Kulaje 2:38 - Dɔnɔn kə̂ Siki: Tar kə̂ aw arə təbbə

³⁸ Piyɛr pa arəde nan: «Ə-turuje məse ta nân nân kara inga batɛm kə ri Jeju-Kristə. Baann bba Lubba a kɔru tar majangje ləse dɔse tə̂ ngaâ nâ karəse Ndil-mə-nda.

Maketuru le Lubba ke tar kabba

³⁸ Piyar pa arede na: «E-turuje mese ngaa ta na na kara inga batem ke ri Jeju Kiriste. Baann bba Lubba a kɔru tar majangje lese dɔse te ngaa na karese Ndil-me-nda.

Kulaje 2:38 ပူးပေါင်းရင်းမြစ်များ

Matiye 28:19

Yeenn a, awje rɔ gəl-dəwje tə̂ tɔyn kə̂ dɔ nangə tə̂. Ə-ddajede to njê-njaje gom tə̂ ta ə-ddajede batɛm kə ri Bɔ, ri Ngonn kə ri Ndil-mə-nda.

Matiye 3:2

N̂-pa nan: «Ə-turuje məse nyɔm, mba kɔn-mbay kə̂ darâ ddee ngɔsi ngaa.»

Matiye 3:6

N̂-paje majangje ləde kə ddaka ngaâ Jan le ddade batɛm maann Jurdɛn tə̂.

Matiye 4:17

Unn kute kar tə̂ənn njaa, Jeju unn kutu kila mbər nan: «Ə-turuje məse, mba kɔn-mbay kə̂ darâ ddee ngɔsi ngaa.»

Marke 1:15

N̂-pa nan: «Kar kə̂ Lubba ɔju le asə ngaâ kɔn-mbay lə Lubba ddee ngɔsi ngaa. Ə-turuje məse bbo ooje məse tə̂ kə Tar kə̂ Maji.»

Marke 16:16

Dəw kə̂ unn məɛ̂ ngaâ inga batɛm a, a kinga kaji. Dəw kə̂ unn məɛ̂ ang a, sariya to dɔɛ̂ tə̂.

Luku 24:47

Dâ kila mbər tar kə ri Kristə le karə gəl-dəwje tɔyn turuje nɛ̂n məde, mba karə tar majang ləde ɔru dɔde tə̂. Mbər tar le a kunn-kute Jerujalɛm tə̂.›

Luku 3:10

Dəwje kə̂ banya le dujeje nan: «Ddi bba to maji karə n-dda wa?»

Kulaje 10:43

Njê-kilaje mbər tar lə Lubba tɔyn paje tar laa nan: ‹Dəw kə̂ unn məɛ̂ arə Jeju a, Lubba ɔru tar majang laa dɔɛ̂ tə̂ kə ri Jeju le.› »

Kulaje 10:48

Piyɛr le arə ddəw karə n̂-ddade batɛm kə ri Jeju-Kristə ngaâ dəwje le dujuje Piyɛr le karə dda ndɔ rɔde tə̂ ngaji bbay.

Kulaje 13:38

Yeenn bba ngakɔnʼmje, maji karə ə-gərəje to ddəw tə̂ lə Jeju le bba daw pa darəse nan Lubba a kɔru tar majang ləse dɔse tə̂. Ndu lə Mɔyijə asə dda karə dəw ddee gatə gatə kəm Lubba tə̂ ang.

Kulaje 16:15

Lidi kə njê kə̂ kəy laa dingaje batɛm a, n̂-bbarje n̂-pa narəje nan: «Bbo əjəje to moo məm tə̂ tɔkɔrɔ kə Əbbə-dəwje a, ə-ddeeje ə-toje kə̂y ləm.» Numan kə je nya karə n-ndiki bbar tə̂ kə̂ n̂-bbarje le.

Kulaje 17:30

Kar kə̂ dəwje gərəje tar kə̂ tɔkɔrɔ ang bbay le. Lubba oo to nɛ̂n ang. A bbasinɛn naw bbar dəwje tɔyn kə̂ isije loje tə̂ tɔyn karə n̂-turu məde.

Kulaje 20:21

Mila mbər marə Jiipije kə Gɛrɛkəje karə n̂-turuje məde nyɔm ta n̂-təlje rɔ Lubba tə̂ ngaâ ta karə dundaje məde kə dɔ Əbbə-dəwje Jeju tə̂.

Kulaje 22:16

A mba ddi bba aw tila bbay wa? In taar bbo inga batɛm, ə-bbar ria arə tar majang ləi ɔru dɔi tə̂.›

Kulaje 26:18

Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »

Kulaje 26:20

A dəwje kə̂ Damas kə Jerujalɛm â mila mbər tar nəənn marəde dɔngɔr. Goe tə̂ a, mila mbər marə dəwje kə̂ Jude kə dəwje kə̂ toje to Jiipije ang. M-pa marəde karə n̂-turuje məde ta daaje lo kə rɔ Lubba tə̂ ngaâ ta n̂-ddaje nɛ̂n kə̂ tɔju to n̂-turuje məde mban.

Kulaje 3:19

Yeenn a, maji karə ə-turuje məse ta ə-təlje rɔ Lubba tə̂. Baann bba nâ toko majangje ləse

Kulaje 5:31

Lubba le unnɛ̂ undɛ̂ dɔ ji-kɔlɛ̂ tə̂ to mbay ddəm Nje-kaji-dəwje ddəm. Baann bba karə ngann Ijarayɛlje ingaje ddəw ta turu məde ddəm karə tar majang ləde ɔru dɔde tə̂ ddəm.

Kulaje 8:12

A dəwje tɔyn, dingawje kə dɛnɛ̂nje kə̂ ooje məde tə̂ kə Tar kə̂ Maji kə̂ Pilipi tɔju dɔ Bbe-kɔn tə̂ lə Lubba ddəm dɔ tar tə̂ lə Jeju-Kristə ddəm ingaje batɛm.

Kulaje 8:20

A Piyɛr ilɛ̂ tə̂ nan: «Maji karə oy kə narɛ ləi tɔyn, mba əjə to â kasə ndoko nɛ̂n kə̂ Lubba aw arə dəw baa kə narɛ.

Rɔmɛnje 6:3

Ə-gərəje ang wa? Jeje tɔyn kə̂ jingaje batɛm n-ddeeje kâra baa kə Jeju-Kristə ngaâ joyje saa.

Epɛjinyɛje 1:7

Ddəw məsə tə̂ lə Kristə, Lubba tee kə je mə nɛ̂n-dda tə̂ kə̂ maji ang kə ddang ngaâ nɔru tar majang ləje dɔje tə̂, ddəw mə-maji tə̂ laa kə̂ bo nya.

Titə 3:5

najije. Nɛ̂n kə̂ gatə gatə kə̂ n-ddaje bba najije mbɛɛ̂ goto. Najije mba noo kəm-to-ndoo ləje, narə n-ddeeje to dəwje kə̂ siki ddəw toko tə̂ kə̂ n̂-tokoje ddəm ddəw tə̂ lə Ndil-mə-nda ddəm.

1 Piyɛr 3:21

Yeenn to nɛ̂n kə̂ tɔju batɛm kə̂ aw ajise bbasinɛn le. Batɛm to nɛ̂n kə̂ aw toko nɛ̂n-yərəw kə̂ da-rɔ tə̂ ang. To kunn rɔ ta dda kə Lubba kə kəjə kə̂ maji. Batɛm le ajise ddəw ndol tə̂ kə̂ Jeju-Kristə ndol buwa-yo tə̂.