Kulaje 20:19 - Dɔnɔn kə̂ Siki: Tar kə̂ aw arə təbbə

¹⁹ M-dda kula lə Əbbə-dəwje kə mə ngonn-kasə kə maann-nɔn kə kəm-to-ndoo, mba Jiipije unguje tar mə naan tə̂ ta ddam maji ang.

Maketuru le Lubba ke tar kabba

¹⁹ M-dda ke Ebbe-dewje ke me ngonn kase, ke maann̂-nɔ, dann ne-wunguje te ke Jiipije unguje tar me naa te ngaa ddaje sem.

Kulaje 20:19 ပူးပေါင်းရင်းမြစ်များ

Luku 19:41

Jeju ddee ngɔsi kə Jerujalɛm ngaâ oo bbe le a nɔn mbɛɛ̂.

Tar kə̂ Maji kə̂ Jan dda makəturu tə̂ 12:26

Bbo dəw ndiki ta dda kula ləm a, maji karə nunn gom. Baann bba lo kə̂ mee tə̂ a, nje-kula ləm a kee tə̂ tɔ. Bbo dəw aw dda kula ləm a, Bɔmje a walɛ̂.»

Kulaje 17:13

Jiipije kə̂ Tesalonikə ooje nan Pɔl aw tɔju tar lə Lubba Bere tɔ a, n̂-ddeeje ta yəkə lo ngaâ ta kɔsu kutu dəwje kə̂ banya le.

Kulaje 17:5

A Jiipije kə̂ mə ddade mbɔnje dəwje kə̂ toje to njê-dɔ-gotoje kə̂ aw njaje go ddəw tə̂ baa, dɔsuje kutu dəwje kə̂ banya ngaâ n̂-yəkəje lo darə ddekeke goto mə bbe tə̂ le.

Kulaje 20:3

N̂-dda nɛyn mota lo tə̂ənn. Kar tə̂ kə̂ nâ ta kunn tɔkə to ta kaw Siri a, noo nan Jiipije unguje tar mə naan tə̂ ta ddɛɛ̂ maji ang. Yeenn bba, noo maji ta təl kə ddəw kə̂ Maseduwann.

Kulaje 20:31

Maji karə undaje kəmse dɔ rɔse tə̂, oleje məse to bbal mota njaa, til tə̂ ddəm karâ ddəm m-ndəjəse kâra kâra tɔyn kə maann-nɔn kəmʼm tə̂.

Kulaje 21:27

Ndɔ siri kə̂ to ənga toko nɛ̂n-yərəw le nayn ngɔsi ta tunga a, Jiipije kə̂ Aji ooje Pɔl kəy-polo Lubba tə̂. Dɔsuje kutu dəwje kə̂ banya darə wungu ɔnde ngaâ duwaje Pɔl.

Kulaje 27:23

Til tə̂ nəənn, Lubba kə̂ m-to dəw laa ngaâ maw pole arə marə anjə laa tee ingam,

Rɔmɛnje 1:1

Əman Pɔl kə̂ m-to bbərə-kula lə Jeju-Kristə, Lubba bbarəm undam dang to nje-kaw-kula karə mila mbər Tar kə̂ Maji laa marə dəwje.

Rɔmɛnje 1:9

Lubba gərə to tar kə̂ tɔkɔrɔ njaa maw pa nəənn. Ne Lubba kə̂ maw pole kə kəjə ləm tɔyn ddəw mbər Tar tə̂ kə̂ Maji kə̂ dɔ Ngonnɛ̂ tə̂ kə̂ maw mila. N̂-gərə to kar tɔyn kə̂ maw duje, maw mila rise məɛ tə̂.

Rɔmɛnje 12:11

Maji karə bbo kula lə Əbbə-dəwje ddase nya, bbo ə-dabbəje ang, undaje kəjə ləse kula tə̂ le kə mə-kâra.

