Kulaje 2:24 - Dɔnɔn kə̂ Siki: Tar kə̂ aw arə təbbə

²⁴ A Lubba ndole, nɔrɛ̂ ji yo tə̂ kə ddang, mba yo ubba singa ngaji ta kuwɛ̂ karə n̂-nayn rɔɛ̂ tə̂ ang.

Maketuru le Lubba ke tar kabba

²⁴ A Lubba ndole ɔre me ji yo te, mba yo ee ke singa ngaji ta ngeme jia te ang.

Kulaje 2:24 ပူးပေါင်းရင်းမြစ်များ

Matiye 27:63

n̂-paje nan: «Dəw kə̂ bo, jole məje to, dɔ ndɔ tə̂ kə̂ nje-kərə dəwje nəənn le nayn nɛ̂n kəm baa bbay le, n̂-pa nan: ‹Ndɔ mota go yo tə̂ ləm a, mâ ndol.›

Tar kə̂ Maji kə̂ Jan dda makəturu tə̂ 10:18

Dəw kâra ɔru təbbə ləm jim tə̂ kə singa ang, əman njaa marə kə̂ mə-ndiki ləm. Masə ta karə təbbə ləm ngaâ masə ta təl kinga. Yeenn to ndu kə̂ Bɔ unn arəm.»

Tar kə̂ Maji kə̂ Jan dda makəturu tə̂ 10:35

Dəw kâra asə kɔru marə tar kə̂ Makəturu-Ndu tə̂ ang. A Makəturu-Ndu tə̂ənn, dəwje kə̂ Lubba aw pa tar arəde â naw bbarde to lubbaje.

Tar kə̂ Maji kə̂ Jan dda makəturu tə̂ 12:39

Dəwje le a kooje məde tə̂ ang mba ddi wa? Ejayi ɔru gəle nan:

Tar kə̂ Maji kə̂ Jan dda makəturu tə̂ 20:9

Mba njê-njaje go Jeju tə̂ le nayn gərəje mə tar kə̂ Makəturu pa le ang bbay. Tar kə̂ nan: «Jeju kə̂ oy a ndol njaa» le.

Kulaje 1:16

«Ngakɔnʼmje, tar kə̂ Ndil-mə-nda unda ta Dabbiti tə̂ arə pa makəturu tə̂ lə Lubba le ddee to tar kə̂ tɔkɔrɔ ngaa. Tar le nan Judas a təl to nje-kunn nɔn dəwje kə̂ uwaje Jeju.

Kulaje 13:30

A Lubba arə n̂-ndol

Kulaje 13:37

A ne kə̂ noy, a Lubba ndole le n̂-ndum ang.

Kulaje 17:31

Mba nɔju ndɔ kə̂ nâ karə dəw kə̂ n̂-mbəre gangə nɛ̂n sariya kə̂ to gatə gatə dɔ dəwje tə̂ tɔyn kə̂ dɔ nangə tə̂. Narə dəw le oy, a ndol bba ta tɔju karə dəwje tɔyn to ne njaa n̂-mbəre.»

Kulaje 2:32

Jeju kə̂ maw pa tar laa nəənn le, noy, a Lubba ndole ngaâ jeje tɔyn n-toje to njê-tar-naji nɛ̂ɛnn le.

Kulaje 3:15

Dəw kə̂ nje-karə təbbə kə̂ ə-tɔlɛ̂je le, Lubba ndole arə n-to njê-tar-naji nɛ̂ɛnn le.

Kulaje 3:26

Sese â Lubba unn Nje-kula laa dɔngɔr ulɛ̂ karə n̂-bbar Tar kə̂ Maji dɔse tə̂, karə nɔruse kâra kâra tɔyn mə nɛ̂n-ddaje tə̂ ləse kə̂ maji ang.»

Kulaje 4:10

Sese tɔyn kə dəwje kə̂ Ijarayɛl, maji karə ə-gərəje to kə ri Jeju-Kristə kə̂ Najarɛtə kə̂ ə-tɔlɛ̂je kakə-dəsə tə̂ bba Lubba ndole le â dəw nəənn ar nɛ̂n nɔnse tə̂ kə rɔ kə̂ maji nəənn.

Kulaje 5:30

Lubba lə kajeje arə Jeju kə̂ ə-bbəreje dɔ kakə-dəsə tə̂ ə-tɔlɛ̂je le ndol.

Rɔmɛnje 10:9

Bbo əi njaa ə-pa kə tai kəm dəwje tə̂ tɔyn nan Jeju to Əbbə-dəwje ngaâ ə-ndiki tə̂ məi tə̂ to noy ngaâ Lubba ndole a, â kinga kaji.

Rɔmɛnje 14:9

Mba Kristə oy ngaâ təl isi kəm baa, baann bba nâ to Əbbə dəwje kə̂ oyje ddəm Əbbə dəwje kə̂ isije kəm baa ddəm.

Rɔmɛnje 4:24

Tar le to mba jeje tɔ, jeje kə̂ Lubba ooje to dəwje kə̂ gatə gatə, mba jooje məje tə̂ kə Əbbəjeje Jeju kə̂ oy, a ndol le.

