Kulaje 20:17 - Dɔnɔn kə̂ Siki: Tar kə̂ aw arə təbbə

¹⁷ Pɔl nayn Milɛ nu njaa a, ula bbar dəwje kə̂ dɔ Egilisi tə̂ kə̂ Epɛjə.

Maketuru le Lubba ke tar kabba

¹⁷ Pɔl nayn Mile nu njaa a, ula bbar ansiyenje ke Egilisi te ke Epeje.

Kulaje 20:17 ပူးပေါင်းရင်းမြစ်များ

Kulaje 11:30

N̂-ddaje tokə baann. Darəje nɛ̂nje le Barnabas de kə Sɔl darə dawje nɛ̂n darə dəwje kə̂ dɔ Egilisi tə̂ kə̂ nangə tə̂ kə̂ Jude.

Kulaje 14:23

Mə Egilisije tə̂ tɔyn kə̂ n̂-teeje tə̂, n̂-dda marə njê-mə-kunnje to dəwje kə̂ dɔ Egilisi tə̂ le, dɔkuje rɔde nɛ̂n-kusa, n̂-dujuje Lubba dɔde tə̂ ngaâ dinyajede ji Əbbə-dəwje tə̂ kə̂ dunda mə-kunn ləde dɔɛ̂ tə̂ le.

Kulaje 15:23

Tar kə̂ n̂-ddaje makəturu tə̂ darəde le tokə be: «Jee njê-kaw-kulaje, dəwje kə̂ dɔ Egilisi tə̂ kə ngakɔnse, n-dda lapiya ngakɔnjeje kə̂ toje to Jiipije ang kə̂ eeje Antiyos nangə tə̂ kə̂ Siri kə Silisi.

Kulaje 15:4

N̂-teeje Jerujalɛm a, Egilisi kə njê-kaw-kulaje kə dəwje kə̂ dɔ Egilisi tə̂ taajede kə rɔ-nəəl. Dɔruje gəl nɛ̂nje tɔyn kə̂ Lubba dda ddəw tə̂ ləde darə dəwje kə̂ Jerujalɛm.

Kulaje 15:6

Njê-kaw-kulaje kə dəwje kə̂ dɔ Egilisi tə̂ mbɔnje naan ta kisa mə tar le.

Kulaje 16:4

Bbeje kə̂ Pɔl de kə Silas n̂-teeje tə̂, n̂-ndajije nduje kə̂ njê-kaw-kulaje kə dəwje kə̂ dɔ Egilisi tə̂ kə̂ Jerujalɛm unnje le darə dəwje. N̂-walde nya karə n̂-ddaje nɛ̂n kə turu nduje le.

Kulaje 18:19

Daw teeje Epɛjə. Pɔl inya Pirisil de kə Akilas lo tə̂ənn ngaâ ɔtu aw kəy mbɔn-naan tə̂ lə Jiipije aw pa tar kə de.

Kulaje 20:15

Lo-karɛ̂ a, jin tə̂ənn kə tɔkə to n-tee ngɔsi kə bbe kə̂ Kiyo. Ndɔ kâra goe tə̂ bbay a, n-nday kə ddəw kə̂ Samos ngaâ n-dda ndɔ joo a, n-tee Milɛ.

Kulaje 20:28

Maji karə undaje kəmse dɔ rɔse tə̂ kə dɔ nɛ̂n-kuulje tə̂ kə̂ Ndil-mə-nda undase karə ə-ngəmjede. Ə-ngəmje Egilisi kə̂ Lubba ndoko kə məse njaa le.

1 Timɔte 5:17

Asə karə dəwje kə̂ dɔ Egilisi tə̂ kə̂ aw tɔjuje ddəw kə̂ maji dəwje ingaje kuka kə̂ bo. Uta tɔyn, dede kə̂ kula pa tar lə Lubba kə kula nɛ̂n-tɔju ɔɔyde nya.

Titə 1:5

Minyai dɔ dərə-maann tə̂ kə̂ Krɛtə karə ə-gɔl gɔl nɛ̂nje kə̂ nayn bbay ə-tunga ngaâ ta karə unda dəwje kə̂ dɔ Egilisi tə̂ mə bbeje tə̂ kâra kâra tokə m-pa mari le.

Jakə 5:14

Bbo marə dəw horose tə̂ rɔɛ̂ toe a, maji karə n̂-bbar dəwje kə̂ dɔ Egilisi tə̂ narə n̂-dujuje Lubba mba tar laa ta dilaje ubbu dɔɛ̂ tə̂ kə ri Əbbə-dəwje.

1 Piyɛr 5:1

Bbasinɛn, m-ndiki ta ndəjə dəwje kə̂ dɔ Egilisi tə̂ kə̂ toje horose tə̂. Əman kə̂ m-to dəw kə̂ dɔ Egilisi tə̂ marde tɔ le, m-to nje-tar-naji ndooje kə̂ Kristə oo. Mâ kinga piti kə̂ Lubba a tee nɛ̂n kə̂ ddaka le tɔ.

2 Jan 1:1

Əman tɔkə le, m-dda makəturu nəənn mari, əi kɔn-baay kə̂ Lubba bbari kə ddaka ddəm marə nganni kə̂ m-ndikide kə ndiki kə tɔkɔrɔ ddəm. Əman kə karəm baa ang. Dəwje tɔyn kə̂ gərəje tar kə̂ tɔkɔrɔ ndikise tɔ,

3 Jan 1:1

Əman tɔkə le, m-dda makəturu nəənn mari əi Gayus kə̂ m-ndikii kə ndiki kə̂ tɔkɔrɔ.