Lubba a tee kə je mə nɛ̂n-ddaje tə̂ kə̂ maji ang kə ddang njaa nyɔm. Yeenn a, maji karə jɔsuje gaji Lubba.

Epɛjinyɛje 1:18

M-duju karə Lubba ɔru kəmse arə ə-gərəje nɛ̂n kə̂ aw undaje məse dɔɛ tə̂, kə̂ n̂-bbarse mbɛɛ̂ le karə ə-gərəje nɛ̂n-kingaje kə̂ to nɛ̂n piti kə̂ narə dəwje laa ingaje, sese ddəm njê-mə-kunnje ddəm.

Epɛjinyɛje 4:12

N̂-dda baann bba karə dəwje lə Lubba asəje tɔyn ta dda kula karə Egilisi kə̂ to da-rɔ Kristə sangə.

Epɛjinyɛje 4:16

Tambal dɔɛ̂ â, dəbbə rɔ dang dang tɔyn mbɔn naan to da-rɔ kə̂ kâra baa ngaâ kətərə mba mənrə-rɔje le tɔje naan kə majɛ̂. A bbo dəbbə rɔ kə̂ dang dang le kâra kâra dda kula kə majɛ̂ a, da-rɔ le tɔyn njaa a tee kə mbi ngaâ a sangə ddəw ndiki tə̂.

Epɛjinyɛje 5:5

Mba maji karə ə-gərəje kə majɛ̂: Dəw kə̂ aw dda kaya, dəw kə̂ aw dda nɛ̂n-yərəw, dəw kə̂ aw unda kəm-nda, mba kunda kəm-nda to polo kɔr. Bbe-kɔn lə Kristə de kə Lubba a to lə dəwje kə̂ baann ang.

Kolosinyɛje 1:12

Maji karə arəje wooyo Lubba kə̂ Bɔ kə rɔ-nəəl. Ne â n̂-dda narə asəje ta kinga nɛ̂nje kə̂ maji kə̂ to ɔju dɔ dəwje laa lo-karɛ tə̂.

Kolosinyɛje 2:7

Maji karə ə-maanje gɔlse dɔ Kristə tə̂ arəje ngəng, tokə lə kakə kə̂ ngirɛ̂ uwa nangə arə kətərə. Uwaje mə-kunn ləse arəje ngəng ddəw kâra baa kə nɛ̂n kə̂ n̂-tɔjuse, ta arəje wooyo Lubba nya nya mba maji kə̂ n̂-dda kə se.

Kolosinyɛje 3:24

Mba ə-gərəje to â kingaje nɛ̂nje kə̂ maji kə̂ Əbbə-dəwje ngəm mba dəwje laa to kuka ləde. Əbbəsese to Kristə, ne â aw ddaje saa.

Ebərəje 10:14

Mba ddəw nɛ̂n-karə-baa tə̂ kə̂ kâra baa njaa, n̂-dda narə dəwje kə̂ n̂-toko majang ləde ddeeje maji tɔyn kə ndɔ kə ndɔ.

Ebərəje 13:9

Maji karə inyaje arə nɛ̂n-tɔjuje kə̂ dang dang ddaje arə ə-ndəəmje ddəw ang. Maji karə ingaje singa ddəw mə-maji tə̂ lə Lubba bbo ddəw nduje tə̂ kə̂ dɔ nɛ̂n-kusaje tə̂ ang. Mba dəwje kə̂ aw ngəmje ndujeenn le ingaje marə nɛ̂n kâra ddəwe tə̂ ang.

Ebərəje 2:11

A ne kə̂ naw dda narə dəwje aw ddeeje to dəwje lə Lubba le, ne de kə dəwje lə Lubba le tɔyn njaa bɔdede kâra baa. Mba yeenn bba bbo n̂-bbarde to ngakɔɛ̂n a, to rɔ-kul laa ang.

Ebərəje 9:15

Mba yeenn bba, Kristə to nje-gɔl-tar marə dɔnɔn kə̂ siki, bba karə dəwje kə̂ Lubba bbarde ingaje nɛ̂n-kingaje kə̂ a to kə ndɔ kə ndɔ, kə̂ nunn ndue ta karə dəwje laa. Dasəje ta kinga nɛ̂nje le, mba Kristə oy ta kɔru dəwje mə majangje tə̂ kə̂ n̂-ddaje kar tə̂ kə̂ n̂-naynje nɛ̂n kɔ dɔnɔn tə̂ kə̂ dɔngɔr le.

Judə 1:1

Əman Judə ngokɔn Jakə kə̂ m-to bbərə-kula lə Jeju-Kristə, m-dda makəturu nəənn marə dəwje kə̂ Lubba bbarde kə ddaka, dəwje kə̂ Lubba kə̂ Bɔ ndikide nya ngaâ ngəmde mba Jeju-Kristə.

Judə 1:20

A see ngakɔnʼmje kə̂ m-ndikise nya, maji karə arje dɔ tar mə-kunn tə̂ ləse kə̂ maji tɔyn le kə majɛ̂. Ə-dujuje Lubba ddəw Ndil-mə-nda tə̂.