2 Kɔrɛntinyɛje 2:4

Makəturu kə̂ kete le, m-dda marəse kə mə-kɔn kə maann-nɔn, wurum a ta ti. Ta dda karə rɔse nəəlse ang bba m-dda nɛ̂n makəturu le marəse ang. M-dda karə ə-gərəje to m-ndikise nya.

2 Kɔrɛntinyɛje 3:5

Jeje njaa jasə ta dda kula nəənn le ang. Lubba â dda arə jasə ta dda kula kə̂ jaw dda le.

2 Kɔrɛntinyɛje 7:5

Mba kar kə̂ n-tee Maseduwann be njaa nɛ̂n kəm-to-ndooje dang dang tɔyn ingajeje. Juwa rɔje ang. Dəwje uruje dɔje tə̂ kə kɔl ngaâ jisi kə bbəəl məje tə̂.

Galatəje 1:10

A bbasinɛn nəənn, maw sangə ddəw ta ddee maji kəm dəwje tə̂ wase kəm Lubba tə̂ wa? Maw sangə ddəw ta nəəl kəm dəwje tə̂ wa? A bbo maw sangə ddəw ta nəəl kəm dəwje tə̂ a, mâ to bbərə-kula lə Kristə ang ngaa.

Epɛjinyɛje 6:7

Ə-ddaje kə əbbəseseje kə mə-kâra, tokə lə Əbbə-dəwje â aw ddaje saa bbo dəwje ang.

Pilipinyɛje 3:18

M-pa marəse gɔl banya nya mban. A, m-təl ta pa karəse bbokənɛn kə maann-nɔn kəmʼm tə̂: dəwje nya aw njaje tokə dəwje kə̂ mbətəje tar koy lə Kristə kə̂ oy dɔ kakə-dəsə tə̂.

Kolosinyɛje 3:24

Mba ə-gərəje to â kingaje nɛ̂nje kə̂ maji kə̂ Əbbə-dəwje ngəm mba dəwje laa to kuka ləde. Əbbəsese to Kristə, ne â aw ddaje saa.

1 Tesalonisinyɛje 1:9

Dəwje tɔyn aw paje tar tee kə̂ n-tee rɔse tə̂, ndɔ tə̂ kə̂ jaw nɛ̂n bbeê ləse kə gusu kə̂ inyaje nɛ̂n kɔrje kə̂ aw poloje, a ə-turuje rɔse kə rɔ Lubba tə̂ ta dda saa, ne Lubba kə̂ nisi kəm baa ddəm n̂-to Lubba kə̂ tɔkɔrɔ ddəm le

2 Timɔte 1:4

Məjə dɔ nɔn tə̂ kə̂ ə-nɔn a, maal təl kooi ddam nya, baann bba mâ kisi kə rɔ-nəəl.

Jakə 1:2

Ngakɔnʼmje, bbo nɛ̂nje dang dang nanse a, maji karə isije kə rɔ-nəəl.

1 Piyɛr 1:6

Mba yeenn bba, le to tar ləse ta karə ooje gar ndooje dang dang bbasinɛn nəənn mba marə gɔju kar njaa kara aw isije kə rɔ-nəəl.

2 Piyɛr 1:1

Əman Simɔn Piyɛr kə̂ m-to bbərə-kula lə Jeju-Kristə ddəm nje-kaw-kula lə Jeju-Kristə ddəm m-dda makəturu nəənn marə dəwje kə̂ ingaje mə-kunn kə̂ ngəng kə̂ kâra baa kə̂ jinga le. Dingaje mə-kunn le ddəw nɛ̂n-dda tə̂ kə̂ gatə gatə lə Jeju-Kristə kə̂ to Lubba ləje ddəm Nje-kajije ddəm.

Apokalisi 7:15

Mba yeenn bba, darje nɔn ngende-mbay tə̂ lə Lubba daw poleje til kə kar mə kəy tə̂ kə̂ daw pole tə̂. Ne kə̂ nisi ngende-mbay tə̂ le, nâ ngəmde.