Kulaje 19:17 - Dɔnɔn kə̂ Siki: Tar kə̂ aw arə təbbə

¹⁷ Njê-bbeje tɔyn kə̂ Epɛjə kə Jiipije kə Gɛrɛkəje, dooje tar nəənn le. Bbəəl uta dɔde tɔyn arə dɔsuje gaji ri Əbbə-dəwje Jeju kə̂ to ri kə̂ bo.

Maketuru le Lubba ke tar kabba

¹⁷ Nje-bbeje tɔyn ke Epeje, ke Jiipije, ke Gerekeje, ooje tar neenn le. Bbeel ddade tɔyn are dɔsuje gaji ri Ebbe-dewje Jeju ke to ri ke bo.

Kulaje 19:17 ပူးပေါင်းရင်းမြစ်များ

Luku 1:65

Dəwje tɔyn kə̂ ddaje bbe mbɔrde tə̂ ddəm dəwje tɔyn kə̂ isije dɔ ddingirije tə̂ kə̂ dɔ nangə tə̂ kə̂ Jude ddəm bbəəlje. Daw paje tar dɔ nɛ̂nje tə̂ kə̂ toje le.

Luku 7:16

Bbəəl uta dɔ dəwje le tɔyn. Dɔsuje gaji Lubba, n̂-paje nan: «Marə tɔkə nje-kila mbər tar lə Lubba tee horoje tə̂, Lubba ddee ta dda maji kə dəwje laa.»

Kulaje 13:12

Ngonn mbay le oo nɛ̂njeenn baann a, unn məɛ̂ arə Lubba mba nɛ̂n-tɔju kə̂ dɔ Əbbə-dəwje tə̂ le gangə singɛ̂.

Kulaje 18:19

Daw teeje Epɛjə. Pɔl inya Pirisil de kə Akilas lo tə̂ənn ngaâ ɔtu aw kəy mbɔn-naan tə̂ lə Jiipije aw pa tar kə de.

Kulaje 18:21

Nâ ta kinyade a, n̂-ndəjəde nan: «Bbo Lubba ndiki a, mâ təl rɔse tə̂ marə ndɔ.» Yeenn ngaâ nunn tɔkə to Epɛjə nɔtu.

Kulaje 19:1

Kar tə̂ kə̂ Apolos nayn Kɔrɛntə a, Pɔl nday kə ddəw kə̂ Aji kə̂ to ddingirije ngaâ tee Epɛjə. Ninga marə njê-njaje go Əbbə-dəwje tə̂ lo tə̂ənn,

Kulaje 19:16

Dəw kə̂ ndil kə̂ maji ang isi məɛ̂ tə̂ le aal uru dɔde tə̂, singɛ̂ utade arə n̂-teeje kəy laa kə ngɔru daynje rɔde baa ddəm kə do rɔde tə̂ ddəm.

Kulaje 19:18

Marə dəwje nya kə̂ ooje məde tə̂ ddee paje tar nɛ̂nje kə̂ maji ang kə̂ n̂-ddaje kə ddaka.

Kulaje 2:43

Bbəəl uta dɔ dəwje tɔyn, mba Lubba dda nɛ̂nje kə̂ dum dɔ koo kə nɛ̂n-mɔrije nya nya ddəw tə̂ lə njê-kaw-kulaje.

Kulaje 5:11

Bbəəl uta dɔ Egilisi ddəm dəwje tɔyn kə̂ ooje tar nɛ̂n kə̂ to le ddəm.

Kulaje 5:13

Dəwje aw paje tar ləde maji njaa, a dəw kâra tay mba kandə horode tə̂ ang.

Kulaje 5:5

Ananiyas oo tarjeenn le a, tee oso nangə̂ oy. Dəwje tɔyn kə̂ ooje tar yo lə Ananiyas le bbəəl uta dɔde.

Pilipinyɛje 1:20

Nɛ̂n kə̂ maw ngəbbə kə̂ munda məm dɔɛ̂ tə̂ nya dda arə rɔm a wul ang. A unn kute bbokənɛn nyɔm kə ləw, bbo misi kəm baa wase moy kara, pa-nja ləm a tɔju to Kristə le to nje-tɔkə-mbangə.

2 Tesalonisinyɛje 1:12

Yeenn bba ri Əbbəjeje Jeju a kinga piti mbase ngaâ sese kara a kingaje piti mbɛɛ̂, ddəw mə-maji tə̂ lə Lubba ləje kə lə Əbbəjeje Jeju-Kristə.

2 Tesalonisinyɛje 3:1

Ngakɔnje, ta kutu nɛ̂n dɔɛ̂ a, maji karə ə-dujuje Lubba mbaje bba karə tar lə Əbbə-dəwje taa lo njangə baa ngaâ karə dəwje pitije tar le tokə dəwje aw pitije bbeê ləse le.