Kulaje 20:21 - Dɔnɔn kə̂ Siki: Tar kə̂ aw arə təbbə

²¹ Mila mbər marə Jiipije kə Gɛrɛkəje karə n̂-turuje məde nyɔm ta n̂-təlje rɔ Lubba tə̂ ngaâ ta karə dundaje məde kə dɔ Əbbə-dəwje Jeju tə̂.

Maketuru le Lubba ke tar kabba

²¹ Mila mber mare Jiipije ddem dewje ke to Jiipije ang ddem kare telje rɔ Lubba te ngaa ta kare dooje mede te ke Ebbe-dewje Jeju.

Kulaje 20:21 ပူးပေါင်းရင်းမြစ်များ

Matiye 3:2

N̂-pa nan: «Ə-turuje məse nyɔm, mba kɔn-mbay kə̂ darâ ddee ngɔsi ngaa.»

Matiye 4:17

Unn kute kar tə̂ənn njaa, Jeju unn kutu kila mbər nan: «Ə-turuje məse, mba kɔn-mbay kə̂ darâ ddee ngɔsi ngaa.»

Marke 1:15

N̂-pa nan: «Kar kə̂ Lubba ɔju le asə ngaâ kɔn-mbay lə Lubba ddee ngɔsi ngaa. Ə-turuje məse bbo ooje məse tə̂ kə Tar kə̂ Maji.»

Marke 6:12

Njê-njaje go Jeju tə̂ le awje ngaâ ilaje mbər karə dəwje turuje məde.

Luku 13:3

Baann ang, m-pa marəse: Bbo ə-turuje məse ang a, a koyje tɔyn tokə baann tɔ.

Luku 13:5

Baann ang, m-pa marəse: Bbo ə-turuje məse ang a, â koyje tɔyn tokə baann tɔ.»

Luku 15:10

M-pa marəse, to ddəw kâra baa, rɔ-nəəl to nya horo anjəje tə̂ lə Lubba mba nje-nɛ̂n-dda kə̂ maji ang kâra kə̂ turu məɛ̂.»

Luku 15:7

M-pa marəse, to ddəw kâra baa: rɔ-nəəl kə̂ a to darâ mba nje-nɛ̂n-dda kə̂ maji ang kâra kə̂ turu məɛ̂. Rɔ-nəəl le a kuta rɔ-nəəl kə̂ to mba dəwje kə̂ dɔjikara gire jikara kə̂ toje gatə gatə mban arə to tar ləde ta turu məde ang ngaa le.»

Luku 16:28

mba ngakɔnʼmje kə̂ dingaw min eeje nunn. Maji karə naw ndəjəde narə n̂-ddeeje lo kəm-to-ndoo tə̂ nəənn tɔ ang.›

Luku 24:47

Dâ kila mbər tar kə ri Kristə le karə gəl-dəwje tɔyn turuje nɛ̂n məde, mba karə tar majang ləde ɔru dɔde tə̂. Mbər tar le a kunn-kute Jerujalɛm tə̂.›

Tar kə̂ Maji kə̂ Jan dda makəturu tə̂ 20:31

A n̂-dda nɛ̂nje nəənn makəturu tə̂ karə ooje nɛ̂n məse tə̂ to Jeju to Kristə, Ngonn lə Lubba. A bbo ooje məse tə̂ a, â kisije kə təbbə ddəw tə̂ laa.

Tar kə̂ Maji kə̂ Jan dda makəturu tə̂ 3:36

Dəw kə̂ oo məɛ̂ tə̂ kə Ngonn ee kə təbbə kə̂ to kə ndɔ kə ndɔ. A dəw kə̂ mbətə ta koo məɛ̂ tə̂ kə Ngonn a kinga təbbə le ang. Wungu lə Lubba nayn dɔɛ̂ tə̂.»

Kulaje 10:43

Njê-kilaje mbər tar lə Lubba tɔyn paje tar laa nan: ‹Dəw kə̂ unn məɛ̂ arə Jeju a, Lubba ɔru tar majang laa dɔɛ̂ tə̂ kə ri Jeju le.› »

Kulaje 11:18

Dəwje le ooje tarjeenn le a, əwje rɔde ngaâ ɔsuje gaji Lubba paje nan: «Lubba arə ddəw dəwje kə̂ toje to Jiipije ang karə n̂-turuje məde mba kinga nɛ̂n təbbə tɔ.»

Kulaje 16:31

N̂-paje darɛ̂ nan: «Oo məi tə̂ kə Əbbə-dəwje Jeju a, â kinga kaji, əi ddəm njê kə̂ kə̂y ləi ddəm.»

