Kulaje 19:26 - Dɔnɔn kə̂ Siki: Tar kə̂ aw arə təbbə

²⁶ A sese njaa ooje kə kəmse ddəm ooje kə mbise ddəm nan Pɔl mbɔn dəwje pa arəde nan kɔrje kə̂ n-dda kə jije to lubbaje ang ngaâ dəwje nya nya ndikije tə̂ saa. Tarje nəənn taa dɔ nangə kə̂ Aji tɔyn bbo Epɛjə kâra baa ang.

Maketuru le Lubba ke tar kabba

²⁶ A sese njaa ooje ke kemse ddem ooje ke mbise ddem na Pɔl mbɔn dewje pa arede na kɔrje ke n̂-ddaje ke jije to lubbaje ang are dewje banya banya ndikije te saa. Tarje neenn taa dɔ nange ke Aji tɔyn bbo Epeje kara baa ang.

Kulaje 19:26 ပူးပေါင်းရင်းမြစ်များ

Kulaje 14:15

«Mba ddi bba ə-ddaje nɛ̂n tokə be wa? Jeje kara n-to dəwje tokə sese tɔ. Jaw pa Tar kə̂ Maji jarəse karə ta ə-mbətəje nɛ̂n kə̂ ture goto, ta aaje lo kə rɔ Lubba tə̂ kə̂ isi kəm baa. Lubba le â dda dara kə nangə, ba-katə kə nɛ̂nje tɔyn kə̂ toje tə̂.

Kulaje 17:29

«Tɔkɔrɔ njaa n-toje to ngann lə Lubba. Yeenn a, ja kasəje ta kəjə to Lubba unn da-rɔ kɔr kə̂ n̂-dda kə andə wase narɛ wase ər kə̂ dəw tɔl to tɔl kə gusu laa wase əjə to kəjə bba dda, tokə baânn wa?

Kulaje 18:19

Daw teeje Epɛjə. Pɔl inya Pirisil de kə Akilas lo tə̂ənn ngaâ ɔtu aw kəy mbɔn-naan tə̂ lə Jiipije aw pa tar kə de.

Kulaje 19:1

Kar tə̂ kə̂ Apolos nayn Kɔrɛntə a, Pɔl nday kə ddəw kə̂ Aji kə̂ to ddingirije ngaâ tee Epɛjə. Ninga marə njê-njaje go Əbbə-dəwje tə̂ lo tə̂ənn,

Kulaje 19:10

Nɛ̂ɛnn le to tokə baann ndərəng bbal joo arə dəwje kə̂ Aji, Jiipije kə Gɛrɛkəje ooje tar lə Əbbə-dəwje.

Kulaje 19:25

N̂-mbɔn njê-kula marɛ̂je kə dəwje kə̂ aw ddaje marə nɛ̂nje dang dang kə andə-narɛ ngaâ n̂-pa narəde nan: «Namʼmjedede, ə-gərəje kə majɛ̂ to ddəw kula tə̂ nəənn â jisi nɛ̂n kə̂ majɛ̂.

1 Kɔrɛntinyɛje 12:2

Ə-gərəje kə majɛ̂ to ləw kə̂ ə-gərəje Lubba ang bbay le, bbo polo kɔrje kə̂ aw paje tar ang uta dɔse.

1 Kɔrɛntinyɛje 8:4

Yeenn a, ja kasəje ta kusa daje kə̂ n̂-polo nɛ̂n kɔrje wa? N-gərəje kə majɛ̂ to kɔr goto dɔ nangə tə̂ ngaâ Lubba kâra baa bbo marə lubba dang to ang.

Galatəje 4:8

Ləw, ə-gərəje Lubba ang, ə-toje to bbərəje lə kɔrje kə̂ toje to lubbaje kə̂ tɔkɔrɔ ang.

1 Tesalonisinyɛje 1:9

Dəwje tɔyn aw paje tar tee kə̂ n-tee rɔse tə̂, ndɔ tə̂ kə̂ jaw nɛ̂n bbeê ləse kə gusu kə̂ inyaje nɛ̂n kɔrje kə̂ aw poloje, a ə-turuje rɔse kə rɔ Lubba tə̂ ta dda saa, ne Lubba kə̂ nisi kəm baa ddəm n̂-to Lubba kə̂ tɔkɔrɔ ddəm le

Apokalisi 9:20

A kəsə dəwje kə̂ nɛ̂n kəm-to-ndooje nəənn le tɔljede ang le inyaje ddəw polo kɔrje kə̂ n̂-ddaje kə jide njaa le ang. N̂-naynje daw poloje ndilje kə̂ maji ang, daw poloje kɔrje kə̂ n̂-ddaje kə andə kə narɛ kə tungu kə ər kə kakə. Kɔrje kə̂ aw ooje lo ang ddəm aw ooje tar ang ddəm aw njaje ang ddəm le.