Rɔmɛnje 6:4

Ddəw batɛm tə̂ le, nayn to joyje ngaâ n̂-dubbuje kâra baa saa, mba karə kisi ləje kə̂ bbasinɛn to dang kə ye kə̂ ləw, tokə Kristə kə̂ oy ngaâ ndol ddəw singa-mɔngu tə̂ lə Bɔjeje Lubba kə̂ piti to laa le.

Rɔmɛnje 8:11

Bbo Ndil lə Lubba kə̂ ndol Jeju kə̂ oy le dda bbe məse tə̂ a, da-rɔse le a koy njaa. A Lubba kə̂ ndol Kristə kə̂ oy le a karə təbbə da-rɔse le ddəw Ndil tə̂ laa kə̂ dda bbe məse tə̂.

Rɔmɛnje 8:34

Nân bba a gangə sariya dɔde tə̂ wa? Dəw kâra ang, mba Jeju-Kristə njaa oy. Uta tɔyn, n̂-təl n̂-ndol, nisi dɔ ji-kɔl Lubba tə̂ ngaâ naw duju Lubba mba tar ləje.

1 Kɔrɛntinyɛje 15:12

Bbo jaw jila mbər n-pa nan Kristə kə̂ oy le ndol a, tokə baânn bba marə dəwje horose tə̂ aw paje nan dəwje kə̂ oyje a ndolje ang wa?

1 Kɔrɛntinyɛje 15:15

Tɔ bbay, bbo dəwje kə̂ oyje aw ndolje tɔkɔrɔ ang a, yeenn pa nan Lubba ndol Kristə kə̂ oy le ang tɔ. Yeenn a, ja toje to njê-tar-najije lə Lubba kə̂ toje to njê-ngəmje, mba jaw pa nan Lubba ndol Kristə kə̂ oy le.

1 Kɔrɛntinyɛje 15:20

A tɔkɔrɔ njaa, Kristə le ndol. Horo dəwje tə̂ kə̂ oyje, n̂-to dɔngɔr dəw kə̂ ndol ta tɔju to dəwje kə̂ oyje a ndolje tɔ.

1 Kɔrɛntinyɛje 15:4

N̂-dubbe dda ndɔ mota a, n̂-ndol tokə makəturu lə Lubba pa le.

1 Kɔrɛntinyɛje 6:14

Lubba kə̂ ndol Əbbə-dəwje kə̂ oy le, a ndolje ddəw singa-mɔngu tə̂ laa tɔ.

2 Kɔrɛntinyɛje 4:14

N-gərə to, Lubba kə̂ ndol Əbbə-dəwje Jeju le, a ndolje saa tɔ. Ngaâ nâ karə jeje kə se jar nɔɛ̂n tə̂ kâra baa.

Galatəje 1:1

Əman Pɔl, m-to nje-kaw-kula. To dəwje â bbarəmje karə m-ddee to nje-kaw-kula le ang ddəm ddəw tə̂ lə marə dəw ang ddəm. Jeju-Kristə kə Lubba kə̂ Bɔ kə̂ ndol Jeju kə̂ oy â n̂-bbarəmje.

Epɛjinyɛje 1:20

n̂-tɔju kə ddaka dɔ Kristə tə̂, kar tə̂ kə̂ noy, a n̂-ndole ngaâ narə nisi dɔ ji-kɔlɛ̂ tə̂ darâ,

Kolosinyɛje 2:12

Batɛm kə̂ ingaje le nayn to n̂-dubbuse kə Kristə naan tə̂. Goe tə̂ a, ə-ndolje saa naan tə̂, mba ooje məse tə̂ to singa lə Lubba â ndole.

1 Tesalonisinyɛje 1:10

ngaâ aw nginanje Ngonnɛ̂ Jeju kə̂ oy, a n̂-ndole, ne kə̂ nâ kin darâ ta ddee. Ne ngonnɛ̂ kə̂ nɔruje ta wungu tə̂ lə Lubba kə̂ aw ddee le.

Ebərəje 13:20

Lubba kə̂ to nje-karə mə-wul-lɔm dda arə Əbbəjeje Jeju kə̂ to tɔkə nje-kuul batəje le oy, a ndol. Ddəw məsə Jeju tə̂ kə̂ arə to nɛ̂n-polo le â Lubba ɔsu nɛ̂n kə je dɔnɔn kə̂ a to kə ndɔ kə ndɔ.

Ebərəje 2:14

Ngannje nəənn le toje tɔyn to dəwje. Yeenn bba Jeju kara ddee to dəw tokə dede tɔ. Baann bba ddəw koy tə̂ laa, n̂-guru singa Əsu kə̂ ee kə singa tɔl dəw,

1 Piyɛr 1:21

Ddəw tə̂ laa â unnje məse arəje Lubba kə̂ noy a, ndole ngaâ arɛ̂ piti, mba karə mə-kunn ləse kə mə-kunda ləse to kə dɔ Lubba tə̂.

Apokalisi 1:18

M-to nje-kisi kəm baa. Ləw moy, a bbasinɛn misi kəm baa kə ndɔ kə ndɔ. Mee kə singa dɔ yo tə̂ ddəm dɔ lo tə̂ lə dəwje kə̂ oyje ddəm.