Kulaje 17:30

Kar kə̂ dəwje gərəje tar kə̂ tɔkɔrɔ ang bbay le. Lubba oo to nɛ̂n ang. A bbasinɛn naw bbar dəwje tɔyn kə̂ isije loje tə̂ tɔyn karə n̂-turu məde.

Kulaje 19:17

Njê-bbeje tɔyn kə̂ Epɛjə kə Jiipije kə Gɛrɛkəje, dooje tar nəənn le. Bbəəl uta dɔde tɔyn arə dɔsuje gaji ri Əbbə-dəwje Jeju kə̂ to ri kə̂ bo.

Kulaje 2:38

Piyɛr pa arəde nan: «Ə-turuje məse ta nân nân kara inga batɛm kə ri Jeju-Kristə. Baann bba Lubba a kɔru tar majangje ləse dɔse tə̂ ngaâ nâ karəse Ndil-mə-nda.

Kulaje 2:40

Piyɛr pa tarje dang dang mba kɔru nɛ̂n naji ddəm mba karə dubbaje nɛ̂n singa ddəm. N̂-pa nan: «Ə-teeje horo njê-mə-majangje tə̂ kə̂ bbasinɛn nəənn kə ddang arəje Lubba ajise.»

Kulaje 20:23

Uta tɔyn, mə bbe tə̂ kâra kâra tɔyn kə̂ m-tee tə̂, Ndil-mə-nda pa arəm nan kəy-kula, kula njamji kə nɛ̂n kəm-to-ndoo aw nginanʼmje.

Kulaje 20:24

Moo təbbə ləm to nɛ̂n kəmʼm tə̂ ang. Nɛ̂n kə̂ m-ndiki njaa to ənga dda kula kə̂ Əbbə-dəwje Jeju inya jim tə̂ ndərəng kɔsu kɔnyɛ̂. Kula le to kula kila mbər Tar kə̂ Maji kə̂ to mə-maji lə Lubba.

Kulaje 24:24

Dda ndɔ ngaji goe tə̂ a, Peliksə de kə dɛnɛ̂n laa Durusil kə̂ to Jiipi n̂-ddeeje. Peliksə le ula bbar Pɔl ngaâ noo tar kə̂ naw tɔju dɔ kunn-mə karə Jeju-Kristə tə̂.

Kulaje 26:18

Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »

Kulaje 26:20

A dəwje kə̂ Damas kə Jerujalɛm â mila mbər tar nəənn marəde dɔngɔr. Goe tə̂ a, mila mbər marə dəwje kə̂ Jude kə dəwje kə̂ toje to Jiipije ang. M-pa marəde karə n̂-turuje məde ta daaje lo kə rɔ Lubba tə̂ ngaâ ta n̂-ddaje nɛ̂n kə̂ tɔju to n̂-turuje məde mban.

Kulaje 28:23

Dɔjuje ndɔ darə Pɔl ngaâ ndɔ le asə a, n̂-ddeeje tokə banya dingɛ̂je lo-toe tə̂. Pɔl pa tar arəde kə əndɔɔ ndərəng lo-kul. N̂-pa tar kɔn-mbay lə Lubba narəde. Nunn tar Ndu lə Mɔyijə kə tar lə njê-kilaje mbər tar lə Lubba n̂-pa nɛ̂n tar lə Jeju karə n̂-ndikije tə̂.

Kulaje 3:19

Yeenn a, maji karə ə-turuje məse ta ə-təlje rɔ Lubba tə̂. Baann bba nâ toko majangje ləse

Kulaje 8:25

Piyɛr de kə Jan n̂-paje tar-naji lə Əbbə-dəwje, dilaje mbər tar laa ngaâ n̂-təlje kə Jerujalɛm. Dilaje mbər Tar kə̂ Maji mə bbeje tə̂ nya nya kə ddəw ddəw nangə tə̂ kə̂ Samari.

Rɔmɛnje 1:14

To tar ləm ta kaw rɔ dəwje tə̂ tɔyn, Gɛrɛkəje kə njê kə̂ kəmde ɔru ang, njê kə̂ gərəje nɛ̂n kə njê kə̂ gərəje nɛ̂n ang.

Rɔmɛnje 1:16

Rɔ-kul kila mbər Tar kə̂ Maji le ddam ang. Mba to singa-mɔngu lə Lubba kə̂ aw aji nɛ̂n dəwje tɔyn kə̂ ooje məde tə̂, Jiipije dɔngɔr, goe tə̂ a, Gɛrɛkəje.

