Kulaje 2:46 - Dɔnɔn kə̂ Siki: Tar kə̂ aw arə təbbə

⁴⁶ Dooje ta naan ngaâ kə ndɔ kâra kâra tɔyn daw dawje kəy-polo Lubba tə̂ naan tə̂. Daw dusaje nɛ̂n mə kəy tə̂ lə naan. Daw dusaje nɛ̂n ləde kə rɔ-nəəl kə mə ngonn-kasə.

Maketuru le Lubba ke tar kabba

⁴⁶ Dooje ta naa ngaa ke ndɔ kara kara tɔyn daw dawje key-polo-Lubba te naa te. Daw dusaje ne ta key te le naa. Daw dusaje ne lede ke koko, ke me ngonn̂-kase.

Kulaje 2:46 ပူးပေါင်းရင်းမြစ်များ

Matiye 6:22

«Kəm dəw to tokə lambe kə̂ da-rɔɛ̂ tə̂. Bbo kəmi to kə majɛ̂ a, da-rɔi tɔyn njaa a to dann lo-karɛ tə̂.

Luku 11:41

Arəje nɛ̂nje kə̂ mə əngo tə̂ kə ka tə̂ le njê-ndooje, yeenn bba nɛ̂n a ddee to nɛ̂n-yərəw ang mbase.

Luku 24:30

Nisi ta nɛ̂n-kusa tə̂ kə̂ de a, nunn mapa, narə wooyo Lubba ngaâ goe tə̂ a, n̂-tətə dannâ n̂-kaynde.

Luku 24:53

Ndɔ tɔyn njaa, deeje mə kəy-polo Lubba tə̂ daw dɔsuje gaji Lubba.

Kulaje 16:34

Naw kə Pɔl de kə Silas kəy laa naw narəde nɛ̂n-kusa ngaâ n̂-dda rɔ-nəəl kə njê-nujuje laa mba koo kə̂ noo məɛ̂ tə̂ kə Lubba le.

Kulaje 2:42

Njê-mə-kunnje le unnje rɔde tɔyn mba kaw koo nɛ̂n-tɔju lə njê-kaw-kulaje kə ndɔ tɔyn. Daw dulaje nuju naan tə̂, daw ddaje mə-kâra ddəw muru mə-kâra tə̂ ngaâ daw dujuje Lubba.

Kulaje 20:7

N-mbɔn naan kə ndɔ-kuwa-rɔ ta kɔn muru mə-kâra a, Pɔl pa tar arə njê-mə-kunnje ndərəng lo mɔngu, mba lo-karɛ̂ a, nâ ta kɔtu.

Kulaje 3:1

Marə ndɔ, Piyɛr kə Jan dawje kə kəy-polo Lubba tə̂ mba duju Lubba kə gɔl kar kə̂ mota kə̂ lo-kul tə̂.

Kulaje 5:21

Njê-kaw-kulaje le ooje tɛɛ̂ ngaâ lo a ta karɛ a, dawje kəy-polo Lubba tə̂ daw tɔjuje nɛ̂n. Tɔkə nje-polo Lubba kə njê kə̂ mbɔrɛ̂ tə̂ n̂-bbarje tɔkəje lə dəwje kə Ijarayɛl karə duwa dɔ naan lo gangə sariya tə̂ lə Jiipije. Dulaje kəy-kula tə̂ karə n̂-ddee kə njê-kaw-kulaje le.

Kulaje 5:42

Kə ndɔ tɔyn, mə kəy-polo Lubba tə̂ wase mə kəyje tə̂ kara, dinyaje ddəw tɔju nɛ̂n ang ddəm dinyaje kila mbər Tar kə̂ Maji lə Jeju kə̂ to Kristə le ang ddəm.

Rɔmɛnje 12:8

Dəw kə̂ Lubba arɛ̂ gusu karə n̂-ndəjə dəwje a, maji karə n̂-ndəjə dəwje. Maji karə dəw kə̂ to nje-nɛ̂n-karə, arə nɛ̂n kə mə-kâra. Maji karə dəw kə̂ nje-tɔju ddəw dəwje, tɔju kə dɔgɔlɛ̂, dəw kə̂ aw dda maji kə dəwje, dda kə rɔ-nəəl.

1 Kɔrɛntinyɛje 10:16

Jaw jarəje wooyo Lubba mba əngo-narɛ kə̂ jaw ddaje nɛ̂n mə-kâra. Yeenn to mə-kâra â jaw ddaje ddəw məsə Kristə tə̂ ang wa? Mapa kə̂ jaw tətəje jusaje to mə-kâra â jaw ddaje kə da-rɔ Kristə ang wa?

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

2 Kɔrɛntinyɛje 11:3

A tokə li ərə Ɛbə le, m-bbəəl mba karə kəjə ləse təl turu ngaâ karə awje ddəw əw kə Kristə kə̂ unnje rɔse tɔyn arɛ̂je kə mə-kâra le.

Epɛjinyɛje 6:5

See bbərəje, ooje ta əbbəsese kə̂ nangə̂ nəənn, ə-bbəəljede, ə-ddaje kula arəjede kə mə ngonn-kasə tokə Kristə â aw ddaje kula laa.

Kolosinyɛje 3:22

Bbərəje, maji karə ooje ta əbbəsese kə̂ dɔ nangə tə̂ nəənn mə nɛ̂n tə̂ tɔyn. Ə-ddaje baann mba kunda kə̂ daw dundaje kəmde dɔse tə̂ bba ta nəəl nɛ̂n kəmde tə̂ ang. Ə-ddaje kula arəjede kə mə ngonn-kasə tokə dəwje kə̂ aw bbəəlje Əbbə-dəwje.