Rɔmɛnje 10:9

Bbo əi njaa ə-pa kə tai kəm dəwje tə̂ tɔyn nan Jeju to Əbbə-dəwje ngaâ ə-ndiki tə̂ məi tə̂ to noy ngaâ Lubba ndole a, â kinga kaji.

Rɔmɛnje 2:4

Lubba aw dda maji səi nya. N̂-ndiki ta gangə sariya dɔi tə̂ kə tɔkɛ̂ ang. Naw nooi kə kəmɛ̂, a oo nɛ̂njeenn to nɛ̂n kə̂ baa wa? Ə-gərə to Lubba aw dda səi mə-maji baann karə ə-turu məi ang wa?

Rɔmɛnje 4:24

Tar le to mba jeje tɔ, jeje kə̂ Lubba ooje to dəwje kə̂ gatə gatə, mba jooje məje tə̂ kə Əbbəjeje Jeju kə̂ oy, a ndol le.

Rɔmɛnje 5:1

Yeenn a, n-ddeeje gatə gatə kəm Lubba tə̂ mban mba məje kə̂ junn jarə Əbbəjeje Jeju-Kristə arə məje wul lɔm kə Lubba ddəw tə̂ laa ngaa.

1 Kɔrɛntinyɛje 1:22

Jiipije dujuje nɛ̂n-mɔri, a Gɛrɛkəje aw sangəje kəm-karɛ.

2 Kɔrɛntinyɛje 7:10

Mba rɔ-katə kə̂ to ddəw mə-ndiki tə̂ lə Lubba aw dda arə dəw aw turu məɛ̂ ngaâ inga kaji. Yeenn jɔku dəw le ang. A rɔ-katə kə̂ in dɔ nangə tə̂ nəənn aw dda arə dəw aw inga yo.

Galatəje 2:16

N-gərə to dəw ddee gatə gatə kəm Lubba tə̂ ddəw məɛ̂ tə̂ kə̂ nunn narə Jeju-Kristə, bbo ddəw ngəm Ndu tə̂ ang. Mba yeenn bba, jeje njaa kara junn məje jarə Jeju-Kristə ta ddee to dəwje kə̂ gatə gatə kəm Lubba tə̂, ddəw mə-kunn tə̂ bbo ddəw ngəm Ndu tə̂ ang. Mba, dəw a kasə ddee gatə gatə kəm Lubba tə̂ ddəw ngəm Ndu tə̂ ang.

Galatəje 2:20

To əman â misi kəm baa ang ngaa, to Kristə â isi kəm baa mə da-rɔm tə̂. Mba, kisi ləm kəm baa mə da-rɔ tə̂ bbokənɛn nəənn, misi kəm baa mba məm kə̂ munn marə Ngonn lə Lubba kə̂ ndikim ngaâ unn rɔɛ̂ arə yo mbam.

Galatəje 3:22

A Makəturu lə Lubba pa nan majang ɔn dɔ dəwje tɔyn. Baann bba dəwje tɔyn kə̂ unnje məde a kingaje nɛ̂n kə̂ Lubba unn ndue ta karəde mba məde kə̂ dunn darə Jeju-Kristə.

Epɛjinyɛje 1:15

Mba yeenn bba, əman njaa kara, unn kute ndɔ tə̂ kə̂ moo nan ooje məse tə̂ kə Əbbə-dəwje Jeju ddəm aw ndikije njê-mə-kunnje tɔyn ddəm le

Kolosinyɛje 2:5

Tɔkɔrɔ njaa, mee horose tə̂ kə da-rɔm njaa ang. A, ndilim ee horose tə̂. Rɔm nəələm nya mba moo a, kula ləse aw nja kə dɔgɔlɛ̂ ngaâ aw uwaje məse kə̂ unnje arəje Kristə le arə ngəng.

Pilemɔn 1:5

Mba maw moo tam ndiki kə̂ aw ndiki njê-mə-kunnje ddəm məi kə̂ unn arə Əbbə-dəwje Jeju ngaâ ə-nayn ddəwe tə̂ le ddəm.

1 Jan 5:1

Bbo dəw ndiki tə̂ məɛ̂ tə̂ nan Jeju to Kristə a, dəw le to Ngonn lə Lubba. Dəw kə̂ ndiki Lubba kə̂ Nje-kuju Jeju le ndiki Jeju kə̂ Lubba uje le tɔ.

1 Jan 5:5

Nân bba tətə duninya nəənn kə ddɔ wa? Dəw kə̂ ndiki tə̂ məɛ̂ tə̂ nan Jeju to Ngonn lə Lubba â tətə ddɔ le.